رُعُيَرْ دَ عَكَيِ وَ يَحْيَى 20 - أَتَّوْرَتْ دَ أَنَّبَاوَا

شٜىٰكَرُ دُبُو

¹ سَعَنً نَغَ وَنِ مَلاَىِٕكَ يَنَ سَوْكُواْوَ دَغَ سَمَ، يَنَ رِڧٜىٰ دَ مَبُوطِ نَرَامِ مَيْ ظُرْڢِنَّنْ دَ كُمَ وَتَ بَبَّرْ سَرْڧَ أَ حَنُّنْسَ؞

² سَيْ يَكَامَ دُواْدُواْنَّنْ مَيْ صِڢَّرْ مَثِيجِ، وَنَّنْ دُواْدُواْ نَتُنْدَا، وَنْدَ شِينٜىٰ مُوغُنَّنْ، كُواْ كُمَ شَيْطَنْ، مَلاَىِٕكَنْ يَطَوْرٜىٰشِ دَ سَرْڧَ حَرْ شٜىٰكَرُ دُبُو؞

³ مَلاَىِٕكَنْ يَجٜىٰڢَ شِ ثِكِنْ وَنَّنْ رَامِ مَيْ ظُرْڢِنَّنْ، يَرُڢٜىٰ رَامِنْ، يَكُمَ كُلّٜىٰ شِ يَكُمَ بُغَ هَاتِمِ عَكَيْ، دُواْمِنْ كَدَ يَڧَارَ رُوطِنْ أَلْعُمَّيْ كُمَ، سَيْ بَايَنْ شٜىٰكَرُ دُبُنَّنْ سُنْ وُثٜىٰ؞ بَايَنْ حَكَ ذَاعَ سَكٜىٰشِ نَطَنْ لُواْكَثِ؞

⁴ سَعَنً نَغَ كُجٜىٰرُنْ مُلْكِ، وَطَنْدَ سُكٜىٰ ذَمَ عَكَنْ كُجٜىٰرُنْ أَنْبَاسُ إِيكُوانْ يِنْ شَرِيعَ؞ نَكُمَغَ رَايُكَنْ وَطَنْدَ عَكَ ثِرٜىٰمُسُ كَوُنَ سَبُواْدَ سُنْ شَيْدِ عِيسَىٰ دَ كُمَ كَلْمَرْ اللَّهْ؞ سُونٜىٰ بَسُيِ وَوَنَّنْ دَبَّرْ سُجَّدَبَ كُواْ سُيِ وَصِڢَّرْتَ؞ بَسُ كُوَ كَرْٻِ وَنَّنْ لَمْبَرْ دَبَّ أَغُواْشِنْسُ كُواْ أَ حَنُّنْسُبَ؞ سُنْ سَاكٜىٰ رَايُوَا، سُكَيِ مُلْكِ تَرٜىٰدَ أَلْمَسِيحُ حَرْ شٜىٰكَرُ دُبُو؞

⁵ سَوْرَنْ وَطَنْدَ سُكَ مُتُ بَسُ سَاكٜىٰ رَايُوَا بَ، سَيْ بَايَنْدَ شٜىٰكَرُ دُبُنَّنْ سُكَ وُثٜىٰ؞ وَنَّنْ ڢَا شِينٜىٰ ڢَرْكُوانْ تَاشِنْ مَتَتُّو؞

⁶ مَاسُ أَلْبَرْكَ كُمَ مَاسُ ڟَرْكِے نٜىٰ وَطَنْدَ سُكٜىٰ دَ رَبُواْ ثِكِنْ وَنَّنْ ڢَرْكُوانْ تَاشِنْ مَتَتُّو؞ مُتُوَ تَبِيُ بَاتَدَ إِيكُواْ عَكَنْسُ، ذَاسُ ذَمَ ڢِرِسْتُواْثِنْ اللَّهْ دَ نَأَلْمَسِيحُ، ذَاسُ كُمَيِ مُلْكِ تَرٜىٰدَشِ حَرْ شٜىٰكَرُ دُبُو؞

نَصَرَا عَكَنْ شَيْطَنْ

⁷ بَايَنْدَ شٜىٰكَرُ دُبُنَّنْ سُكَ وُثٜىٰ، ذَاعَ سَكِ شَيْطَنْ دَغَ عِنْدَ عَكَ كُلّٜىٰشِ،

⁸ ذَيْ كُمَ ڢِتُواْ يَرُوطِ أَلْعُمَّنْ دَسُكٜىٰ أَوَرْوَڟٜىٰ ثِكِنْ دُكَنْ ݣُونَ حُطُ نَدُونِيَا، وَتُواْ، جُوجْ دَ مَاجُوجْ؞ شَيْطَنْ ذَيْ تَتَّرَاسُ دُواْمِنْ يَاڧِ، يَوَنْسُ كُوَ يَيِ كَمَرْ يَشِ عَبَاكِنْ تٜىٰكُ؞

⁹ سُكَ تَڢِے، سُكَ كُمَ بَظُو كُواْعِنَ أَ ڢَاطِنْ دُونِيَا، سُكَ كٜىٰوَيٜىٰ بِرْنِنْ دَ اللَّهْ يَكٜىٰ ڧَوْنَ، وَتُواْ سَنْسَنِنْ ڟَرْكَكَنْسَ؞ عَمَّا وُتَا تَسَوْكُواْ دَغَ سَمَ تَثِنْيٜىٰسُ؞

¹⁰ مُوغُنَّنْ كُوَ دَ يَرُوطٜىٰسُ، عَكَ جٜىٰڢَشِ ثِكِنْ تَڢْكِنْ وُتَا مَيْ ڧُونَ دَ ڢَرَرْ وُتَا مَيْ وَرِ، عِنْدَ عَكَ جٜىٰڢَرْ دَ وَنَّنْ دَبَّ تَرٜىٰدَ أَنَّبِنَّنْ نَڧَضْيَا؞ عَثَنْ ذَاسُشَا عَذَابَ دَرٜىٰ دَ رَانَ حَرْ أَبَدَا أَبَدِنْ؞

شَرِيعَ نَڧَرْشٜىٰ

¹¹ سَعَنً نَغَ وَتَ بَبَّرْ ڢَرَرْ كُجٜىٰرَرْ مُلْكِ دَ وَنْدَ يَكٜىٰ ظَوْنٜىٰ عَكَيْ؞ سَيْ سَمَ دَ ڧَسَا سُكَ ٻَثٜىٰ دَغَ غَبَنْسَ، بَعَكُوَ ڧَارَ غَنِنْسُبَ؞

¹² سَيْ نَغَ مَتَتُّو، مَنْيَ دَ ڧَنَانَا، سُنَ ڟَيٜىٰ أَغَبَنْ كُجٜىٰرَرْ مُلْكٍ، عَكَ كُمَ بُوطٜىٰ لِتَّتَّڢَيْ؞ سَعَنً عَكَ بُوطٜىٰ وَنِ لِتَّڢِ، وَتُواْ لِتَّڢِنْ رَيْ؞ عَكَيِ وَمَتَتُّنْ شَرِيعَ بِسَغَ أَبِنْدَ سُكَيِ، كَمَرْ يَدَّ يَكٜىٰ أَرُبُوثٜىٰ عَثِكِنْ لِتَّتَّڢَنْ؞

¹³ سَيْ تٜىٰكُ تَبَادَ وَطَنْدَ سُكَ مُتُ عَثِكِنْتَ؞ مُتُوَ دَ وُرِنْ ذَمَنْ مَتَتُّو، سُو مَا سُكَ بَادَ مَتَتُّنْسُ؞ سَيْ عَكَيِ وَكُواْوَ شَرِيعَ بِسَغَ أَبِنْدَ يَعَيْكَتَ؞

¹⁴ سَعَنً عَكَ جٜىٰڢَ مُتُوَ تَرٜىٰدَ وُرِنْ ذَمَنْ مَتَتُّو عَثِكِنْ تَڢْكِنْ وُتَا؞ وَنَّنْ تَڢْكِنْ وُتَرْ شِينٜىٰ مُتُوَ تَبِيُ؞

¹⁵ دُكْ وَنْدَ بَعَسَامِ سُونَنْسَ أَرُبُوثٜىٰ عَثِكِنْ وَنَّنْ لِتَّڢِنْ رَيْ بَ، أَنْجٜىٰڢَرْ دَشِ ثِكِنْ تَڢْكِنْ وُتَرْ نَنْ؞