رُعُيَرْ دَ عَكَيِ وَ يَحْيَى 14 - أَتَّوْرَتْ دَ أَنَّبَاوَا

طَنْ ضَغُواْ دَ دُبُو طَرِے دَ دُبُو أَرْبَعِنْ دَ حُطُ وَطَنْدَ عَكَ ڢَنْسَ

¹ سَعَنً نَ دُوبَ، سَيْغَا طَنْ ضَغُوانْ يَنَ ڟَيٜىٰ عَكَنْ بَبَّنْ تُدُنْ سِهِيُواْنَ، أَݣَويْ مُتَنٜىٰنَّنْ دُبُو طَرِے دَ دُبُو أَرْبَعِنْ دَ حُطُ تَرٜىٰ دَشِ وَطَنْدَ عَكَ رُبُوتَ سُونَنْ طَنْ ضَغُوانْ دَ نَ عُبَنْسَ أَغُواْشِنْسُ؞

² سَيْ نَجِ وَتَ مُرْيَ دَغَ سَمَ مَيْ ڧَارَ كَمَرْ ضُوَ مَيْ غُدُ، كَمَرْ ڟَاوَ مَيْ ڧَارَ سُواْسَيْ؞ مُرْيَرْدَ نَجِ كُوَ كَمَرْ تَمَاسُ كِطِنْ مُواْلُواْ ثٜىٰ؞

³ سُنَ رٜىٰرَ وَتَ سَابُوَرْ وَاڧَا أَغَبَنْ كُجٜىٰرَرْ مُلْكٍ، أَغَبَنْ حَلِتُّو مَاسُ رَيْ غُدَا حُطُنَّنْ دَ كُمَ أَغَبَنْ دَتَّاوَنْ؞ بَابُوَنِ دَ ذَيْ عِيَ يَكُواْيِ وَنَّنْ وَاڧَا سَيْ مُتَنٜىٰ دُبُو طَرِے دَ دُبُو أَرْبَعِنْ دَ حُطُ طِنَّنْ كَوَيْ، وَطَنْدَ عَكَ ڢَنْشٜىٰسُ دَغَ دُونِيَا؞

⁴ وَطَنَّنْ مُتَنٜىٰنٜىٰ وَطَنْدَ بَسُ تَٻَ ڧَظَنْتَرْدَ كَنْسُ تَوُرِنْ ݣُونَ دَ مَاتَا بَ، دُواْمِنْ سُنْيِ ذَمَنْ ڟَبْتَ؞ سُونٜىٰ سُكٜىٰبِنْ طَنْ ضَغُوانْ دُكْ عِنْدَ يَتَڢِے؞ وَطَنَّنْ نٜىٰ أَنْڢَنْشٜىٰسُ دَغَ ثِكِنْ سَوْرَنْ مُتَنٜىٰ، سُونٜىٰ كُمَ كَمَرْ نُونً ڢَارِ نَأَمْڢَانِنْ غُواْنَرْ دَ ذَاعَ مِيڧَ غَ اللَّهْ دَ كُمَ طَنْ ضَغُوانْ؞

⁵ بَعَتَٻَجِنْ ڧَضْيَا عَبَاكِنْسُبَ، دُواْمِنْ سُو مَرَسَ لَيْڢِے نٜىٰ؞

سَڧُوانْ مَلاَىِٕكُ عُكُ

⁶ سَيْ نَغَ وَنِ مَلاَىِٕكَ يَنَ تَاشِ أَڟَكِيَرْ سَرَرِنْ سَمَ، يَنَ رِڧٜىٰ دَ مَدَوَّمِنْ سَڧُواْ نَلَابَرِ مَيْ دَاطِے دُواْمِنْ يَسَنَرْ وَمَذَوْنَنْ دُونِيَا، وَتُواْ غَ كُواْوَثٜىٰ أَلْعُمَّ دَ ذُرِيَ دَ يَرٜىٰ دَ ڧَبِيلَ؞

⁷ سَيْ يَطَغَ بَبَّرْ مُرْيَ يَثٜىٰ ‏«‏كُجِڟُواْرُوانْ اللَّهْ، كُكُمَ طَوْكَكَ سُونَنْسَ!‏ غَمَا يَنْذُ، لُواْكَثِ يَيِ دُواْمِنْ يَشَرْعَنْتَ دُكَنْ مُتَنٜىٰ؞ كُيِمَسَ سُجَّدَ، شِے وَنْدَ يَيِ سَمَ دَ دُونِيَا دَ تٜىٰكُ دَ كُمَ مَٻُٻُّغَنْ ضُوَ!‏»‏

⁸ سَيْ وَنِ كُمَ، مَلاَىِٕكَ نَبِيُ، يَبِے نَڢَرْكُوانْ، يَنَ ثٜىٰوَ ‏«‏تَا ڢَاطِ، بَابِيلَ مَيْغِرْمَ تَڢَاطِ!‏ عِتَ وَدَّ تَسَا دُكَنْ أَلْعُمَّيْ سُكَ بُغُ دَ ضُوً إِنَبِے نَڟَنَنِنْ لَلَتَرْتَ!‏»‏

⁹ سَيْ وَنِ كُمَ، مَلاَىِٕكَ نَعُكُ، يَبِيُواْ وَطَنَّنْ بِيُنْ؞ دَ بَبَّرْ مُرْيَ يَنَ ثٜىٰوَ ‏«‏دُكْ وَنْدَ يَيِ وَوَنَّنْ دَبَّ دَ صِڢَّرْتَ سُجَّدَ، يَكُمَ كَرْٻِ لَمْبَرْتَ أَغُواْشِنْسَ، كُواْ كُوَ أَ حَنُّنْسَ،

¹⁰ شِ ذَيْ شَا ضُوً إِنَبِے نَڢُشِنْ اللَّهْ، وَنْدَ عَكَ شِرْيَ دَ دُكَنْ ڧَرْڢِنْسَ عَثِكِنْ ݣُوڢْ نَڢُشِنْ اللَّهْ؞ ذَاعَكُوَ بَاشِ عَذَابَ سُواْسَيْ دَ وُتَادَ ڢَرَرْ وُتَا مَيْ وَرِ، أَغَبَنْ مَلاَىِٕكُ مَاسُ ڟَرْكِے دَ كُمَ أَغَبَنْ طَنْ ضَغُوانْ؞

¹¹ هَيَاڧِنْ وُتَا تَ عَذَابَرْسُ يَدِنْ‌غَ تَاشِ سَمَ حَرْ أَبَدَا أَبَدِنْ؞ بَابُ سَوْڧِ دَرٜىٰ دَ رَانَ غَ وَطَنْدَ سُكَيِ وَوَنَّنْ دَبَّ دَ صِڢَّرْتَ سُجَّدَ دَ كُمَ دُكْ وَنْدَ يَكَرْٻِ لَمْبَرْ دَبَّرْ دَ سُونَنْتَ؞»‏

¹² وَنَّنْ يَنَ بُڧَاتَرْ جِمْرٜىٰوَرْ ڟَرْكَكَا، وَطَنْدَ سُكٜىٰ كِيَايٜىٰ دُواْكُواْكِنْ اللَّهْ، سُكٜىٰ كُمَيِنْ أَمِنْثِ ثِكِنْ بَنْ‌غَسْكِيَرْسُ غَ عِيسَىٰ؞

¹³ سَيْ نَسَاكٜىٰجِنْ وَتَ مُرْيَ دَغَ سَمَ تَنَ ثٜىٰوَ ‏«‏رُبُوتَ وَنَّنْ، مَاسُ أَلْبَرْكَ نٜىٰ وَطَنْدَ ذَاسُ مُتُ ثِكِنْ عُبَنْ‌غِجِ دَغَ يَنْذُ!‏»‏ رُوحُ يَثٜىٰ، ‏«‏حَڧِيڧَ!‏ ذَاسُ هُوتَ دَغَ وَهَلَرْسُ، سَبُواْدَ سَكَمَكُوانْ عَيْكِنْسُ يَنَ بِيٜىٰ دَسُو!‏»‏

غِرْبِنْ دُونِيَا

¹⁴ سَعَنً نَدُوبَ، سَيْغَا وَنِ ڢَضٍ غِرْغِجٜىٰ دَ وَنِ كَمَرْ طَنْ مُتُمْ يَنَ ظَوْنٜىٰ عَكَنْ غِرْغِجٜىٰنْ، يَنَدَ هُولَرْ مُلْكِ تَظِنَرِيَ عَكَنْسَ، يَنَ كُمَ دَ لَوْجٜىٰ مَيْثِ سُواْسَيْ أَ حَنُّنْسَ؞

¹⁵ سَيْ وَنِ مَلاَىِٕكَ يَڢِتُواْ دَغَ هَيْكَلِنْ، يَيِ كِرَا دَ بَبَّرْ مُرْيَ غَ وَنَّنْ دَيَكٜىٰ ظَوْنٜىٰ عَكَنْ غِرْغِجٜىٰنْ، يَنَ ثٜىٰوَ ‏«‏مِيڧَ لَوْجٜىٰنْكَ، كَڢَارَ غِرْبِے، دُواْمِنْ لُواْكَثِنْ غِرْبِے يَيِ، أَمْڢَانِنْ دُونِيَا يَا نُونَ سَرَيْ؞»‏

¹⁶ سَيْ وَنَّنْ دَيَكٜىٰ ظَوْنٜىٰ عَكَنْ غِرْغِجٜىٰنْ يَوُرْغَ لَوْجٜىٰنْسَ عَكَنْ دُونِيَا، عَكَ كُمَ غِرْبٜىٰ أَمْڢَانِنْ دُونِيَا؞

¹⁷ سَيْ وَنِ مَلاَىِٕكَ يَڢِتُواْ دَغَ هَيْكَلِ أَ سَمَ، شِے مَا يَنَدَ لَوْجٜىٰ مَيْثِ سُواْسَيْ؞

¹⁸ سَعَنً وَنِ مَلاَىِٕكَ حَرْ يَنْذُ، وَنْدَ يَكٜىٰ لُورَ دَ وُتَرْ بَغَدٜىٰنْ يَڢِتُواْ دَغَ بَغَدٜىٰنْ؞ دَ بَبَّرْ مُرْيَ يَيِ كِرَا وَ وَنْثَنْ مَلاَىِٕكَ مَيْ لَوْجٜىٰ، يَثٜىٰ مَسَ، ‏«‏مِيڧَ لَوْجٜىٰنْكَ كَيَنْكَ ڧُنْشِنْ یَیَنْ إِنَبِنْ دَغَ غُواْنَرْ إِنَبِنْ دُونِيَا، غَمَا یَیَنْسَ سُنْ نُونَ؞»‏

¹⁹ سَيْ مَلاَىِٕكَنْ يَوُرْغَ لَوْجٜىٰنْسَ عَكَنْ دُونِيَا، يَيَنْكٜىٰ یَیَنْ إِنَبِنْ دَغَ إِتَاثٜىٰنْ، يَجٜىٰڢَسُ ثِكِنْ بَبَّنْ وُرِنْ مَڟٜىٰوَرْ إِنَبِے نَڢُشِنْ اللَّهْ؞

²⁰ عَكَ مَڟٜىٰ إِنَبِنْ أَوُرِنْ دَيَكٜىٰ عَبَايَنْ غَرِ، جِنِ كُمَ يَدِنْ‌غَ ڢِتُواْوَ دَغَ وُرِنْ، وَنْدَ إِنْ أَنْ‌ڠُودَ دَ سَنْدَنْ أَوُاْ، نِيسَنْسَ ذَيْ كَيْ دُبُو طَيَ دَ طَرِے شِدَ، وَتُواْ وَجٜىٰنْ كِلُواْمِتَ طَرِے عُكُ، كُمَ ظُرْڢِنْسَ يَا كَيْ كَمَرْ ڟَيِنْ لِنْظَمِنْ دُواْكِ وَتُواْ وَجٜىٰنْ ڧَڢَا شِدَ؞