رُعُيَرْ دَ عَكَيِ وَ يَحْيَى 17 - أَتَّوْرَتْ دَ أَنَّبَاوَا

بَبَّرْ كَارُوَ دَ وَتَ دَبَّ

¹ سَيْ طَيَ دَغَ ثِكِنْ مَلاَىِٕكُ بَݣَويْ مَاسُ ݣُونُواْنِ بَݣَويْ طِنَّنْ يَذُواْ وُرِينَ يَثٜىٰ ‏«‏ذُواْ، ذَنْ نُونَ مَكَ يَدَّ ذَاعَ حُكُنْتَ وَنَّنْ بَبَّرْ كَارُوَ وَدَّ تَكٜىٰ ظَوْنٜىٰ عَكَنْ ضُوَ مَيْ يَوَ،

² وَدَّ سَرَاكُنَنْ دُونِيَا سُنْيِ لَلَتَ دَ عِتَ؞ مُتَنٜىٰنْ دُونِيَا كُمَ سُكَنْ ذَمَ كَمَرْ وَطَنْدَ سُكَ بُغُ دَ ضُوً إِنَبِے نَلَلَتَرْ دَ سُكَيِ دَ عِتَ؞»‏

³ سَيْ رُوحُ يَسَوْكُواْ عَكَيْنَ، مَلاَىِٕكَنْ يَطَوْكٜىٰنِ ذُوَا ثِكِنْ دَاجِ؞ عَثَنْ نَغَ وَتَ مَثٜىٰ ظَوْنٜىٰ عَكَنْ وَتَ جَرْ دَبَّ؞ دَبَّرْ كُوَ تَنَدَ سُونَيٜىٰ نَسَاٻُوانْ اللَّهْ دَ عَكَ رُبُوتَ أَجِكِنْتَ؞ تَنَ كُمَ دَ كَوُنَ بَݣَويْ دَ ڧَهُواْنِ غُواْمَ؞

⁴ مَثٜىٰنَّنْ تَسَا كَايَ مَاسُ كَلَرْ جَرْ غَرُورَا دَ كُمَ جَ، تَثِ أَدُواْ دَ كَايَنْ ظِينَارِيَ دَ نَدُوَڟُو مَاسُ دَرَجَ دَ لُعُلُعَيْ؞ تَنَ رِڧٜىٰ دَ ݣُوڢْ نَظِينَارِيَ ثِكٜىٰ دَ أَبُبُوَنْ ڨَمَ نَلَلَتَرْتَ؞

⁵ أَغُواْشِنْتَ كُوَ أَنْرُبُوتَ سُونَنْ دَ يَكٜىٰدَ مَعَنَ تَأَسِيرِ ‏«‏بَابِيلَ مَيْغِرْمَ، مَامَرْ دُكَنْ كَارُوَيْ، مَامَرْ أَبُبُوَنْ بَنْ ڨَمَ نَدُونِيَا؞»‏

⁶ نَكُمَ غَ مَثٜىٰنْ تَبُغُ دَ جِنِنْ ڟَرْكَكَا دَ كُمَ جِنِنْ وَطَنْدَ عَكَ كَشٜىٰ سَبُواْدَ شَيْدَرْسُ غَمٜىٰدَ عِيسَىٰ؞ دَنَغَنْتَ، سَيْ مَامَاكِ يَكَامَنِ ڨُورَيْ؞

⁷ عَمَّا مَلاَىِٕكَنْ يَتَمْبَيٜىٰنِ يَثٜىٰ ‏«‏دُوانْمٜىٰ كَكٜىٰ مَامَاكِ؟ ذَنْ ڢَطَا مَكَ أَسِيرِنْ مَعَنَرْ وَنَّنْ مَثٜىٰ دَ كُمَ نَوَنَّنْ دَبَّرْ دَتَكٜىٰ طَوْكَرْتَ، وَنَّنْ دَبَّ مَيْ كَوُنَ بَݣَويْ دَ ڧَهُواْنِ غُواْمَ؞

⁸ وَنَّنْ دَبَّرْدَ كَغَنِ، تَا تَٻَ رَايُوَا أَدَا، عَمَّا يَنْذُ بَاتَ رَايٜىٰ، ذَاتَ كُوَ هَوْرَ دَغَ رَامِ مَيْ ظُرْڢِنَّنْ ذُوَا عِنْدَ ذَاعَ هَلَكَاتَ؞ مَذَوْنَنْ دُونِيَا، وَطَنْدَ تُنْ كَاڢِنْ حَلِتَّ بَعَرُبُوتَ سُونَيٜىٰنْسُ ثِكِنْ لِتَّڢِنْ رَيْ بَ، دُكَ ذَاسُيِ مَامَاكِنْ غَنِنْ دَبَّرْ، دُواْمِنْ دَا تَتَٻَ رَايُوَا، يَنْذُ كُمَ بَاتَ رَايٜىٰ، عَمَّا ذَاتَ سَاكٜىٰ دَاوُاْوَ؞

⁹ ‏«‏وَنَّنْ أَبُ ڢَا يَنَ بُڧَاتَرْ حِكِمَ دَ غَانٜىٰوَ؞ كَوُنَ بَݣَويْ طِنَّنْ كُوَ تُدُ بَݣَويْ نٜىٰ، وَطَنْدَ مَثٜىٰنْ تَكٜىٰ ظَوْنٜىٰ عَكَيْ؞

¹⁰ كَوُنَ بَݣَويْ طِنَّنْ كُمَ سُونٜىٰ سَرَاكُنَنَّنْ بَݣَويْ، وَطَنْدَ بِيَرْ دَغَ ثِكِنْسُ سُنْ ڢَاطِ، طَيَ يأَنَانً، طَيَنْ بَيْ ذُواْ بَتُكُنَ؞ سَعَدَّ يَذُواْ كُوَ دُواْلٜىٰ يَيِ مُلْكِ نَطَنْ ڧَرَمِنْ لُواْكَثِ كَوَيْ؞

¹¹ دَبَّرْدَ تَتَٻَ رَايُوَا أَدَا، يَنْذُ كُوَ بَاتَ رَايٜىٰ، عِتَثٜىٰ تَتَݣُوسْ، كُمَ دَغَ ثِكِنْ بَݣَويْ طِنَّنْ كُمَ تَڢِتُواْ، كُمَ تَنَ تَڢِيَ ذُوَا عِنْدَ ذَاتَ هَلَّكَ؞

¹² ‏«‏ڧَهُواْنِ غُواْمَ دَ كَغَنِ، سُونٜىٰ سَرَاكُنَ غُواْمَ وَطَنْدَ بَسُرِغَا سُنْ كَرْٻِ إِيكُوانْ مُلْكِبَ تُكُنَ، عَمَّا ذَاعَ نَطَسُ سُيِ مُلْكِ نَأَوَ طَيَ تَرٜىٰدَ دَبَّرْ؞

¹³ وَطَنَّنْ سَرَاكُنَ غُواْمَ تُنَانِنْسُ طَيَ نٜىٰ سُكَ بَادَ إِيكُوانْسُ دَ مُلْكِنْسُ غَ دَبَّرْ نَنْ؞

¹⁴ ذَاسُيِ يَاڧِ دَ طَنْ ضَغُوانْ، طَنْ ضَغُوانْ كُوَ ذَيْثِ نَصَرَا عَكَنْ سَرَاكُنَنَّنْ، غَمَا شِينٜىٰ عُبَنْ‌غِجِنْ إِيَايٜىٰنْ‌غِجِ دَ كُمَ سَرْكِنْ سَرَاكُنَ؞ سُو دَسُكٜىٰ تَرٜىٰدَشِ كُوَ سُونٜىٰ عَكَ كِرَا، عَكَ ذَاٻَا، عَكَ كُمَ أَمِنْثٜىٰ دَسُو؞»‏

¹⁵ سَيْ مَلاَىِٕكَنْ يَثٜىٰ مِنِ ‏«‏ضُوًنَنْ دَ كَغَنِ، عِنْدَ وَنَّنْ كَارُوَ تَكٜىٰ أَ ظَوْنٜىٰ، سُونٜىٰ ڧَبِيلُ دَ تَارُواْ مَاسُيَوَ دَ أَلْعُمَّيْ دَ يَرٜىٰ دَبَمْ دَبَمْ؞

¹⁶ ڧَهُواْنِ غُواْمَ دَ كَغَنِ، سُو دَ دَبَّرْ ذَاسُڧِ غَنِنْ وَنَّنْ كَارُوَ؞ ذَاسُ ڨُوثٜىٰ كُواْمٜىٰ دَ تَكٜىٰدَشِ سُكُمَ بَرْتَ ڟِرَرَ، ذَاسُثِنْيٜىٰ نَامَنْ جِكِنْتَ، سُكُمَ ڧُواْنٜىٰتَ دَ وُتَا؞

¹⁷ غَمَا اللَّهْ يَا نُڢٜىٰسُ سُأَيْكَتَ نُڢِنْسَ، سُذَمَ دَ تُنَانِ طَيَ، سُبَا وَنَّنْ دَبَّ إِيكُوانْسُ دُواْمِنْ تَيِ مُلْكِ حَرْ سَيْ كَلْمَرْ اللَّهْ تَاثِكَ؞

¹⁸ مَثٜىٰنَّنْ كُوَ دَ كَغَنِ، عِتَثٜىٰ بَبَّنْ بِرْنِنَّنْ، وَنْدَ يَكٜىٰ مُلْكِ عَكَنْ سَرَاكُنَنْ دُونِيَا؞»‏