زَبُورَا 97 - أَتَّوْرَتْ دَ أَنَّبَاوَا

وَاڧَ غَ اللَّهْ مَيْ مُلْكٍ كُواْمٜىٰ

¹ يَهْوٜىٰهْ سَرْكِے نٜىٰ!‏ بَرِ دُونِيَا تَيِ ڢَضٍ ثِكِ، بَرِ ڟِبِرَيْ مَاسُيَوَ سُيِ مُرْنَ!‏

² غِذَغِظَيْ دَ بَڧِنْ دُهُ سُنْ كٜىٰوَيٜىٰشِ، أَدَلْثِے دَ غَسْكِيَ سُونٜىٰ تُوشٜىٰنْ كُجٜىٰرَرْ مُلْكِنْسَ؞

³ وُتَا تَنَ شَنْ غَبَنْسَ، تَنَ ثِنْيٜىٰ أَبُواْكَنْ غَابَنْسَ دَسُكٜىٰ كٜىٰوَيٜىٰشِ؞

⁴ وَلْڧِيَرْسَ تَحَصْكَكَ دُونِيَا، دُونِيَا تَا غَنِ تَا كُوَ ڢِرْغِتَ؞

⁵ مَنْيَنْ دُوَڟُو سُنْ نَرْكٜىٰ كَمَرْ كَكِنْ ظُمَ أَغَبَنْ يَهْوٜىٰهْ، أَغَبَنْ عُبَنْ‌غِجِ نَدُكَنْ دُونِيَا؞

⁶ سَمَّيْ سُنَيِنْ شٜىٰلَرْ أَدَلْثِنْسَ، ڧَبِيلُ دُكَ سُنَ غَنِنْ طَوْكَكَرْسَ؞

⁷ دُكَنْ مَاسُيِ وَصِڢُّواْڢِ سُجَّدَ سُنْ شَا كُنْيَا، حَكَمَا مَاسُ تَاڧَمَ دَ غُمَكَ، دُكَنْ أَلُّواْلِ سُنْ رُسُنَ أَغَبَنْسَ؞

⁸ مُتَنٜىٰنْ سِهِيُواْنَ سُكَجِ سُكَيِ مُرْنَ، ڧَوْيُكَنْ يَهُودَ كُوَ سُنْيِ ڢَضٍ ثِكِ، سَبُواْدَ شَرِيعَرْكَ تَغَسْكِيَ، يَا يَهْوٜىٰهْ؞

⁹ غَمَا يَا يَهْوٜىٰهْ، كَيْنٜىٰ مَڢِے طَوْكَكَ بِسَ دُكَنْ دُونِيَا، كَيْ كَاڢِ دُكَنْ أَلُّواْلِ طَوْكَكَ ڨُورَيْ!‏

¹⁰ كُو دَ كُكٜىٰ ڧَوْنَرْ يَهْوٜىٰهْ، كُڧِ مُغُنْتَا!‏ غَمَا يَنَ كِيَايٜىٰ رَايُكَنْ مَاسُ ڧَوْنَرْسَ، يَنَ كُٻُتَرْ دَسُو دَغَ حَنُّنْ مُوغَيٜىٰ؞

¹¹ حَصْكٜىٰ يَنَ حَصْكَكَ عَكَنْ مَاسُ أَدَلْثِے، ڢَضٍ ثِكِ كُمَ غَ مَاسُ غَسْكِيَ أَ ظُوثِ؞

¹² كُيِ ڢَضٍ ثِكِ عَثِكِنْ يَهْوٜىٰهْ، يَا كُو مَاسُ أَدَلْثِے!‏ كُكُمَيِ غُواْدِيَ غَ سُونَنْسَ مَيْ ڟَرْكِے!‏