رُعُيَرْ دَ عَكَيِ وَ يَحْيَى 3 - أَتَّوْرَتْ دَ أَنَّبَاوَاسَڧُواْ ذُوَاغَ سَرْدِسْ 1 «رُبُوتَ وَمَلاَىِٕكَنْ جَمَعَرْ مَاسُبِے نَ سَرْدِسْ ثٜىٰوَ «غَا سَڧُواْ دَغَ وَنَّنْ دَيَكٜىٰ مُلْكٍ رُوحُواْحِ بَݣَويْ نَ اللَّهْ، وَنْدَ كُمَ يَكٜىٰ رِڧٜىٰ دَ تَوْرَرِنَّنْ بَݣَويْ؞ «نَسَنْ أَيُّكَنْكَ؞ أَنَ غَنِنْكَ كَمَرْ كَنَدَ رَيْ، عَمَّا مَتَثّٜىٰ نٜىٰ كَيْ! 2 سَبُواْدَ حَكَ، كَڢَرْكَ دَغَ بَرْثِ، كَكُمَ ڧَرْڢَڢَ أَبِنْدَ يَرَغُ، كُمَ يَنَ بَاكِنْ مُتُوَ؞ غَمَا بَنْ سَامِ عَيْكِنْكَ ثِكَكّٜىٰ أَغَبَنْ اللَّهْ نَبَ؞ 3 سَبُواْدَ حَكَ، أَبِنْدَ كَكَرْٻَ كَكُمَجِ سَيْ كَكِيَايٜىٰ، سَعَنً كَتُوبَ؞ عِدَنْ كُوَ بَكَ ڢَرْكَ بَ، ذَنْذُواْ كَمَرْ ٻَرَوُاْ، كُمَ بَذَاكَ سَنْ لُواْكَثِنْ دَ ذَنْذُواْ مَكَبَ؞ 4 عَمَّا دَيْ حَرْ يَنْذُ أَݣَويْ مُتَنٜىٰ كَطَنْ عَثِكِنْكُ أَ سَرْدِسْ وَطَنْدَ بَسُ ڧَظَنْتَرْدَ رِيغُنَنْسُبَ، ذَاسُيِ تَڢِيَ تَرٜىٰدَنِ سَنْيٜىٰ دَ ڢَرَرٜىٰنْ رِيغُنَ، دُواْمِنْ سُنْ ثَنْثَنْتَ؞ 5 دُكْ وَنْدَ يَثِ نَصَرَا ذَاعَ سَا مَسَ ڢَرَرٜىٰنْ رِيغُنَ كَمَرْسُ؞ بَذَنْ ثِرٜىٰ سُونَنْسَ دَغَ لِتَّڢِنْ رَيْ بَ، ذَنْ سَنَرْ ثٜىٰوَ مُتُمِنَّنْ نَوَنٜىٰ أَغَبَنْ عُبَانَ دَ كُمَ أَغَبَنْ مَلاَىِٕكُ؞ 6 «دُكْ مَيْكُنّٜىٰنْجِ، بَرِ يَجِ أَبِنْدَ رُوحُ يَكٜىٰثٜىٰ وَجَمَعَرْ مَاسُبِے!» سَڧُواْ ذُوَاغَ ڢِلَدٜىٰلْڢِيَ 7 «رُبُوتَ وَمَلاَىِٕكَنْ جَمَعَرْ مَاسُبِے نَ ڢِلَدٜىٰلْڢِيَ ثٜىٰوَ «غَا سَڧُواْ دَغَ وَنَّنْ دَيَكٜىٰ مَيْ ڟَرْكِے دَ مَيْ غَسْكِيَ؞ شِينٜىٰ مَغَاجِنْ مَبُوطِنْ إِيكُوانْ سَرْكِے دَاوُدَ، وَنْدَ إِنْ يَبُوطٜىٰ بَابُ مَيْ رُڢٜىٰوَ، كُمَ إِنْ يَرُڢٜىٰ بَابُ مَيْ بُوطٜىٰوَ؞ 8 «نَا سَنْ أَيُّكَنْكَ؞ غَاشِ، نَا بُوطٜىٰ ڧُواْڢَ أَغَبَنْكَ وَدَّ بَا مَيْ عِيَ رُڢٜىٰوَ؞ نَا كُمَ سَنْ ڧَرْڢِنْكَ كَطَنْ نٜىٰ؞ كَايِ بِيَيَّ دَ كَلْمَتَ، بَكَكُمَيِ مُسُونْ سَنِنَبَ؞ 9 غَاشِ، مُتَنٜىٰنَّنْ دَسُكٜىٰ نَڧُنْغِيَرْ شَيْطَنْ، مَاسُ ثٜىٰوَ سُونٜىٰ ذَاٻَٻُّنْ مُتَنٜىٰنْ اللَّهْ عَمَّا كُوَ بَ حَكَ سُكٜىٰ بَ، سُنَ ڧَضْيَا نٜىٰ؞ ذَنْسَا سُذُواْ سُرُسُنَ أَغَبَنْكَ دَ ڢُسْكَرْسُ حَرْ ڧَسَا، سُكُمَ غَانٜىٰ ثٜىٰوَ إِنَ ڧَوْنَرْكَ؞ 10 دَيَكٜىٰ كَكِيَايٜىٰ كَلْمَتَ تَوُرِنْ جِمْرٜىٰوَرْدَ كَيِ، ذَنْ ڟَرٜىٰكَ دَغَ لُواْكَثِنَّنْ نَڠُوجِ، وَنْدَ ذَيْذُواْ وَ دُونِيَا، دُواْمِنْ أَڠُودَ دُكَنْ مُتَنٜىٰنْ دُونِيَا؞ 11 بَادَ دَطٜىٰوَبَ ذَنْ ذُواْ؞ كَرِڧٜىٰ أَبِنْدَ كَكٜىٰ دَشِ كَمْكَمْ، دُواْمِنْ كَدَ وَنِ يَڨُوثٜىٰ هُولَرْ لَادَنْ نَصَرَرْكَ؞ 12 دُكْ وَنْدَ يَثِ نَصَرَا ذَنْ مَيْدَشِ غِنْشِڧِ أَ هَيْكَلِنْ اللَّهْ نَا؞ وَنَّنْ مُتُمْ بَذَيْ ڧَارَ ڢِتَ دَغَ ثِكِيبَ؞ عَكَنْسَ ذَنْ رُبُوتَ سُونَنْ اللَّهْ نَا دَ سُونَنْ بِرْنِنْ اللَّهْ نَا، وَتُواْ سَابُوَرْ عُرُوشَلِيمَ وَدَّ تَسَوْكُواْ دَغَ وُرِنْ اللَّهْ نَا دَغَ سَمَ؞ ذَنْ كُمَ رُبُوتَ سَابُوانْ سُونَنَ عَكَنْسَ؞ 13 «دُكْ مَيْكُنّٜىٰنْجِ، بَرِ يَجِ أَبِنْدَ رُوحُ يَكٜىٰثٜىٰ وَجَمَعَرْ مَاسُبِے!» سَڧُواْ ذُوَاغَ لَوُدِكِيَ 14 «رُبُوتَ وَمَلاَىِٕكَنْ جَمَعَرْ مَاسُبِے نَ لَوُدِكِيَ ثٜىٰوَ «غَا سَڧُواْ دَغَ وَنَّنْ دَ عَكٜىٰثٜىٰ دَشِ أَمِينْ؞ شِ أَمِنْتَثّٜىٰ مَيْ شَيْدَ مَيْ غَسْكِيَ كُمَ، تَوُرِنْسَ دُكَنْ حَلِتَّرْ اللَّهْ تَكَسَنْثٜىٰ؞ 15 «نَا سَنْ أَيُّكَنْكَ، بَا سَنْيِ كَكٜىٰ كُواْ ذَاڢِبَ؞ دَمَا عَثٜىٰ كَنَدَ سَنْيِ كُواْ ذَاڢِ مَنَ! 16 عَمَّا سَبُواْدَ كَنَ ڟَكَ ڟَكَ، بَاكَ دَ سَنْيِ كُواْ ذَاڢِ، ذَنْ تُواْڢَرْ دَكَيْ دَغَ بَاكِنَ؞ 17 غَمَا كَاثٜىٰ، ‹إِنَدَ أَرْزِڧِ، إِنَدَ دُوكِيَ، بَانَ بُڧَاتَرْ كُواْمٜىٰ؞› أَشٜىٰ، بَكَ سَنِ كَيْ مَرَرْ كُواْمٜىٰ بَنٜىٰ، أَبِنْ تَوْسَيِ، مَتَلَوْثِ نٜىٰ، ڟِرَرَ نٜىٰ، مَكَهُواْ كُمَ؞ 18 سَبُواْدَ حَكَ، إِنَبَاكَ شَوَرَا كَسَيِ ظِينَارِيَ دَغَ غَرٜىٰنِ، ظِينَارِيَرْ دَ عَكَ تَاثٜىٰ دَ وُتَا، دُواْمِنْ كَسَامِ أَرْزِڧِ نَرُوحَنِيَ دَ كُمَ ڢَرَرٜىٰنْ رِيغُنَ كَسَا وَكَنْكَ دُواْمِنْ كَرُڢٜىٰ كُنْيَرْ ذَمَنْ ڟِرَيْثِنْكَ؞ كَكُمَ سَيِ مَاغَنِنْ عِدُواْ دَغَ غَرٜىٰنِ كَسَا أَعِدَنُونْكَ، دُواْمِنْ كَاعِيَ غَنِ سُواْسَيْ؞ 19 نَكَنْ ڟَاوَتَا إِنْكُمَ هُواْرِ وَطَنْدَ نَكٜىٰ ڧَوْنَ؞ سَبُواْدَ حَكَ سَيْ كَيِ ڨُوذُواْ كَكُمَ تُوبَ؞ 20 غَا نِے نَنْ ڟَيٜىٰ عَبَاكِنْ ڧُواْڢَ إِنَ ڨُونْڨُوسَاوَا؞ دُكْ وَنْدَ يَجِ مُرْيَتَ يَكُمَ بُوطٜىٰ ڧُواْڢَرْ، ذَنْ شِغَ إِنْكُمَ ثِ عَبِنْثِ تَرٜىٰ دَشِ، شِيكُمَ تَرٜىٰدَنِ؞ 21 «دُكْ وَنْدَ يَثِ نَصَرَا، ذَنْسَا يَذَوْنَ تَرٜىٰدَنِ عَكُجٜىٰرَرْ مُلْكِنَ، كَمَرْ يَدَّ نِے مَا نَاثِ نَصَرَا نَاذَوْنَ تَرٜىٰدَ عُبَانَ عَكُجٜىٰرَرْ مُلْكِنْسَ؞ 22 «دُكْ مَيْكُنّٜىٰنْجِ، بَرِ يَجِ أَبِنْدَ رُوحُ يَكٜىٰثٜىٰ وَجَمَعَرْ مَاسُبِے!» |
Hausa Common Language Ajami Bible © The Bible Society of Nigeria, 2020
Bible Society of Nigeria