رُعُيَرْ دَ عَكَيِ وَ يَحْيَى 15 - أَتَّوْرَتْ دَ أَنَّبَاوَا

مَلاَىِٕكُ بَݣَويْ دَ بَلَعِ بَݣَويْ نَڧَرْشٜىٰ

¹ سَيْ نَغَ وَتَ عَلَمَ أَ سَمَ، مَيْغِرْمَ، كُمَ مَيْ بَنْ مَامَاكِ؞ مَلاَىِٕكُ بَݣَويْ سُنَانَنْ دَ بَلَعِ بَݣَويْ، وَطَنْدَ سُونٜىٰ نَڧَرْشٜىٰ، غَمَا دَ سُونٜىٰ ذَاعَ بَيَّنَ ڧَرْشٜىٰنْ ڢُشِنْ اللَّهْ؞

² سَيْ نَغَ وَنِ أَبُ كَمَرْ تَڢْكِنْ غِلَسْ، غَوْرَايٜىٰ دَ وُتَا؞ نَكُمَغَ وَطَنْدَ سُكَثِ نَصَرَا عَكَنْ دَبَّرْ دَ صِڢَّرْتَ دَ كُمَ لَمْبَرْ سُونَنْتَ، سُنَ ڟَيَاوَا عَبَاكِنْ تَڢْكِنْ غِلَسْ، سُنَ رِڧٜىٰ دَ مُواْلَيٜىٰ وَطَنْدَ اللَّهْ يَبَاسُ؞

³ سُنَ رٜىٰرَ وَاڧَرْ مُوسَٰى، بَاوَنْ اللَّهْ دَ كُمَ وَاڧَرْ طَنْ ضَغُوانْ، سُنَ ثٜىٰوَ ‏«‏أَيُّكَنْكَ دَ غِرْمَ سُكٜىٰ، مَاسُ بَنْ مَامَاكِ يَا عُبَنْ‌غِجِ اللَّهْ مَيْ إِيكُواْ دُكَ!‏ هَنْيُواْيِنْكَ مَاسُ أَدَلْثِے نٜىٰ، مَاسُ غَسْكِيَ كُمَ، يَا سَرْكِنْ أَلْعُمَّيْ!‏

⁴ وَنٜىٰنٜىٰ بَذَيْجِڟُواْرُوانْكَ بَ، يَا عُبَنْ‌غِجِ؟ وَنٜىٰنٜىٰ بَذَيْ طَوْكَكَ غِرْمَنْكَ بَ؟ غَمَا كَيْ كَطَيْ نٜىٰ مَيْ ڟَرْكِے؞ دُكَنْ أَلْعُمَّيْ ذَاسُذُواْ، سُيِ مَكَ سُجَّدَ غَمَا أَيُّكَنْكَ نَأَدَلْثِے سُنْ بَيَّنَ؞»‏

⁵ بَايَنْ وَنَّنْ، نَدُوبَ، سَيْغَا تٜىٰنْتِنْ شَيْدَرْ كَسَنْثٜىٰوَرْ اللَّهْ، وَتُواْ هَيْكَلِ أَ سَمَ عَبُوطٜىٰ؞

⁶ سَيْ مَلاَىِٕكُ بَݣَويْ مَاسُ بَلَعِ بَݣَويْ نَنْ سُكَ ڢِتُواْ دَغَ ثِكِنْ هَيْكَلِنْ، سَنْيٜىٰ دَ رِيغُنَنْ لِيلِنْ مَيْ ڟَبْتَ مَيْ حَصْكٜىٰ دَ كُمَ طَمَرَرْ ظِينَارِيَ عَڧِرْجِنْسُ؞

⁷ سَيْ طَيَ دَغَ ثِكِنْ حَلِتُّو مَاسُ رَيْ نَنْ حُطُ يَبَا مَلاَىِٕكُ بَݣَويْ طِنَّنْ ݣُونُواْنِنْ ظِينَارِيَ بَݣَويْ ثِكٜىٰ دَ ڢُشِنْ اللَّهْ، وَنْدَ يَكٜىٰ رَايٜىٰ حَرْ أَبَدَا أَبَدِنْ؞

⁸ سَيْ هَيْكَلِنْ يَثِكَ دَ هَيَاڧِنْ دَيَكٜىٰ ڢِتُواْوَ دَغَ طَوْكَكَرْ اللَّهْ دَ إِيكُوانْسَ؞ بَابُ كُوَ وَنِنْ دَ يَ عِيَ شِغَ ثِكِنْ هَيْكَلِنَّنْ سَيْ دَ بَلَعِنَّنْ بَݣَويْ نَمَلاَىِٕكُ بَݣَويْ طِنَّنْ سُكَ ڧَارٜىٰ؞