رُعُيَرْ دَ عَكَيِ وَ يَحْيَى 13 - أَتَّوْرَتْ دَ أَنَّبَاوَا

دَبَّرْ دَتَڢِتَ دَغَ تٜىٰكُ

¹ سَيْنَغَ وَتَ دَبَّ تَنَ ڢِتُواْوَ دَغَ ثِكِنْ تٜىٰكُ؞ دَبَّرْ تَنَدَ ڧَهُواْنِ غُواْمَ دَ كُمَ كَوُنَ بَݣَويْ؞ أَݣَويْ هُولُنَ غُواْمَ نَسَرْكِے عَكَنْ ڧَهُواْنِنْتَ، عَكَنْتَ كُمَ أَݣَويْ سُونَيٜىٰنْ صَاٻُواْ؞

² دَبَّرْدَ نَغَنِ تَيِ كَمَ دَ دَامِسَ، عَمَّا تَنَدَ مَنْيَنْ ڧَڢَاڢُ مَاسُ غَاشِ سُواْسَيْ دَ دُواْغَيٜىٰنْ ڧُمْبَ كَمَرْ نَوَتَ نَامَنْ دَاجِنَّنْ بٜىٰيَرْ، بَاكِنْتَ كُمَ يَيِ كَمَرْ نَذَاكِ؞ دُواْدُواْنَّنْ مَيْ صِڢَّرْ مَثِيجِ كُوَ يَا بَادَبَّرْ ڧَرْڢِنْسَ دَ كُجٜىٰرَرْ مُلْكِنْسَ دَ كُمَ إِيكُوانْسَ مَيْغِرْمَ؞

³ طَيَ دَغَ ثِكِنْ كَوُنَنْ دَبَّرْ نَنْ، كَمَرْ أَنْيِ مَسَ رَوْنِ وَنْدَ ذَيْ عِيَ كَشٜىٰشِ، عَمَّا رَوْنِنْ يَا رِغَا يَا وَرْكٜىٰ؞ سَيْ دَبَّرْ تَطَوْكٜىٰوَ دُكَنْ دُونِيَا حَنْكَلِ، سُنَ تَمَامَاكِ سُنَ بِنْتَ؞

⁴ مُتَنٜىٰ سُكَيِ وَدُواْدُواْنَّنْ سُجَّدَ غَمَا يَا بَا وَنَّنْ دَبَّرْ إِيكُوانْسَ؞ سُكَيِ وَدَبَّرْ مَا سُجَّدَ سُنَ ثٜىٰوَ ‏«‏وَ يَيِ كَمَرْ وَنَّنْ دَبَّرْ؟ وَ ذَيْ عِيَ يَاڧِ دَ عِتَ؟»‏

⁵ عَكَ بَادَبَّرْ بَاكِ تَنَ مَغَنْ‌غَنُنْ طَغَ كَيْ دَ كَلْمُواْمِنْ صَاٻُواْ، عَكَ كُمَ يَرْدَ مَتَ تَنُونَ إِيكُواْ حَرْ وَتَنِّ أَرْبَعِنْ دَ بِيُ؞

⁶ سَيْ تَبُوطٜىٰ بَاكِنْتَ تَڢَارَ يِنْ مَغَنْ‌غَنُنْ صَاٻُواْ غَ اللَّهْ، تَنَ صَاٻُوانْ سُونَنْسَ دَ وُرِنْ ذَمَنْسَ دَ كُمَ دُكَنْ وَطَنْدَ سُكٜىٰ ظَوْنٜىٰ عَثِكِنْ سَمَ؞

⁷ عَكَ يَرْدَرْ مَتَ تَيَاڧِ ڟَرْكَكَا تَكُمَ ثِ نَصَرَا عَكَنْسُ؞ عَكَ كُمَ بَاتَ إِيكُواْ عَكَنْ كُواْوَثٜىٰ ذُرِيَ دَ ڧَبِيلَ دَ يَرٜىٰ دَ أَلْعُمَّ؞

⁸ دُكَنْ مُتَنٜىٰنْ دَسُكٜىٰ ذَمَ عَدُونِيَا ذَاسُيِ وَدَبَّرْ سُجَّدَ، سَيْدَيْ دُكْ وَنْدَ تُنْ كَاڢِنْ كَڢَاوَرْ دُونِيَا أَنْرُبُوتَ سُونَنْسَ أَ لِتَّڢِنْ رَيْ نَ طَنْ ضَغُوانْ دَ عَكَيَنْكَ؞

⁹ دُكْ مَيْكُنّٜىٰنْجِ، بَرِ يَجِ!‏

¹⁰ دُكْ وَنْدَ عَكَ ڧَدَّرَ وَبَوْتَا، بَوْتَا ذَيْ يِ؞ دُكْ وَنْدَ عَكَ ڧَدَّرَ وَتَكُواْبِے، مُتُوَرْ تَكُواْبِے ذَيْ يِ؞ وَنَّنْ يَنَ بُڧَاتَرْ جِمْرٜىٰوَ دَ بَنْ‌غَسْكِيَ غَ ڟَرْكَكَا؞

دَبَّرْ دَتَڢِتَ دَغَ ڧَسَا

¹¹ سَيْ نَغَ وَتَ دَبَّ كُمَ، وَدَّ تَڢِتُواْ دَغَ ڧَسَا؞ تَنَدَ ڧَهُواْنِ بِيُ كَمَرْ نَطَنْ ضَغُواْ، تَكُمَيِ مَغَنَ كَمَرْ دُواْدُواْنَّنْ مَيْ صِڢَّرْ مَثِيجِ؞

¹² تَايِ أَمْڢَانِ دَ دُكَنْ إِيكُوانْ وَنَّنْ دَبَّ تَڢَرْكُواْ أَعِدُوانْ دَبَّرْ؞ تَا كُمَسَا دُونِيَا دَ دُكَنْ مَذَوْنَنْتَ سُيِ وَدَبَّرْنَنْ تَڢَرْكُواْ سُجَّدَ، وَتُواْ وَنَّنْ دَ رَوْنِنْتَ يَارِغَا يَاوَرْكٜىٰ؞

¹³ وَنَّنْ دَبَّ تَبِيُ تَايِ مَنْيَنْ عَلَمُنْ بَنْ مَامَاكِ، حَرْ مَا تَسَا وُتَا تَسَوْكُواْ دَغَ سَمَ تَظُبَ عَڧَسَا أَعِدُوانْ كُواْوَ؞

¹⁴ تَا كُمَ رُوطِ دُكَنْ مُتَنٜىٰنْ دَسُكٜىٰ ذَمَ عَدُونِيَا تَوُرِنْ عَلَمُنْتَ نَبَنْ مَامَاكِنَّنْ دَ عَكَ يَرْدَ مَتَ تَيِ أَعِدُوانْ دَبَّ تَڢَرْكُوانْ؞ دَبَّرْ تَثٜىٰمُسُ سُغِنَ وَتَ صِڢَّ دُواْمِنْ أَغِرْمَمَ وَنَّنْ دَبَّرْ دَ عَكَيِ مَتَ رَوْنِ دَ تَكُواْبِنَّنْ كُمَ دُكْدَهَكَ تَرَايُ؞

¹⁵ عَكَ يَرْدَ وَوَنَّنْ دَبَّ تَبِيُ تَبَادَ نُمْڢَشِنْ رَيْ غَ وَنَّنْ صِڢَّرْ تَدَبَّ تَڢَرْكُواْ، حَرْ صِڢَّرْ تَا عِيَيِنْ مَغَنَ، تَكُمَ كَشٜىٰ دُكَنْ وَطَنْدَ سُكَ ڧِيِ مَتَ سُجَّدَ؞

¹⁶ وَنَّنْ دَبَّ تَبِيُ تَا سَا عَيِ وَدُكَنْ مُتَنٜىٰ لَمْبَ أَهَنُّنْسُ نَدَمَ كُواْ أَغُواْشِنْسُ، مَنْيَ دَ ڧَنَانَا، مَيْ أَرْزِڧِ دَ تَلَكَ، بَاوَ دَ مَيْ یَنْثِ؞

¹⁷ تَايِ حَكَ دُواْمِنْ كَدَ وَنِ يَسَيَ كُواْ يَسَيَرْ عِدَنْ بَاشِ دَ لَمْبَ، وَتُواْ سُونَنْ دَبَّرْ كُواْ كُوَ لَمْبَرْ سُونَنْتَ؞

¹⁸ وَنَّنْ أَبُ ڢَا يَنَ بُڧَاتَرْ حِكِمَ؞ كُواْوَ دَيَكٜىٰ دَ غَانٜىٰوَ ذَيْ عِيَ ڢِتُواْ دَ مَعَنَرْ لَمْبَرْ وَنَّنْ دَبَّ، دُواْمِنْ لَمْبَرْ تَسُونَنْ مُتُمْ ثٜىٰ؞ لَمْبَرْ كُوَ عِتَثٜىٰ 666؞