رُعُيَرْ دَ عَكَيِ وَ يَحْيَى 19 - أَتَّوْرَتْ دَ أَنَّبَاوَاأَنْ يَبِے اللَّهْ أَسَمَ 1 بَايَنْ وَنَّنْ سَيْنَجِ وَنِ أَبُ كَمَرْ بَبَّرْ مُرْيَ تَبَبَّنْ تَارُواْ أَ سَمَ، سُنَ إِيهُ سُنَ ثٜىٰوَ «يَبِے اللَّهْ! ثٜىٰتُواْ دَ طَوْكَكَ دَ إِيكُواْ، سُنْ تَبَّتَا غَ اللَّهْ نْمُ؞ 2 غَمَا شَرِيعَرْسَ غَسْكِيَ ثٜىٰ، تَ أَدَلْثِے كُمَ؞ يَا حُكُنْتَ وَنَّنْ بَبَّرْ كَارُوَ وَدَّ تَٻَاتَ دُونِيَا دَ حَلِنْ لَلَتَرْتَ؞ اللَّهْ يَا حُكُنْتَ تَ غَمَا يَا بِے حَكِّنْ جِنِنْ بَايِنْسَ؞» 3 سَيْ سُكَسَاكٜىٰيِنْ إِيهُ، سُنَ ثٜىٰوَ «يَبِے اللَّهْ! هَيَاڧِنْ وُتَرْ بِرْنِنْ يَنَ تَتَاشِ سَمَ حَرْ أَبَدَا أَبَدِنْ؞» 4 سَيْ دَتَّاوَا عَشِرِنْ دَ حُطُنَّنْ تَرٜىٰدَ حَلِتُّنْ مَاسُ رَيْ حُطُنَّنْ سُكَ ڢَاطِ، سُكَيِ وَ اللَّهْ سُجَّدَ، وَنَّنْ دَيَكٜىٰ ظَوْنٜىٰ عَكُجٜىٰرَرْ مُلْكٍ؞ سُنَ ثٜىٰوَ «أَمِينْ! يَبِے اللَّهْ!» 5 سَيْ عَكَجِ وَتَ مُرْيَ دَغَ كُجٜىٰرَرْ مُلْكٍ تَنَ ثٜىٰوَ «يَبِے اللَّهْ نْمُ، يَا كُو بَايِنْسَ، كُو دَ كُكٜىٰ ڟُواْرُوانْسَ، دَ مَنْيَ دَ ڧَنَانَا؞» بِكٍ عَوْرٜىٰنْ طَنْ ضَغُواْ 6 سَعَنً نَجِ وَنِ أَبُ كَمَرْ بَبَّرْ مُرْيَ تَبَبَّنْ تَارُواْ، كَمَرْ مُواْڟِنْ ضُوَيٜىٰ مَاسُ غُدُ، كَمَرْ ڟَاوَ مَيْ ڧَارَ، سُنَ ثٜىٰوَ «يَبِے اللَّهْ! غَمَا عُبَنْغِجِ اللَّهْ نْمُ مَيْ إِيكُواْ دُكَ شِينٜىٰ يَكٜىٰ مُلْكِ! 7 مُيِ ڢَضٍ ثِكِ، مُيِ مُرْنَ، مُطَوْكَكَ شِ! غَمَا لُواْكَثِ يَيِ نَأَوْرٜىٰنْ طَنْ ضَغُوانْ؞ أَمَرْيَرْسَ كُمَ تَايِ شِرِ؞ 8 رِغَرْ لِيلِنْ مَيْ ڟَبْتَ، مَيْ حَصْكٜىٰ، أَنْبَاتَ تَسَ؞» غَمَا رِغَرْ لِيلِنَّنْ تَنَ ݣُوتَنْثِنْ أَيُّكَ مَاسُ ݣَوْ نَڟَرْكَكَا؞ 9 سَيْ مَلاَىِٕكَنْ يَثٜىٰ مِنِ «رُبُوتَ وَنَّنْ، ‹مَاسُ أَلْبَرْكَ نٜىٰ وَطَنْدَ عَكَ غَيَّثٜىٰسُ ذُوَا بِكٍ عَوْرٜىٰنْ طَنْ ضَغُواْنَّنْ؞› » يَكُمَ ثٜىٰ «وَنَّنْ عِتَثٜىٰ كَلْمَرْ اللَّهْ تَغَسْكِيَ؞» 10 سَيْنَڢَاطِ أَغَبَنْسَ نَيِ مَسَ سُجَّدَ، عَمَّا يَثٜىٰ مِنِ «كَدَ كَيِ حَكَ! نِے مَا أَبُواْكِنْ بَوْتَرْكُ نٜىٰ، كَيْ دَ یَنْعُوَنْكَ، وَطَنْدَ كُكٜىٰ رِڧٜىٰ دَ شَيْدَرْ عِيسَىٰ؞ يِ وَ اللَّهْ سُجَّدَ!» غَمَا غَسْكِيَرْ دَ عِيسَىٰ يَبَيَّنَ عِتَثٜىٰ تَبَادَ إِيكُوانْ يِنْ أَنَّبْثِ؞ وَنِ عَكَنْ ڢَضٍ دُواْكِ 11 سَيْ نَغَ سَمَ عَبُوطٜىٰ، سَيْغَا وَنِ ڢَضٍ دُواْكِ؞ أَنَثٜىٰدَ مَيْ هَوَنْسَ مَيْ أَمِنْثِ دَ مَيْ غَسْكِيَ؞ ثِكِنْ أَدَلْثِے نٜىٰ يَكٜىٰيِنْ شَرِيعَ دَ كُمَ يَاڧِ؞ 12 عِدَنُونْسَ سُنْيِ كَمَرْ هَرْشٜىٰنْ وُتَا، عَكَنْسَ كُوَ أَݣَويْ هُولَرْ مُلْكِ مَاسُيَوَ؞ يَنَ كُمَ دَ وَنِ سُنَ أَرُبُوثٜىٰ، سُونَنْ دَ بَابُوَنْدَ يَسَنِ سَيْشِ؞ 13 رِغَرْ دَ يَسَا كُوَ أَنْجِڧَتَ دَ جِنِ؞ سُونَنْسَ كُوَ «كَلْمَنْ اللَّهْ؞» 14 ضُنْدُنَانْ يَاڧِ نَسَمَ سُكَبِيشِ، سَنْيٜىٰ دَ ڢَرَرٜىٰنْ رِيغُنَنْ لِيلِنْ مَاسُ ڟَبْتَ عَكَنْ ڢَرَرٜىٰنْ دَوَكِ؞ 15 دَغَ بَاكِنْسَ وَنِ تَكُواْبِے مَيْثِ سُواْسَيْ يَكٜىٰ ڢِتُواْوَ، وَنْدَ ذَيْسَارٜىٰ أَلْعُمَّيْ دَشِ؞ ذَيْ كُمَيِ مُلْكِ عَكَنْسُ دَ سَنْدَنْ ڧَرْڢٜىٰ، ذَيْ كُمَ تَتَّاكٜىٰ یَیَنْ إِنَبِے ثِكِنْ وُرِنْ مَڟٜىٰوَرْ إِنَبِے نَڟَنَنِنْ ڢُشِنْ اللَّهْ مَيْ إِيكُواْ دُكَ؞ 16 أَ رِغَرْسَ دَ كُمَ عَثِنْيَرْسَ أَنْرُبُوتَ وَنَّنْ سُونَ «سَرْكِنْ سَرَاكُنَ دَ كُمَ عُبَنْغِجِنْ إِيَايٜىٰنْغِجِ؞» 17 سَيْ نَغَ وَنِ مَلاَىِٕكَ يَنَ ڟَيٜىٰ عَكَنْ رَانَ؞ دَ بَبَّرْ مُرْيَ يَكِرَا دُكَنْ ڟُنْڟَيٜىٰنْ دَسُكٜىٰ تَاشِ أَسَرَرِنْ سَمَ يَثٜىٰ «كُذُواْ، كُتَارُ وُرِنْ بَبَّنْ بِكِنَّنْ نَ اللَّهْ؞ 18 كُذُواْ كُثِنْيٜىٰ نَامَنْ سَرَاكُنَ دَ نَمَنْيَنْ سُواْجُواْجِ دَ نَڠُونَيٜىٰنْ يَاڧِ دَ نَدَوَكِ دَ نَمَاسُ هَوَنْ دَوَكِ دَ كُمَ نَامَنْ دُكَنْ مُتَنٜىٰ، بَايِ دَ مَاسُ یَنْثِ، مَنْيَ دَ ڧأَنَانً!» 19 سَيْ نَغَ وَنَّنْ دَبَّ دَ كُمَ سَرَاكُنَنْ دُونِيَا دَ سُواْجُواْجِنْسُ سُنْ تَارُ، دُواْمِنْ سُيِ يَاڧِ دَ وَنَّنْ دَيَكٜىٰ ظَوْنٜىٰ عَكَنْ دُواْكِنْ، شِے دَ سُواْجُواْجِنْسَ؞ 20 سَيْ عَكَ كَامَ دَبَّرْ تَرٜىٰدَ وَنَّنْ أَنَّبِنْ ڧَضْيَا وَنْدَ يَيِ عَلَمُنْ بَنْ مَامَاكِ أَغَبَنْ دَبَّرْ؞ تَوُرِنْ وَطَنَّنْ عَلَمُنْ بَنْ مَامَاكِنْ نٜىٰ يَرُوطِ وَطَنْدَ سُكٜىٰ دَ لَمْبَرْ وَنَّنْ دَبَّ دَ كُمَ وَطَنْدَ سُكَيِ وَصِڢَّرْتَ سُجَّدَ؞ عَكَ كَامَ وَنَّنْ دَبَّ تَرٜىٰدَ أَنَّبِنَّنْ نَڧَضْيَا عَكَ جٜىٰڢَسُ دَ رَيْ ثِكِنْ تَڢْكِنْ وُتَا مَيْ ڧُونَ دَ ڢَرَرْ وُتَا مَيْ وَرِ؞ 21 عَكَ كَشٜىٰ سَوْرَنْ دَ تَكُواْبِنْ دَ يَڢِتُواْ دَغَ بَاكِنْ وَنَّنْ دَيَكٜىٰ عَكَنْ دُواْكِنْ؞ دُكَنْ ڟُنْڟَيٜىٰ كُوَ سُكَثِ نَامَنْسُ حَرْ سُكَ غَجِ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria