زَبُورَا 96 - أَتَّوْرَتْ دَ أَنَّبَاوَا

وَاڧَ غَ اللَّهْ سَرْكِنْ شَرِيعَ

¹ كُرٜىٰرَ غَ يَهْوٜىٰهْ سَابُوَرْ وَاڧَا، كُرٜىٰرَ غَ يَهْوٜىٰهْ، يَا كُو دُونِيَا دُكَ!‏

² كُرٜىٰرَ غَ يَهْوٜىٰهْ، كُيَبِے سُونَنْسَ، كُيِ شٜىٰلَرْ ثٜىٰتُوانْسَ كُواْوَثٜىٰ رَانَ؞

³ كُيِ شٜىٰلَرْ طَوْكَكَرْسَ ثِكِنْ أَلْعُمَّيْ، دَ كُمَ أَيُّكَنْسَ نَبَنْ مَامَاكِ ثِكِنْ دُكَنْ ڧَبِيلُ!‏

⁴ غَمَا يَهْوٜىٰهْ مَيْغِرْمَ نٜىٰ، كُمَ يَثَنْثَنْثِ يَبُواْ سُواْسَيْ؞ دُواْلٜىٰ أَڢِيجِنْ ڟُواْرُوانْسَ ڢِيٜىٰدَ دُكَنْ أَلُّواْلِ؞

⁵ غَمَا دُكَنْ أَلُّواْلِنْ ڧَبِيلُ غُمَكَنٜىٰ، عَمَّا يَهْوٜىٰهْ نٜىٰ يَيِ سَمَّيْ؞

⁶ غِرْمَ دَ دَرَجَ سُنَ بَيَّنَا دَغَ غَرٜىٰشِ، ڧَرْڢِے دَ طَوْكَكَ سُنَ ثِكِنْ وُرِنْ ذَمَنْسَ مَيْ ڟَرْكِے؞

⁷ مِيڧَا وَ يَهْوٜىٰهْ، يَا كُو ڧَبِيلُنْ دُونِيَا، مِيڧَا وَ يَهْوٜىٰهْ طَوْكَكَرْسَ دَ ڧَرْڢِنْسَ!‏

⁸ مِيڧَا وَ يَهْوٜىٰهْ طَوْكَكَرْ دَ تَثَنْثَنْثِ سُونَنْسَ!‏ كُمِيڧَ مَسَ هَدَايَ، كُشِغَ ثِكِنْ ڢِيلِنْ غِدَنْسَ؞

⁹ كُرُسُنَ أَغَبَنْ يَهْوٜىٰهْ سَبُواْدَ دَرَجَرْ ڟَرْكِنْسَ، كُيِ ضَوَرْ جِكِے أَغَبَنْسَ، يَا كُو دُونِيَا دُكَ!‏

¹⁰ كُڢَطَا وَ أَلْعُمَّيْ ثٜىٰوَ ‏«‏يَهْوٜىٰهْ يَنَ مُلْكِ! عِ، دُونِيَا تَكَڢُ دَرَمْ، بَكُوَ ذَاتَ جِجِّغُبَ؞ ذَيْ شَرْعَنْتَ ڧَبِيلُ دَيْدَيْ؞»‏

¹¹ بَرِ سَمَّيْ سُيِ مُرْنَ، ڧَسَا كُمَ تَيِ ڢَضٍ ثِكِ؞ بَرِ تٜىٰكُ تَيِ رُورِ، دَ دُكَنْ أَبِنْدَ يَكٜىٰ ثِكِنْتَ،

¹² بَرِ ڢِيلَيٜىٰ سُيِ ڟَلّٜىٰ دَ مُرْنَ، دَ دُكَنْ أَبِنْدَ سُكٜىٰ ثِكِنْسُ!‏ بَرِ دُكَنْ عِتَتُوَنْ كُرْمِ سُتَادَ مُرْيَرْ ڢَضٍ ثِكِ،

¹³ أَغَبَنْ يَهْوٜىٰهْ!‏ غَمَا يَنَ ذُوَا، يَنَ ذُوَا يَشَرْعَنْتَ دُونِيَا، ذَيْ شَرْعَنْتَ دُونِيَا ثِكِنْ أَدَلْثِے، دَ كُمَ ڧَبِيلُ ثِكِنْ غَسْكِيَرْسَ؞