رُعُيَرْ دَ عَكَيِ وَ يَحْيَى 11 - أَتَّوْرَتْ دَ أَنَّبَاوَا

شَيْدُ بِيُ نَ اللَّهْ

¹ سَعَنً عَكَبَا نِے وَنِ سَنْدَنْ أَوُاْ، عَكَ كُمَ ثٜىٰمِنِ ‏«‏تَڢِے كَاعَوْنَ هَيْكَلِنْ اللَّهْ دَ بَغَدٜىٰنْ، كَكُمَ ڧِرْغَ وَطَنْدَ سُكٜىٰ سُجَّدَ عَثِكِ؞

² عَمَّا كَدَ كَأَوْنَ ڢِيلِ نَوَجٜىٰ نَهَيْكَلِنْ، كَڨَلٜىٰشِ دُواْمِنْ أَنْبَادَشِ غَ وَطَنْدَ بَسُ سَنْ اللَّهْ بَ وَطَنْدَ ذَاسُ ڟَنَنْتَا وَ بِرْنِنَّنْ مَيْ ڟَرْكِے حَرْ وَتَنِّ أَرْبَعِنْ دَ بِيُ؞

³ ذَنْ عَيْكُواْ دَ شَيْدُنَ غُدَا بِيُ سَنْيٜىٰ دَ رِيغُنَنْ مَكُواْكِ، ذَنْبَاسُ إِيكُوانْ يِنْ أَنَّبْثِنْ كَلْمَتَ حَرْ ݣُونَكِے دُبُو طَيَ دَ طَرِے بِيُ دَ سِتِّنْ؞»‏

⁴ وَطَنَّنْ شَيْدُ بِيُنْ كُوَ سُونٜىٰ عِتَتُوَنْ ظَيْتُنَّنْ غُدَا بِيُ دَ سَنْدُنَ بِيُنَّنْ مَاسُ رِڧٜىٰ ڢِتِلُ وَطَنْدَ سُكٜىٰ أَڟَيٜىٰ أَغَبَنْ عُبَنْ‌غِجِ نَدُكَنْ دُونِيَا؞

⁵ عِدَنْ كُوَ وَنِ يَنَدَ نِيَّرْ ثُوتَرْسُ، وُتَا ذَاتَ ڢِتُواْ دَغَ بَاكِنْسُ تَهَلَّكَ مَاسُ غَابَادَسُو؞ تَهَكَنٜىٰ دُكْ مَيْ نِيَّرْ هَلَكَاسُ، ذَاعَ كَشٜىٰشِ؞

⁶ أَنْبَاسُ إِيكُواْ سُكُلّٜىٰ سَرَرِنْ سَمَ دُواْمِنْ كَدَ عَيِ ضُوً سَمَ عَݣُونَكِنْ دَسُكٜىٰ شٜىٰلَرْ كَلْمَتَ؞ سُنَ كُمَ دَ إِيكُواْ عَكَنْ ضُوَيٜىٰ، سُمَيْدَ ضُوَيٜىٰنْ جِنِ؞ سُنَ كُمَ دَ إِيكُواْ سُكَٰوُاْ وَ دُونِيَا كُواْوَنٜىٰ إِرِنْ بَلَعِ، أَدُكْ لُواْكَثِنْ دَسُكٜىٰسُواْ؞

⁷ بَايَنْدَ سُكَ غَمَ بَادَ شَيْدَرْسُ، سَيْ دَبَّ تَڢِتُواْ دَغَ رَامِ مَيْ ظُرْڢِنَّنْ تَيَاڧٜىٰسُ؞ دَبَّرْ كُوَ ذَاتَثِ نَصَرَا عَكَنْسُ، تَكُمَ كَشٜىٰسُ؞

⁸ ذَاعَبَرْ غَوَوَّكِنْسُ عَكَنْ تِيتِنْ بَبَّنْ بِرْنِنَّنْ دَ عَكَ غِثِّيٜىٰ عُبَنْ‌غِجِنْسُ؞ أَنَ ݣُوتَنْتَا بِرْنِنَّنْ دَ سُونَ ‏«‏سُواْدُوامْ»‏ كُواْ ‏«‏مَصَرْ»‏؞

⁹ مُتَنٜىٰنْ دُكَنْ ڧَبِيلُ دَ ظُرِيُواْيِ دَ يَرٜىٰ دَبَمْ دَبَمْ دَ أَلْعُمَّيْ ذَاسُ ظُبَ وَ غَوَوَّكِنْ عِدُواْ حَرْ ݣُونَ عُكُ دَ رَبِے، سُكُوَ حَنَ أَبِنّٜىٰسُ؞

¹⁰ مَذَوْنَنْ دُونِيَا ذَاسُيِ مُرْنَ سَبُواْدَ مُتُوَرْ شَيْدُنَّنْ بِيُ؞ ذَاسُيِ بِكِ، سُنَ عَيْكَ وَ جُونَ ݣَوْتَيْ، غَمَا شَيْدُنَّنْ بِيُ وَطَنْدَ سُكَ كَٰوُاْ وَ مَذَوْنَنْ دُونِيَا وَهَلَ؞

¹¹ عَمَّا بَايَنْ ݣُونَ عُكُ دَ رَبِنَّنْ، سَيْ نُمْڢَشِ مَيْ بَادَ رَيْ يَذُواْ دَغَ وُرِنْ اللَّهْ يَشِغَ ثِكِنْسُ، سَيْ سُكَتَاشِ ڟَيٜىٰ؞ ڟُواْرُواْ مَيْ يَوَ يَكَامَ وَطَنْدَ سُكَ غَنْسُ؞

¹² سَيْ شَيْدُنَّنْ بِيُ سُكَجِ وَتَ بَبَّرْ مُرْيَ تَيِ مُسُ مَغَنَ دَغَ سَمَ تَثٜىٰ ‏«‏كُهَوْرُواْ نَنْ!‏»‏ سَيْ سُكَ تَڢِے سَمَ ثِكِنْ غِرْغِجٜىٰ، أَبُواْكَنْ غَابَنْسُ سُنَ غَنِ؞

¹³ نَنْ تَكٜىٰ، سَيْ عَكَيِ وَتَ بَبَّرْ ضَوَرْ ڧَسَا، سَيْ كَشِ طَيَ بِسَ غُواْمَ نَبِرْنِنْ يَرُشٜىٰ، عَكَ كُمَ كَشٜىٰ مُتُمْ دُبُو بَݣَويْ؞ سَوْرَنْ مُتَنٜىٰنْ كُوَ سُكَجِڟُواْرُواْ ڨُورَيْ، سُكَ طَوْكَكَ اللَّهْ نَسَمَ؞

¹⁴ كَيْتُوانْ بَلَعِ نَبِيُ يَوُثٜىٰ، غَا كُمَ كَيْتُوانْ بَلَعِ نَعُكُ يَنَ ذُوَا بَدَ دَطٜىٰوَبَ؞

ڧَهُواْ نَبَݣَويْ

¹⁵ سَعَنً مَلاَىِٕكَ نَبَݣَويْ يَبُوسَ ڧَهُوانْسَ؞ سَيْ عَكَجِ مَنْيَنْ مُرْيُواْيِ أَ سَمَ سُنَ ثٜىٰوَ ‏«‏إِيكُوانْ مُلْكِ عَكَنْ دُونِيَا يَنْذُ يَا ذَمَ نَ عُبَنْ‌غِجِنْمُ دَ أَلْمَسِيحُنْسَ، ذَيْ كُمَيِ مُلْكِ حَرْ أَبَدَا أَبَدِنْ!‏»‏

¹⁶ سَيْ دَتَّاوَا عَشِرِنْ دَ حُطُنَّنْ دَسُكٜىٰ ظَوْنٜىٰ عَكُجٜىٰرُنْ مُلْكِنْسُ أَغَبَنْسَ سُكَ ڢَاطِ أَغَبَنْ اللَّهْ، سُكَيِ سُجَّدَ،

¹⁷ سُنَ ثٜىٰوَ ‏«‏مُنْ غُواْدٜىٰ مَكَ، يَا عُبَنْ‌غِجِ اللَّهْ مَيْ إِيكُواْ دُكَ، وَنْدَ كَكٜىٰ عَيَنْظُ، كَيْنٜىٰ كُمَ أَدَا، غَمَا كَا طَوْكِ إِيكُوانْكَ مَيْغِرْمَ كَا ڢَارَ مُلْكِ؞

¹⁸ أَلْعُمَّيْ سُكَ ثِكَ دَ ڢُشِے، عَمَّا يَنْذُ لُواْكَثِنْ ڢُشِنْكَ يَا ذُواْ، لُواْكَثِ يَيِ دَ ذَاعَيِ وَمَتَتُّو شَرِيعَ، ذَاعَ بَادَ لَادَ غَ بَايِنْكَ أَنَّبَاوَا، دَ ڟَرْكَكَا وَطَنْدَ سُكٜىٰجِنْ ڟُواْرُوانْ سُونَنْكَ، دَ مَنْيَ دَ ڧَنَانَا؞ لُواْكَثِ يَيِ دَ ذَاعَ هَلَّكَ مَاسُ هَلَّكَ دُونِيَا!‏»‏

¹⁹ سَيْ عَكَ بُوطٜىٰ هَيْكَلِنْ اللَّهْ أَ سَمَ، سَعَنً عَكَ غَ عَݣُوتِنْ يَرْجٜىٰجٜىٰنِيَرْسَ عَثِكِنْ هَيْكَلِنْ؞ سَيْ عَكَيِ وَلْڧِيَ دَ ڧَرَرَّكِ دَ ڟَاوَ دَ ضَوَرْ ڧَسَا دَ مَنْيَنْ ڧَنْڧَرَ؞