رُعُيَرْ دَ عَكَيِ وَ يَحْيَى 1 - أَتَّوْرَتْ دَ أَنَّبَاوَا

غَبَاتَرْوَ

¹ رُعُيَرْ عِيسَىٰ أَلْمَسِيحُ وَنْدَ اللَّهْ يَبَاشِ دُواْمِنْ يَنُونَ وَ بَايِنْسَ أَبِنْدَ ذَيْ ڢَرُ بَادَدَطٜىٰوَبَ؞ عِيسَىٰ يَا بَيَّنَ رُعُيَرْ تَوُرِنْ عَيْكَ مَلاَىِٕكَنْسَ ذُوَا وُرِنْ بَاوَنْسَ يَحْيَى،

² وَنْدَ يَشَيْدَ كَلْمَرْ اللَّهْ، يَكُمَ شَيْدَ عِيسَىٰ أَلْمَسِيحُ نٜىٰ، حَرْ مَا دَ دُكَنْ أَبِنْدَ يَغَنِ؞

³ مَيْ أَلْبَرْكَ نٜىٰ مُتُمِنْ دَيَكٜىٰ كَرَنْتَ وَنَّنْ كَلْمُواْمِنْ أَنَّبْثِ دَ وَطَنْدَ سُكٜىٰ جِنْ وَنَّنْ كَلْمُواْمِنْ أَنَّبْثِ، سُكٜىٰ كُمَ كِيَايٜىٰ أَبِنْدَ عَكَ رُبُوتَ عَثِكِنْ لِتَّڢِنْ، غَمَا لُواْكَثِنْ دَ وَطَنَّنْ أَبُبُوَ ذَاسُ ڢَرُ يَيِ كُسَ؞

غَيْسُوَا ذُوَاغَ جَمَعَرْ مَاسُبِے أَوُرَرٜىٰ بَݣَويْ

⁴ نِے يَحْيَى، إِنَ رُبُوتَاوَ ذُوَاغَ جَمَعَرْ مَاسُبِے أَوُرَارٜىٰ بَݣَويْ دَسُكٜىٰ عَيَنْكِنْ ڧَسَرْ أَسِيَ؞ أَلْحٜىٰرِ دَ سَلَمَ سُكَسَنْثٜىٰ تَرٜىٰدَكُو دَغَ اللَّهْ وَنْدَ يَكٜىٰ عَيَنْظُ، شِينٜىٰ أَدَا، شِينٜىٰ كُمَ مَيْ ذُوَا دَ كُمَ دَغَ رُوحُواْحِنَّنْ بَݣَويْ وَطَنْدَ سُكٜىٰ أَغَبَنْ كُجٜىٰرَرْ مُلْكٍ اللَّهْ،

⁵ دَغَ كُمَ عِيسَىٰ أَلْمَسِيحُ، وَنْدَ شِينٜىٰ أَمِنْتَثّٜىٰ مَيْ شَيْدَ، نَڢَرْكُواْ ثِكِنْ مَاسُ تَاشِ دَغَ مَتَتُّو، مَيْ مُلْكٍ سَرَاكُنَنْ دُونِيَا؞ أَغَرٜىٰشِ، شِے وَنْدَ يَڧَوْنَثٜىٰمُ، يَكُمَ ثٜىٰثٜىٰمُ دَغَ ذُنُبَنْمُ تَوُرِنْ ظُبْدَ جِنِنْسَ،

⁶ شِينٜىٰ يَمَيْدَمُو مُذَمَ مَاسُ مُلْكِ دَ ڢِرِسْتُواْثِے مَاسُ حِدِمَرْ اللَّهْ عُبَنْسَ؞ سَبُواْدَ حَكَ بَرِ عِيسَىٰ أَلْمَسِيحُ يَكَرْٻِ طَوْكَكَ دَ مُلْكِ حَرْ أَبَدَا أَبَدِنْ؞ أَمِينْ؞

⁷ غَاشِ، ذَيْذُواْ عَثِكِنْ غِرْغِجٜىٰ، كُواْوَ كُوَ ذَيْ غَنْ شِ، حَرْ دَ وَطَنْدَ سُكَ سُواْكٜىٰشِ؞ دُكَنْ ڧَبِيلُنْ دُونِيَا كُمَ ذَاسُيِ كُوكَا عَكَنْسَ؞ حَڧِيڧَ!‏ وَنَّنْ حَكَ يَكٜىٰ، أَمِينْ؞

⁸ ‏«‏نِنٜىٰ ڢَرْكُواْ، نِنٜىٰ ڧَرْشٜىٰ،»‏ إِنْجِ عُبَنْ‌غِجِ اللَّهْ، وَنْدَ يَكٜىٰ عَيَنْظُ، شِينٜىٰ أَدَا، شِينٜىٰ كُمَ مَيْ ذُوَا، شِينٜىٰ مَيْ إِيكُواْ دُكَ؞

رُعُيَرْ أَلْمَسِيحُ

⁹ نِے يَحْيَى طَنْعُوَنْكُ دَ كُمَ أَبُواْكِنْ تَرَيَّرْكُ نٜىٰ ثِكِنْ عَذَابَ دَ مُلْكِ دَ حَڧُرِنْ جِمْرٜىٰوَ وَطَنْدَ سُكٜىٰ نَامُ ثِكِنْ عِيسَىٰ؞ أَنْ طَوْكٜىٰنِ ڧَرْڢِے دَ يَجِ ذُوَا ڟِبِرِنْ بَتْمُواسْ سَبُواْدَ نَيِ وَعَظِنْ كَلْمَرْ اللَّهْ دَ شَيْدَرْ عِيسَىٰ؞

¹⁰ أَ رَانَرْ عُبَنْ‌غِجِ، سَعَدَّ رُوحُ يَسَوْكُواْ عَكَيْنَ، سَيْ نَجِ وَتَ بَبَّرْ مُرْيَ مَيْ ڧَارَ عَبَايَنَ كَمَرْ تَڧَهُواْ؞

¹¹ مُرْيَرْ تَثٜىٰ ‏«‏رُبُوتَ أَبِنْدَ كَغَنِ أَ لِتَّڢِ، كَعَيْكَ وَجَمَعَرْ مَاسُبِے أَوُرَارٜىٰ بَݣَويْ، وَتُواْ أَڢِسَ دَ سِمِرْنَ دَ بِرْغَمُمْ دَ تَيَتِرَ دَ سَرْدِسْ دَ ڢِلَدٜىٰلْڢِيَ دَ كُمَ لَوُدِكِيَ؞»‏

¹² سَيْ نَجُويَا إِنْ غَا وَنْدَ يَكٜىٰيِ مِنِ مَغَنَ؞ دَ نَجُويَا كُوَ سَيْ نَغَ سَنْدُنَنْ ظِينَارِيَ غُدَا بَݣَويْ مَاسُ رِڧٜىٰ ڢِتِلُ؞

¹³ عَڟَكِيَرْ سَنْدُنَ مَاسُ رِڧٜىٰ ڢِتِلُنَّنْ كُوَ نَغَ وَنِ مَيْ كَمَنِّنْ طَنْ مُتُمْ يَنَ سَنْيٜىٰ دَ دُواْغُوَرْ رِغَا، ڧِرْجِنْسَ كُمَ دَ طَمَرَرْ ظِينَارِيَ؞

¹⁴ كَنْسَ دَ غَاشِنْسَ سُنْيِ ڢَرِ ڢَتْ كَمَرْ ڢَضٍ عُلُ، ڢَرِ كَلْ كَمَرْ أَوْدُغَ، عِدَنُونْسَ كَمَرْ هَرْشٜىٰنْ وُتَا،

¹⁵ ڧَڢَاڢُنْسَ سُنَ ڨَلِّ كَمَرْ تَغُلَّرْ دَ عَكَ غُواْغٜىٰ، وَدَّ عَكَ تَاثٜىٰ أَ مَڧٜىٰرَ، مُرْيَرْسَ كُمَ تَنَ رُورِ كَمَرْ رُورِنْ ضُوَيٜىٰ مَاسُ غُدُ؞

¹⁶ أَ حَنُّنْ دَامَرْسَ يَنَ رِڧٜىٰ دَ تَوْرَرِ بَݣَويْ دَغَ بَاكِنْسَ كُمَ تَكُواْبِے مَيْ بَاكِ بِيُ مَيْثِ سُواْسَيْ يَنَ ڢِتُواْوَ؞ ڢُسْكَرْسَ تَنَ حَصْكٜىٰ كَمَرْ رَانَ أَڟَكَ؞

¹⁷ دَنَغَنْ شِ، سَيْ نَڢَاطِ أَغَبَنْسَ كَمَرْ غَاوَا؞ عَمَّا يَا سَا مِنِ حَنُّنْسَ نَدَمَ، يَثٜىٰ ‏«‏كَدَ كَجِڟُواْرُواْ؞ نِنٜىٰ نَڢَرْكُواْ، نِنٜىٰ نَڧَرْشٜىٰ؞

¹⁸ نِنٜىٰ مَيْ رَيْ!‏ دَا نَمُتُ، عَمَّا غَاشِ يَنْذُ، إِنَ رَايٜىٰ حَرْ أَبَدَا أَبَدِنْ، إِنَ كُوَ دَ مَبُوطَنْ إِيكُوانْ مُتُوَ دَ نَوُرِنْ ذَمَنْ مَتَتُّو؞

¹⁹ سَيْ كَرُبُوتَ أَبُبُوَنْ دَ كَكٜىٰ غَنِ يَنْذُ دَ كُمَ أَبُبُوَنْ دَسُكٜىٰ شِرِنْ ڢَرُوَ بَايَنْ وَنَّنْ؞

²⁰ غَا مَعَنَرْ أَسِيرِنْ تَوْرَرِ بَݣَويْ وَطَنْدَ كَغَنِ أَ حَنُّنْ دَامَنَ دَ كُمَ مَعَنَرْ أَسِيرِنْ سَنْدُنَنْ ظِينَارِيَ غُدَا بَݣَويْ مَاسُ رِڧٜىٰ ڢِتِلُ؞ تَوْرَرِ بَݣَويْ نَنْ، مَلاَىِٕكُ بَݣَويْ نَجَمَعَرْ مَاسُبِے نٜىٰ، كُمَ سَنْدُنَنْ ظِينَارِيَ غُدَا بَݣَويْ مَاسُ رِڧٜىٰ ڢِتِلُنَّنْ مَا، جَمَعَرْ مَاسُبِے غُدَا بَݣَويْ نَنْ نٜىٰ؞»‏