رُعُيَرْ دَ عَكَيِ وَ يَحْيَى 18 - أَتَّوْرَتْ دَ أَنَّبَاوَا

ڢَاطُوَرْ بِرْنِنْ بَابِيلَ

¹ بَايَنْ وَنَّنْ، نَغَ وَنِ مَلاَىِٕكَ يَنَ سَوْكُواْوَ دَغَ سَمَ؞ يَنَ دَ إِيكُواْ مَيْغِرْمَ، كُمَ طَوْكَكَرْسَ تَحَصْكَكَ دُونِيَا دُكَ؞

² يَا يِكِرَا دَ بَبَّرْ مُرْيَ يَثٜىٰ، ‏«‏تَا ڢَاطِ، بَابِيلَ مَيْغِرْمَ تَا ڢَاطِ!‏ تَا ذَمَ وُرِنْ ذَمَنْ أَلْجَنُ دَ إِسْكُواْكِ، دَ وُرِنْ ذَمَنْ كُواْوَنٜىٰ إِرِنْ رُوحُ مَيْ ڧَظَنْتَا، دَ وُرِنْ ذَمَنْ كُواْوَنٜىٰ ڧَظَامِنْ ڟُنْڟُ، دَ كُواْوَنٜىٰ ڧَظَامَرْ دَبَّ دَ تَبَنْ ڨَمَ؞

³ غَمَا دُكَنْ أَلْعُمَّيْ سُنْشَا ضُوً إِنَبِے نَيَوَنْ سُوانْ لَلَتَرْتَ؞ سَرَاكُنَنْ دُونِيَا سُنْيِ لَلَتَ دَ عِتَ؞ یَنْ كَاسُوَنْ دُونِيَا سُكَيِ أَرْزِڧِ تَوُرِنْ رَايُوَرْ يَوَنْ سُوانْ جِنْ دَاطِنْتَ؞»‏

⁴ سَيْنَجِ وَتَ مُرْيَ دَغَ سَمَ تَنَ ثٜىٰوَ ‏«‏كُڢِتُواْ، يَا مُتَنٜىٰنَ، دَغَ ثِكِنْتَ!‏ دُواْمِنْ كَدَ كُشِغَ ثِكِنْ ذُنُبَنْتَ، دُواْمِنْ كَدَ بَلَعِنْتَ يَسَامٜىٰكُ؞

⁵ غَمَا ذُنُبَنْتَ سُنْيِيَوَ حَرْ سَمَ؞ اللَّهْ كُمَ يَا تُنَ دَ لَيْڢُواْڢِنْتَ؞

⁶ كُيِ دَ عِتَ دَيْدَيْ يَدَّ تَيِ، دُكْ أَبُبُوَنْ دَ تَيِ مُكُ، كُرَامَ مَتَ حَرْ سَوْ بِيُ؞ أَبِنْ شَا وَنْدَ تَدَمَ تَبَاكُ، كُدَمَ إِرِنْ دَ يَڢِ نَاتَ ڧَرْڢِے سَوْ بِيُ؞

⁷ كَمَرْ يَدَّ تَطَوْكَكَ كَنْتَ تَيِ رَايُوَرْ جِنْ دَاطِے كَوَيْ، حَكَ كُو مَا كُڠُودَ مَتَ عَذَابَ دَ بَڧِنْ ثِكِ ڠُورْڠُودُوانْ حَكَ؞ غَمَا ثِكِنْ ذُوثِيَارْتَ تَثٜىٰ، ‏‹‏نِے سَرَوْنِيَثٜىٰ عَكُجٜىٰرَرْ مُلْكِنَ!‏ نِے بَمَاتَرْ دَ مِجِنْتَ يَمُتُ بَثٜىٰ، كُمَ بَذَنْ تَٻَيِنْ بَڧِنْ ثِكِيبَ!‏›‏

⁸ دُواْمِنْ حَكَ، ثِكِنْ ݣُونَ طَيَ ذَاعَ بُغٜىٰتَ دَ بَلَعِ نَمُتُوَ، دَ نَبَڧِنْ ثِكِ دَ نَيُنْوَ؞ ذَاعَكُمَ ڧُواْنٜىٰتَ دَ وُتَا، غَمَا شِے عُبَنْ‌غِجِ اللَّهْ مَيْ حُكُنْتَتَ، مَيْ إِيكُواْ نٜىٰ؞»‏

⁹ سَرَاكُنَنْ دُونِيَا كُمَ دَ سُكَيِ لَلَتَ، سُكَ كُمَيِ رَايُوَرْ يَوَنْ جِنْ دَاطِے دَ عِتَ؞ ذَاسُيِ كُوكَا دَ إِيهُ عَكَنْتَ، سَعَدَّ سُكَغَ هَيَاڧِنْ وُتَرْ دَتَكٜىٰ ثِنْتَ؞

¹⁰ ذَاسُ ڟَيَ دَنِيسَ، غَمَا سُنَ جِنْ ڟُواْرُواْ كَدَ سُشَا عَذَابَ تَرٜىٰدَ عِتَ؞ سُنَ ثٜىٰوَ ‏«‏كَيْتُوانْكِ!‏ كَيْتُوانْكِ، يَا كٜىٰ بَبَّنْ بِرْنِنْ بَابِيلَ!‏ يَا كٜىٰ بَبَّنْ بِرْنِنْ بَابِيلَ!‏ ثِكِنْ أَوَ طَيَ أَنْحُكُنْتَ كِ!‏»‏

¹¹ یَنْ كَاسُوَنْ دُونِيَا كُمَ سُنَ مَتَ كُوكَا سُنَ بَڧِنْ ثِكِ، غَمَا بَاوَنْدَ يَكٜىٰ سَيٜىٰنْ كَايَنْسُ كُمَ؞

¹² بَاوَنْدَ يَكٜىٰ سَيٜىٰنْ ظِينَارِيَرْسُ دَ أَظُرْڢَرْسُ دَ دُووَڟُنْسُ مَاسُ دَرَجَ دَ كُمَ لُعُلُعَنْسُ دَ يَدُنَنْ لِيلِنْسُ مَاسُ ݣَوْ دَ يَدِ مَيْ كَلَرْ جَرْ غَرُورَا دَ سِلِكِ دَ يَدِ مَيْ كَلَرْ جَا دَ عِتَتُوَنْ ڧَنْشِ إِرِ إِرِ دَ كَايَنْ هَڧُواْرِنْ غِيوَ إِرِ إِرِ دَ دُكَنْ أَبُبُوَنْ دَ عَكَ سَسَّڧَ دَ إِتَاثٜىٰ مَيْ ڟَادَ دَ كَايَنْ تَغُلَّ دَ كَايَنْ بَڧِنْ ڧَرْڢٜىٰ دَ كَايَنْ دُوڟٜىٰ مَيْ شٜىٰڧِ،

¹³ دَ كَايَنْسُ نَسِنَمُوانْ دَ كَايَنْ يَجِ دَ نَتُرَارٜىٰنْ وُتَادَ مُرْ دَ تُرَارٜىٰنْ لُبَّنْ دَ ضُوً إِنَبِے دَ مَيْ دَ غَارِنْ أَلْكَمَ دَ ڟَابَرْ أَلْكَمَ دَ شَانُو دَ تُمَكِ دَ دَوَكِ دَ كٜىٰكُنَنْ دُواْكِ دَ كُمَ بَايِ، وَتُواْ رَايُكَنْ یَنْ أَدَمْ؞

¹⁴ یَنْ كَاسُوَنْ سُكَثٜىٰ مَتَ ‏«‏دُكَنْ أَبُبُوَ مَاسُ ݣَوْ دَ كِكَسَا رَيْ عَكَيْ سُنْٻَثٜىٰ، كُمَ دُكَنْ أَرْزِڧِنْكِ دَ كَايَنْ أَدُوانْكِ سُنْٻَثٜىٰ؞ بَذَاكِ ڧَارَ سَامُنْسُ كُمَ بَ!‏»‏

¹⁵ یَنْ كَاسُوَ وَطَنْدَ سُكَيِ أَرْزِڧِ تَوُرِنْ كَاسُوَنْثِ دَ عِتَ، ذَاسُ ڟَيَ دَنِيسَ، غَمَا سُنَ جِنْ ڟُواْرُواْ كَدَ أَ حَطَسُ ثِكِنْ عَذَابَرْ تَكٜىٰشَا؞ سُنَ كُوكَا، سُنَ بَڧِنْ ثِكِ،

¹⁶ سُنَثٜىٰوَ ‏«‏كَيْتُواْ!‏ كَيْتُوانْ بَبَّنْ بِرْنِنَّنْ!‏ وَنْدَ دَا يَكَنْسَا ذَنٜىٰنْ لِيلِنْ مَيْݣَوْ، دَ رِغَا مَيْ كَلَرْ جَرْ غَرُورَا دَ كَلَرْ جَ، يَكَنْ كُمَثِ أَدُواْ دَ كَايَنْ ظِينَارِيَ، دَ دُوَڟُو مَاسُ دَرَجَ دَ كُمَ لُعُلُعَيْ!‏

¹⁷ غَمَا ثِكِنْ أَوَ طَيَ دُكَنْ أَرْزِڧِنْسَ يَهَلَّكَ!‏»‏ سَيْ دُكَنْ مَاسُ مَنْيَنْ جِضَاغٜىٰنْ ضُوَ دَ مَاسُ شِغَرْسُ دَ مَاسُ تُوڧِنْ دَ كُمَ دُكَنْ سَوْرَنْ وَطَنْدَ سُكٜىٰ سَامُنْ بِيَنْ بُڧَاتَرْسُ تَثِنِكِ عَتٜىٰكُ، سُكَ ڟَيَ نٜىٰسَ؞

¹⁸ سُكَيِ كُوكَا، سَعَدَّ سُكَغَ هَيَاڧِے نَوُتَرْ دَ تَثِنْيٜىٰ بِرْنِنْ، سُنَ ثٜىٰوَ ‏«‏بَعَتَٻَ يِنْ وَنِ بِرْنِ إِرِنْ وَنَّنْ بَبَّنْ بِرْنِ بَ!‏»‏

¹⁹ سَيْ سُكَظُبَ ڧُورَا عَكَنْسُ سُنَ تَكُوكَا، سُنَ بَڧِنْ ثِكِ، سُنَ إِيهُ، سُنَ ثٜىٰوَ ‏«‏كَيْتُواْ!‏ كَيْتُوانْ بَبَّنْ بِرْنِنَّنْ!‏ بِرْنِنْ دَ دُكَنْ مَاسُ مَنْيَنْ جِضَاغٜىٰنْ ضُوَ سُكَيِ أَرْزِڧِ دَغَ دُوكِيَرْسَ!‏ عَمَّا عَثِكِنْ أَوَ طَيَ كُواْمٜىٰ يَهَلَّكَ!‏»‏

²⁰ يِڢَضٍ ثِكِ عَكَنْسَ، يَا كُو دَ كُكٜىٰ ذَمَ أَ سَمَ!‏ يِڢَضٍ ثِكِ عَكَنْسَ، يَا كُو ڟَرْكَكَا دَ مَنْذَنِّے دَ أَنَّبَاوَا!‏ غَمَا اللَّهْ يَا حُكُنْتَ بَابِيلَ عَكَنْ أَبِنْدَ تَيِ مُكُ!‏

²¹ سَعَنً وَنِ ڧَتُوانْ مَلاَىِٕكَ مَيْ ڧَرْڢِے يَطَوْكِ وَنِ دُوڟٜىٰ وَنْدَ غِرْمَنْسَ يَا كَيْ نَبَبَّنْ دُوڟٜىٰنْ نِڧَ، يَجٜىٰڢَ ثِكِنْ تٜىٰكُ، يَنَ ثٜىٰوَ ‏«‏حَكَ دَ ڧَرْڢِے ذَاعَ جٜىٰڢَرْ دَ بَبَّنْ بِرْنِنَّنْ بَابِيلَ، بَذَاعَ ڧَارَ غَنِنْتَبَ؞

²² بَذَاعَ ڧَارَجِنْ كِطِنْ مُواْلُواْ عَثِكِنْكِبَ، كُواْ مَوَاڧَ، كُواْ مَاسُ بُوسَ، كُواْ مَاسُ هُورَ ڧَهُواْ؞ بَذَاعَ ڧَارَغَنِنْ كُواْوَنٜىٰ إِرِنْ مَيْ سَنَعَ عَثِكِنْكِبَ؞ بَذَاعَ ڧَارَجِنْ ڧَارَرْ نِڧَ عَثِكِنْكِبَ؞

²³ بَذَاعَ ڧَارَ غَنِنْ حَصْكٜىٰنْ ڢِتِلَ عَثِكِنْكِبَ؞ بَذَاعَ ڧَارَجِنْ مُرْيَرْ أَنْ‌غُواْ دَ تَأَمَرْيَ عَثِكِنْكِبَ؞ غَمَا دَا یَنْ كَاسُوَنْكِ سُونٜىٰ مَاسُ إِيكُواْ أَدُكَنْ دُونِيَا، دُكَنْ أَلْعُمَّيْ سُنْرُوطٜىٰ دَ سِحِرِنْكِ!‏»‏

²⁴ عَثِكِنْ بَابِيلَ عَكَ سَامِ جِنِنْ أَنَّبَاوَا دَ نَڟَرْكَكَا، عِ، جِنِنْ دُكَنْ وَطَنْدَ عَكَ كَشٜىٰ عَدُونِيَا؞