رُعُيَرْ دَ عَكَيِ وَ يَحْيَى 10 - أَتَّوْرَتْ دَ أَنَّبَاوَا

مَلاَىِٕكَ دَ طَنْ ڧَرَمِنْ لِتَّڢِ

¹ سَعَنً نَسَاكٜىٰ غَنِنْ وَنِ ڧَتُوانْ مَلاَىِٕكَ مَيْ ڧَرْڢِے يَنَ سَوْكُواْوَ دَغَ سَمَ؞ غِرْغِجٜىٰ يَا رُڢٜىٰشِ، يَنَ كُمَ دَ بَكَنْ غِذُواْ عَكَنْسَ، ڢُسْكَرْسَ كَمَرْ رَانَ تَكٜىٰ، ڧَڢَاڢُنْسَ كُمَ كَمَرْ غِنْشِڧَيْ نَوُتَ؞

² يَنَ دَ وَنِ طَنْ ڧَرَمِنْ لِتَّڢِ وَنْدَ يَكٜىٰ عَبُوطٜىٰ أَ حَنُّنْسَ؞ يَا سَا ڧَڢَرْسَ تَدَمَ عَكَنْ تٜىٰكُ، ڧَڢَرْسَ تَهَغُ كُوَ عَكَنْ ڧَسَا؞

³ يَيِ كِرَا دَ بَبَّرْ مُرْيَ وَدَّ تَيِ ڧَارَ كَمَرْ رُورِنْ ذَاكِ؞ دَ يَيِ كِرَا، سَيْ ڟَاوَ بَݣَويْ سُكَ أَمْسَ دَ بَبَّرْ ڧَارَ؞

⁴ دَ ڟَاوَ بَݣَويْ نَنْ سُكَيِ ڧَارَ، نَيِ شِرِ إِنْ رُبُوتَ، عَمَّا سَيْ نَجِ مُرْيَ تَيِ مَغَنَ دَغَ سَمَ تَثٜىٰ ‏«‏أَبِنْ دَ ڟَاوَ بَݣَويْ نَنْ سُكَ ڢَطَا، كَرُڢٜىٰشِ!‏ كَدَ كَرُبُوتَ شِ!‏»‏

⁵ سَعَنً مَلاَىِٕكَنَّنْ دَ نَغَنِ أَڟَيٜىٰ عَكَنْ تٜىٰكُ دَ كُمَ عَكَنْ ڧَسَا يَطَغَ حَنُّنْ دَامَنْسَ سَمَ،

⁶ يَرَنْڟٜىٰ دَ وَنْدَ يَكٜىٰ رَايٜىٰ نَهَرْ أَبَدَا أَبَدِنَّنْ، وَنْدَ يَحَلِثِّ سَمَ دَ دُكَنْ أَبِنْدَ يَكٜىٰ ثِكِنْسَ دَ دُونِيَا دَ دُكَنْ أَبِنْدَ يَكٜىٰ ثِكِنْتَ دَ تٜىٰكُ دَ دُكَنْ أَبِنْدَ يَكٜىٰ ثِكِنْتَ؞ مَلاَىِٕكَنْ يَثٜىٰ ‏«‏بَابُ سَوْرَنْ ٻَاتَ لُواْكَثِ كُمَ!‏

⁷ عَمَّا أَ لُواْكَثِنْ دَ مَلاَىِٕكَ نَبَݣَويْ ذَيْ بُوسَ ڧَهُوانْسَ نٜىٰ، ذَاعَ ثِكَ أَسِيرِنَّنْ نَ اللَّهْ، كَمَرْ يَدَّ يَسَنَرْ وَبَيِنْسَ أَنَّبَاوَا؞»‏

⁸ سَعَنً نَجِ مُرْيَرْ نَنْ دَ دَا نَجِ دَغَ سَمَ تَسَاكٜىٰيِ مِنِ مَغَنَ ثٜىٰوَ ‏«‏جٜىٰكَ، كَكَرْٻِ لِتَّڢِنَّنْ دَيَكٜىٰ عَبُوطٜىٰ أَ حَنُّنْ مَلاَىِٕكَنْ دَيَكٜىٰ ڟَيٜىٰ عَكَنْ تٜىٰكُ دَ كُمَ عَكَنْ ڧَسَا؞»‏

⁹ سَيْنَتَڢِے وُرِنْ مَلاَىِٕكَنْ نَثٜىٰمَسَ يَبَانِ ڧَرَمِنْ لِتَّڢِنْ؞ شِے كُوَ يَثٜىٰمِنِ ‏«‏كَكَرْٻَ كَثِ، ذَيْ ذَمَ دَ طَاثِ عَثِكِنْكَ، عَمَّا عَبَاكِنْكَ ذَيْ ذَمَ دَ ذَاڧِ كَمَرْ ظُمَ؞»‏

¹⁰ سَيْ نَكَرْٻِ ڧَرَمِنْ لِتَّڢِنْ دَغَ حَنُّنْسَ، نَثِنْيٜىٰ؞ سَيْيَيِ ذَاڧِ كَمَرْ ظُمَ عَبَاكِنَ، عَمَّا بَايَنْدَ نَهَطِيٜىٰ، سَيْ يَكُواْمَ طَاثِ عَثِكِنَ؞

¹¹ سَعَنً عَكَ سَاكٜىٰ ڢَطَا مِنِ ثٜىٰوَ ‏«‏دُواْلٜىٰنٜىٰ كُمَ كَيِ أَنَّبْثِ عَكَنْ ڧَبِيلُ إِرِ إِرِ دَ أَلْعُمَّيْ مَاسُيَوَ دَ يَرٜىٰ دَبَمْ دَبَمْ دَ كُمَ سَرَاكُنَ مَاسُيَوَ؞»‏