زَبُورَا 99 - أَتَّوْرَتْ دَ أَنَّبَاوَا

وَاڧَ غَ اللَّهْ سَرْكِے مَيْ ڟَرْكِے

¹ يَهْوٜىٰهْ سَرْكِے نٜىٰ، بَرِ ڧَبِيلُ سُيِ ضَوَرْ جِكِے!‏ يَنَ ذَمَ عَكُجٜىٰرَرْ مُلْكِنْسَ عَبِسَ حَلِتُّو مَاسُ ڢِكَڢِكَيْ، بَرِ دُونِيَا تَغِرْغِظَ!‏

² يَهْوٜىٰهْ نَ سِهِيُواْنَ مَيْغِرْمَنٜىٰ، مَيْ طَوْكَكَنٜىٰ عَبِسَ دُكَنْ ڧَبِيلُ؞

³ بَرِ سُيَبِے سُونَنْسَ مَيْغِرْمَ مَيْبَنْ ڟُواْرُواْ!‏ مَيْ ڟَرْكِے نٜىٰ شِے!‏

⁴ سَرْكِے مَيْ إِيكُواْ، مَيْ ڧَوْنَرْ شَرِيعَرْ غَسْكِيَ، كَيْ كَا كَڢَ أَبِنْدَ يَكٜىٰ دَيْدَيْ، كَا كُوَ عَيْكَتَ شَرِيعَرْ غَسْكِيَ دَ أَدَلْثِے ثِكِنْ ذُرِيَرْ يَعْڧُوبَ؞

⁵ كُطَوْكَكَ يَهْوٜىٰهْ اللَّهْ نْمُ، كُرُسُنَ أَغَبَنْسَ!‏ مَيْ ڟَرْكِے نٜىٰ شِے!‏

⁶ مُوسَٰى دَ هَٰرُونَ سُنَ ثِكِنْ ڢِرِسْتُواْثِنْسَ، سَمَٰعِيلَ كُمَ ثِكِنْ مَاسُ كِرَا غَ سُونَنْسَ، سُنْيِ كِرَا غَ يَهْوٜىٰهْ، يَكُوَ أَمْسَ مُسُ؞

⁷ يَيِ مُسُ مَغَنَ دَغَ ڧُنْشِنْ غِرْغِجٜىٰ، سُكَ كِيَايٜىٰ ڧَٰعِدُواْدِنْسَ دَ عُمَرْنَنْدَ يَبَاسُ؞

⁸ يَا يَهْوٜىٰهْ اللَّهْ نْمُ، كَيْ كَا أَمْسَ مُسُ، كَا نُونَ مُسُ ثٜىٰوَ كَيْ اللَّهْ مَيْيِنْ غَاڢَرَنٜىٰ، كُواْدَيَكٜىٰ كَا حُكُنْتَسُ سَبُواْدَ ذُنُبَنْسُ؞

⁹ كُطَوْكَكَ يَهْوٜىٰهْ اللَّهْ نْمُ!‏ كُرُسُنَ عَتُدُنْسَ مَيْ ڟَرْكِے، غَمَا يَهْوٜىٰهْ اللَّهْ نْمُ مَيْ ڟَرْكِے نٜىٰ!‏