زَبُورَا 95 - أَتَّوْرَتْ دَ أَنَّبَاوَا

وَاڧَرْ يَبُواْ ثِكِنْ سُجَّدَ

¹ ذُواْ، مُرٜىٰرَ وَاڧَرْ يَبُواْ غَ يَهْوٜىٰهْ!‏ مُيِ كِرَرِنْ ڢَضٍ ثِكِ غَ دُوڟٜىٰنْ ثٜىٰتُوانْمُ!‏

² بَرِ مُذُواْ غَبَنْسَ دَ غُواْدِيَ، مُيِ كِرَرِنْ ڢَضٍ ثِكِ دَ وَاڧُواْڧِ غَرٜىٰشِ!‏

³ غَمَا يَهْوٜىٰهْ اللَّهْ مَيْغِرْمَ نٜىٰ، بَبَّنْ سَرْكِے نٜىٰ كُمَ بِسَ دُكَنْ أَلُّواْلِ؞

⁴ ڧَرْڧَشِنْ دُونِيَا يَنَ أَ حَنُّنْسَ، سَمَنْ تُدَّيْ مَاسُ ڟَوُاْ نَاسَ نٜىٰ؞

⁵ تٜىٰكُ نَاسَ نٜىٰ غَمَا شِينٜىٰ يَيِتَ، دَ بُوسَشِّيَرْ ڧَسَا، وَدَّ يَصِڢَّتَادَ حَنُّوَنْسَ؞

⁶ ذُواْ، مُرُسُنَ مُيِ مَسَ سُجَّدَ، بَرِ مُدُرْڧُسَ أَغَبَنْ يَهْوٜىٰهْ مَحَلِثِّنْمُ!‏

⁷ غَمَا شِينٜىٰ اللَّهْ نْمُ، مُو كُوَ مُتَنٜىٰنْ دَيَكٜىٰ كِيوُانْسُ، تُمَكِنْ دَيَكٜىٰ لُورَ دَسُو دَهَنُّنْسَ؞ أَيَّ دَمَا يَوْ ذَاكُجِ مُرْيَرْسَ!‏

⁸ كَدَ كُيِ تَوْرِنْ ذُوثِيَا، كَمَرْ كَاكَنِّنْكُ أَ مٜىٰرِبَ، كُمَ كَمَرْ يَدَّ سُكَيِ رَانَرْ نَنْ أَ مَسَّ ثِكِنْ دَاجِ،

⁹ سَعَدَّ كَاكَنِّنْكُ سُكَ ڠُودَ نِے، سُكَ ڠُودَ أَمِنْثِنَ، كُواْدَيَكٜىٰ سُنْ‌غَ أَيُّكَنَ؞

¹⁰ شٜىٰكَرُ أَرْبَعِنْ ثِڢْ إِنَ غَاجِيَ دَ ڟَارَرْ نَنْ، حَرْ نَثٜىٰ ‏«‏مُتَنٜىٰنَّنْ ظُكَاتَنْسُ مَرَسَ أَمِنْثِنٜىٰ، سُو بَسُ سَنْ هَنْيُواْيِنَبَ؞»‏

¹¹ سَبُواْدَ حَكَ نَيِ ضَنْڟُوَا عَثِكِنْ ڢُشِنَ نَثٜىٰ، ‏«‏بَذَاسُ تَٻَ شِغَ هُوتُنَبَ!‏»‏