رُعُيَرْ دَ عَكَيِ وَ يَحْيَى 21 - أَتَّوْرَتْ دَ أَنَّبَاوَا

سَابُوَرْ سَمَ دَ سَابُوَرْ ڧَسَا

¹ سَعَنً نَغَ سَابُوَرْ سَمَ دَ سَابُوَرْ ڧَسَا؞ سَمَ تَڢَرْكُواْ دَ ڧَسَا تَڢَرْكُواْ دُكْ سُنْ ٻَثٜىٰ، بَابُ كُمَ تٜىٰكُ؞

² نَكُمَغَ بِرْنِنَّنْ مَيْ ڟَرْكِے، وَتُواْ سَابُوَرْ عُرُوشَلِيمَ، تَنَ سَوْكُواْوَ دَغَ سَمَ دَغَ وُرِنْ اللَّهْ؞ أَنْ شِرْيَتَ كَمَرْ أَمَرْيَرْ دَ تَثِ أَدُواْ دُواْمِنْ مِجِنْتَ؞

³ نَكُمَجِ بَبَّرْ مُرْيَ تَنَ مَغَنَ دَغَ كُجٜىٰرَرْ مُلْكٍ تَنَ ثٜىٰوَ ‏«‏غَاشِ، وُرِنْ ذَمَنْ اللَّهْ يَنَ تَرٜىٰدَ یَنْ أَدَمْ!‏ ذَيْ ذَوْنَ تَرٜىٰدَسُو، ذَاسُ كُمَ ذَمَ جَمَعَرْسَ؞ اللَّهْ كُوَ دَ كَنْسَ ذَيْ كَسَنْثٜىٰ دَسُو، يَكُمَ ذَمَ اللَّهْ نْسُ؞

⁴ ذَيْ شَارٜىٰ مُسُ دُكَنْ هَوَيٜىٰ دَغَ عِدَنُونْسُ؞ بَابُ سَوْرَنْ مُتُوَ، كُواْ بَڧِنْ ثِكِ، كُواْ كُوكَا، كُواْ عَذَابَ؞ غَمَا أَبُبُوَنْ دَا سُنْ ٻَثٜىٰ؞»‏

⁵ سَيْ وَنَّنْ دَيَكٜىٰ ظَوْنٜىٰ عَكُجٜىٰرَرْ مُلْكٍ يَثٜىٰ، ‏«‏غَاشِ، يَنْذُ ذَنْيِ دُكَنْ كُواْمٜىٰ سَابُواْ!‏»‏ يَكُمَ ثٜىٰ مِنِ، ‏«‏رُبُوتَ وَنَّنْ، غَمَا وَنَّنْ مَغَنَرْ غَسْكِيَ ثٜىٰ، كُمَ تَبَّتَاثِّيَ ثٜىٰ؞»‏

⁶ يَكُمَ ثٜىٰ، ‏«‏أَنْ غَمَ!‏ نِنٜىٰ ڢَرْكُواْ دَ كُمَ ڧَرْشٜىٰ، مَڢَارِ دَ كُمَ مَتُڧَ؞ غَ دُكْ مَيْ جِنْ ڧِشِنْ ضُوَ، ذَنْبَا شِ يَشَا دَغَ مَٻُٻُّغَرْ ضُوَ مَيْ بَادَ رَيْ ݣَوْتَا؞

⁷ دُكْ وَنْدَ يَثِ نَصَرَا ذَيْثِ غَادُواْ دَغَ وُرِينَ، ذَنْ ذَمَ اللَّهْ نْسَ، شِيكُمَ ذَيْ ذَمَ طَانَ؞

⁸ عَمَّا مَاسُ جِنْ ڟُواْرُواْ دَ مَاسُثِنْ أَمَانَ دَ مَاسُ عَيْكِنْ ڨَمَ دَ مَاسُ كِسَنْ كَيْ دَ مَاسُ حَلِنْ لَلَتَ دَ مَاسُ سِحِرِ دَ مَاسُ بَوْتَرْ غُمَكَ دَ كُمَ دُكَنْ مَاسُ يِنْ ڧَضْيَا، دُكْ رَبُوانْسُ يَنَ ثِكِنْ وَنَّنْ تَڢْكِنْ وُتَا مَيْ ڧُونَ دَ ڢَرَرْ وُتَا مَيْ وَرِ، شِينٜىٰ مُتُوَ تَبِيُ؞»‏

سَابُوَرْ عُرُوشَلِيمَ

⁹ سَيْ طَيَ دَغَ ثِكِنْ مَلاَىِٕكُ بَݣَويْ طِنَّنْ مَاسُ ݣُونُواْنِنْ دَ عَكَ ثِكَ دَ بَلَعِ بَݣَويْ نَڧَرْشٜىٰ يَذُواْ وُرِينَ يَثٜىٰ، ‏«‏ذُواْ، إِنْ نُونَ مَكَ أَمَرْيَ، مَاتَرْ طَنْ ضَغُوانْ؞»‏

¹⁰ سَيْ رُوحُ يَسَوْكُواْ عَكَيْنَ، مَلاَىِٕكَنْ يَطَوْكٜىٰنِ ذُوَا كَنْ وَنِ بَبَّنْ تُدُ مَيْ ڟَوُاْ سُواْسَيْ، يَنُونَ مِنِ عُرُوشَلِيمَ، بِرْنِ مَيْ ڟَرْكِے تَنَ سَوْكُواْوَ دَغَ ثِكِنْ سَمَ دَغَ وُرِنْ اللَّهْ؞

¹¹ بِرْنِنْ كُوَ يَنَ حَصْكٜىٰ دَ طَوْكَكَرْ اللَّهْ، ڨَلِّنْ حَصْكٜىٰنْسَ يَيِ كَمَرْ دُوڟٜىٰ مَيْ دَرَجَ، كَمَرْ يَسْڢَ، يَنَ ڨَلِّ كَمَرْ مَدُوبِے؞

¹² يَنَ دَ بَبَّرْ كَتَنْ‌غَ مَيْ ڟَوُاْ دَ ڧُواْڢُواْڢِ غُواْمَشَا بِيُ، عَكَنْ ڧُواْڢُواْڢِنْ أَݣَويْ مَلاَىِٕكُ غُواْمَشَا بِيُ؞ عَكَنْ ڧُواْڢُواْڢِنْ أَنْرُبُوتَ سُونَيٜىٰنْ ذُرِيَ غُواْمَشَا بِيُ نَیَیَنْ إِسْرَٰٓءِيلَ؞

¹³ عَكُواْوَنٜىٰ غٜىٰڢٜىٰ كُوَ أَݣَويْ ڧُواْڢُواْڢِ عُكُ، عُكُ أَغَبَسْ، عُكُ عَكُدُ، عُكُ عَ أَرٜىٰوَ، عُكُ كُمَ عَيَمَّ؞

¹⁴ عَكَ كُمَ غِنَا تُوشٜىٰنْ بِرْنِنْ عَكَنْ دُوَڟُو غُواْمَشَا بِيُ، أَجِكِنْسُ عَكَ رُبُوتَ سُونَيٜىٰنْ أَلْمَجِرَيْ غُواْمَشَا بِيُ نَ طَنْ ضَغُوانْ؞

¹⁵ مَلاَىِٕكَنْ دَ يَيِ مِنِ مَغَنَ كُوَ يَنَدَ سَنْدَنْ أَوُانْ دَ عَكَيِ دَ ظِينَارِيَ دُواْمِنْ يَ عَوْنَ بِرْنِنْ دَ ڧُواْڢُواْڢِنْسَ دَ كُمَ كَتَنْ‌غَرْسَ؞

¹⁶ بِرْنِنَّنْ كُوَ كُواْوَنٜىٰ غٜىٰڢٜىٰنْسَ دَيْدَيْنٜىٰ دَ سَوْرَنْ؞ ڟَوُانْسَ دَ ڢَاطِنْسَ كُمَ دَيْدَيْ سُكٜىٰ؞ سَيْ مَلاَىِٕكَنْ يَ عَوْنَ بِرْنِنْ دَ سَنْدَنْسَ نَأَوُاْ، يَسَامِ أَوُاْ دُبُو غُواْمَشَا بِيُ، ڟَوُانْسَ دَ ڢَاطِنْسَ دَ ڟَيِنْسَ دُكَ دَيْدَيْ سُكٜىٰ؞

¹⁷ مَلاَىِٕكَنْ يَكُمَ عَوْنَ كَتَنْ‌غَرْ، يَسَامِ ڟَيِنْتَ يَا كَيْ ڧَڢَا طَرِے بِيُ دَ غُواْمَشَا شِدَ، بِسَغَ ثِكَكّٜىٰنْ أَبِنْ أَوُاْ وَنْدَ مُتَنٜىٰ سُكٜىٰ أَمْڢَانِ دَشِ؞

¹⁸ أَنْ غِنَا كَتَنْ‌غَرْ نَنْ دَ وَنِ دُوڟٜىٰ مَيْ دَرَجَ وَنْدَ عَكٜىٰ ثِ شِ يَسْڢَ؞ عَكَ كُمَ غِنَا بِرْنِنْ دَ ظِينَارِيَ ظَلَّ، يَنَ كُمَ ڨَلِّ كَمَرْ مَدُوبِے؞

¹⁹ أَنْ كُمَيِ وَتُوشٜىٰنْ كَتَنْ‌غَرْ بِرْنِنْ أَدُواْ دَ كُواْوَنٜىٰ إِرِنْ دُوڟٜىٰ مَيْ دَرَجَ؞ يَسْڢَ نٜىٰ دُوڟٜىٰ نَڢَرْكُواْ عَتُوشٜىٰنْ غِنِنْ، نَبِيُ سَڢَّيَ، نَعُكُ أَغَتْ، نَهُطُ ظُمُرُّدُ،

²⁰ نَبِيَرْ عُواْنِسْ، نَشِدَ كَرْنٜىٰلِيَنْ، نَبَݣَويْ كِرِسُواْلَتْ، نَتَݣُوسْ بٜىٰرِلْ، نَتَرَ تُواْڢَسْ، نَغُواْمَ دَيْمُوانْ، نَشَا طَيَ يَسِنْ، نَشَا بِيُ أَمٜىٰتِسْ؞

²¹ ڧُواْڢُواْڢِ شَا بِيُنَّنْ كُوَ لُعُلُعَيْ شَا بِيُنٜىٰ، أَنْيِ كُواْوَثٜىٰ ڧُواْڢَ دَ لُعُلُعُ غُدَا طَيَ؞ أَنْيِ تِيتِنْ بِرْنِنْ دَ ظِينَارِيَ ظَلَّ، يَنَ كُمَ ڨَلِّ كَمَرْ مَدُوبِے؞

²² بَنْ غَ هَيْكَلِ عَبِرْنِنَّنْبَ، غَمَا عُبَنْ‌غِجِ اللَّهْ مَيْ إِيكُواْ دُكَ دَ طَنْ ضَغُوانْ سُونٜىٰ هَيْكَلِنْ بِرْنِنْ؞

²³ بِرْنِنْ كُوَ بَايَ بُڧَاتَرْ رَانَ كُواْ وَتَ سُحَصْكَكَاشِ، غَمَا طَوْكَكَرْ اللَّهْ عِتَثٜىٰ تَكٜىٰ حَصْكَكَ شِ، طَنْ ضَغُوانْ كُمَ شِينٜىٰ ڢِتِلَرْ بِرْنِنْ؞

²⁴ دَ حَصْكٜىٰنْسَ أَلْعُمَّيْ ذَاسُيِ تَڢِيَ؞ سَرَاكُنَنْ دُونِيَا كُمَ ذَاسُ كَٰوُاْ وَ بِرْنِنْ دَرَجَرْسُ؞

²⁵ بَذَاعَ كُلّٜىٰ ڧُواْڢُواْڢِنْ بِرْنِنْ دَ رَانَ بَ حَرْ أَبَدَا، بَ كُوَ ذَاعَيِ دَرٜىٰ عَثَنْبَ؞

²⁶ ذَاعَكُمَ كَٰوُاْ دَرَجَ دَ غِرْمَ نَأَلْعُمَّيْ عَثِكِنْ بِرْنِنْ؞

²⁷ عَمَّا أَبُ مَيْ ڧَظَنْتَا بَذَيْ تَٻَ شِغَ ثِكِنْ بِرْنِنَّنْ بَ، كُواْ كُمَ وَنِ مَيْيِنْ أَبِنْ ڨَمَ، كُواْ مَيْ ڧَضْيَا؞ سَيْ دَيْ وَطَنْدَ سُونَيٜىٰنْسُ سُنَ أَرُبُوثٜىٰ عَثِكِنْ لِتَّڢِنْ رَيْ نَ طَنْ ضَغُوانْ، سُونٜىٰ ذَاسُ شِغَ بِرْنِنْ؞