رُعُيَرْ دَ عَكَيِ وَ يَحْيَى 4 - أَتَّوْرَتْ دَ أَنَّبَاوَا

سُجَّدَ أَسَمَ

¹ بَايَنْ وَنَّنْ، نَا دُوبَ سَيْ نَغَ وَتَ ڧُواْڢَ عَبُوطٜىٰ أَ سَمَ؞ مُرْيَرْ نَنْ وَدَّ نَجِ دَ ڢَرْكُواْ مَيْ ڧَارَ كَمَرْ ڧَهُواْ، تَثٜىٰ ‏«‏هَوْرُواْ نَنْ، ذَنْ نُونَ مَكَ أَبِنْدَ لَلَّيْ ذَيْ ڢَرُ بَايَنْ وَنَّنْ؞»‏

² نَنْ دَ نَنْ سَيْ رُوحُ يَسَوْكُواْ عَكَيْنَ، نَكُمَغَ عَثَنْ ثِكِنْ سَمَ وَتَ كُجٜىٰرَرْ مُلْكِ وَدَّ وَنِ يَكٜىٰ ذَمَ عَكَيْ؞

³ مَيْ ذَمَ عَكُجٜىٰرَرْ مُلْكٍ كُوَ يَنَ ڨَلِّ كَمَرْ دُوَڟُو مَاسُ دَرَجَ، وَتُواْ يَسْڢَ دَ كَرْنٜىٰلِيَنْ؞ كٜىٰوَيٜىٰ دَ كُجٜىٰرَرْ مُلْكٍ كُمَ أَݣَويْ وَنِ بَكَنْ غِذُواْ مَيْ ڨَلِّ كَمَرْ دُوڟٜىٰنْ ظُمُرُّدُ؞

⁴ كٜىٰوَيٜىٰ دَ كُجٜىٰرَرْ مُلْكٍ كُوَ أَݣَويْ وَطَنْسُ كُجٜىٰرُنْ مُلْكِ عَشِرِنْ دَ حُطُ، وَطَنْدَ دَتَّاوَا عَشِرِنْ دَ حُطُ سُكَ ذَوْنَ عَكَيْ؞ سُنَ سَنْيٜىٰ دَ ڢَرَرٜىٰ رِيغُنَ تَرٜىٰدَ هُولُنَنْ مُلْكِ نَظِينَارِيَ عَكَنْ كُواْوَنّٜىٰنْسُ؞

⁵ سَيْ وَلْڧِيَ تَكٜىٰ تَڢِتُواْوَ دَغَ كُجٜىٰرَرْ مُلْكٍ دَ ڧَرَرَّكِ دَ كُمَ ڟَاوَ؞ أَغَبَنْ كُجٜىٰرَرْ مُلْكٍ كُوَ أَݣَويْ ڢِتِلُ بَݣَويْ سُنَ ثِ، وَطَنْدَ سُكٜىٰ رُوحُواْحِنَّنْ بَݣَويْ نَ اللَّهْ؞

⁶ أَغَبَنْ كُجٜىٰرَرْ مُلْكٍ كُمَ أَݣَويْ وَنِ أَبُ كَمَرْ تَڢْكِنْ غِلَسْ، يَنَ ڨَلِّ كَمَرْ مَدُوبِے أَ رَانَ؞ كُمَ كٜىٰوَيٜىٰ دَ كُجٜىٰرَرْ مُلْكٍ عَتَكُواْوَنٜىٰ غٜىٰڢٜىٰ كُوَ، أَݣَويْ حَلِتُّو مَاسُ رَيْ غُدَا حُطُ ثِكٜىٰ دَ إِدَانُو غَبَ دَ بَايَ؞

⁷ حَلِتَّ تَڢَرْكُواْنَّنْ مَيْ رَيْ كَمَ دَ ذَاكِ تَكٜىٰ، نَبِيُنْ كَمَ دَ بِجِمِ، نَعُكُنْ كَمَ دَ مُتُمْ، نَهُطُنْ كَمَ دَ غَغَّڢَ مَيْ تَڢِيَ أَ سَمَ؞

⁸ كُواْوَثٜىٰ حَلِتَّ دَغَ ثِكِنْ حَلِتُّو حُطُنَّنْ مَاسُ رَيْ سُنَدَ ڢِكَڢِكَيْ شِدَ، أَݣَويْ إِدَانُو كٜىٰوَيٜىٰ دَسُو دُكَ حَرْ دَ ڧَرْڧَشِنْ ڢِكَڢِكَنْسُ؞ دَرٜىٰ دَ رَانَ بَاسَ دَيْنَ وَاڧَا ثٜىٰوَ ‏«‏مَيْ ڟَرْكِے، مَيْ ڟَرْكِے، مَيْ ڟَرْكِے، عُبَنْ‌غِجِ اللَّهْ مَيْ إِيكُواْ دُكَ!‏ شِينٜىٰ أَدَا، شِينٜىٰ عَيَنْظُ، شِينٜىٰ كُمَ مَيْ ذُوَا؞»‏

⁹ حَلِتُّنَّنْ حُطُ مَاسُ رَيْ، سُكَ رٜىٰرَ وَاڧُواْڧِنْ طَوْكَكَ دَ نَغِرْمَ دَ نَغُواْدِيَ غَ وَنَّنْ دَيَكٜىٰ ظَوْنٜىٰ عَكُجٜىٰرَرْ مُلْكٍ، يَكٜىٰ كُمَ رَايٜىٰ حَرْ أَبَدَا أَبَدِنْ؞ دُكْ لُواْكَثِنْ دَسُكٜىٰيِنْ حَكَ،

¹⁰ دَتَّاوَا عَشِرِنْ دَ حُطُنَّنْ سُكَنْ ڢَاطِ أَغَبَنْ وَنَّنْ دَيَكٜىٰ ظَوْنٜىٰ عَكُجٜىٰرَرْ مُلْكٍ، سُكَنْيِ مَسَ سُجَّدَ، شِے وَنْدَ يَكٜىٰ رَايٜىٰ حَرْ أَبَدَا أَبَدِنْ؞ سُكَنْ أَجِيٜىٰ هُولُنَنْ مُلْكِنْسُ عَڧَسَا أَغَبَنْ كُجٜىٰرَرْ مُلْكٍ، سُنَ ثٜىٰوَ

¹¹ ‏«‏يَا عُبَنْ‌غِجِ اللَّهْ نْمُ، كَا ثَنْثَنْثِ كَكَرْٻِ طَوْكَكَ دَ غِرْمَ دَ إِيكُواْ؞ غَمَا كَا حَلِثِّ كُواْمٜىٰ دَكُواْمٜىٰ، كُمَ تَوُرِنْ نُڢِنْكَ سُكَ كَسَنْثٜىٰ عَكَ كُمَ حَلِثّٜىٰسُ؞»‏