زَبُورَا 98 - أَتَّوْرَتْ دَ أَنَّبَاوَا

وَاڧَ غَ اللَّهْ مَيْ شَرِيعَنْتَرْ دُونِيَا

﴿ظَبُرَثٜىٰ؞﴾

¹ كُرٜىٰرَ غَ يَهْوٜىٰهْ سَابُوَرْ وَاڧَا، غَمَا يَا عَيْكَتَ أَيُّكَنْ بَنْ مَامَاكِ!‏ إِيكُوانْ حَنُّنْ دَامَنْسَ دَ ڧَرْڢِنْ حَنُّنْسَ مَيْ ڟَرْكِے سُنْ سَامُواْ مَسَ نَصَرَا؞

² يَهْوٜىٰهْ يَا سَنَرْدَ إِيكُوانْ ثٜىٰتُوانْسَ، يَبَيَّنَ عَيْكِنْ أَدَلْثِنْسَ أَعِدَانُنْ أَلْعُمَّيْ؞

³ يَتُنَ دَ ڧَوْنَرْسَ مَرَرْ ثَنْجَاوَا دَ كُمَ أَمِنْثِنْسَ غَ غِدَنْ إِسْرَٰٓءِيلَ، إِيَاكَرْ دُونِيَا دُكَ سُنْ غَ ثٜىٰتُوانْ اللَّهْ نْمُ؞

⁴ كُيِ كِرَرِنْ ڢَضٍ ثِكِ غَ يَهْوٜىٰهْ، يَا كُو دُونِيَا دُكَ!‏ كُٻَرْكٜىٰ دَ وَاڧُواْڧِنْ ڢَضٍ ثِكِ، كُتَادَ مُرْيَرْ يَبُواْ!‏

⁵ كُيَبِے يَهْوٜىٰهْ دَ غَرَايَ، دَ غَرَايَ كُتَادَ مُرْيَ مَيْ دَاطِے!‏

⁶ دَ كَكَكِ دَ بُوسَرْ ڧَهُواْنِ كُيِ كِرَرِنْ ڢَضٍ ثِكِ أَغَبَنْ يَهْوٜىٰهْ سَرْكِے؞

⁷ بَرِ تٜىٰكُ تَيِ رُورِ دَ دُكْ أَبِنْدَ يَكٜىٰ ثِكِنْتَ، دُونِيَا كُمَ دَ دُكَنْ مَاسُ ذَمَ عَثِكِنْتَ؞

⁸ بَرِ رَاڧُمَنْ ضُوَ سُتَڢَ حَنُّوَنْسُ، تُدَّيْ غَبَاطَيَ كُمَ سُتَادَ مُرْيَرْ ڢَضٍ ثِكِ،

⁹ أَغَبَنْ يَهْوٜىٰهْ!‏ غَمَا يَنَ ذُوَا دُواْمِنْ يَشَرْعَنْتَ دُونِيَا؞ ذَيْ شَرْعَنْتَ دُونِيَا دَيْدَيْ، ڧَبِيلُ كُمَ ثِكِنْ أَدَلْثِے؞