زَبُورَا 94 - أَتَّوْرَتْ دَ أَنَّبَاوَا

كُوكَا غَ اللَّهْ مَيْ شَرِيعَرْ غَسْكِيَ

¹ يَا يَهْوٜىٰهْ، كَيْ اللَّهْ مَيْ رَامُوَا نٜىٰ، اللَّهْ مَيْ رَامُوَا، سَيْ كَبَيَّنَ!‏

² تَاشِ، يَا مَيْ شَرِيعَرْ دُونِيَا، سَاكَ وَمَاسُ طَغَ كَيْ أَبِنْدَ يَدَاثٜىٰ دَسُو!‏

³ يَا يَهْوٜىٰهْ، حَرْ يَوْشٜىٰ مُوغَيٜىٰ ذَاسُيِ تَتَاڧَمَ؟ حَرْ يَوْشٜىٰ مُوغَيٜىٰ ذَاسُيِ دَارِيَارْسُ تَنَصَرَا؟

⁴ حَرْ يَوْشٜىٰ ذَاسُيِ تَظُبَ مَغَنْ‌غَنُنْ غِرْمَنْ كَيْ، سُنَ بُغَ ڧِرْجِ غَمٜىٰدَ يِنْ مُغُنْتَا؟

⁵ يَا يَهْوٜىٰهْ، سُنَ نِڧَ مُتَنٜىٰنْكَ، سُنَ كُمَ دَنّٜىٰ جَمَعَرْ غَادُوانْكَ؞

⁶ سُنَ كَشٜىٰ بَاڧِ دَ مَاتَانْدَ مَذَنْسُ سُكَ مُتُ، سُنَ كُمَ كِسَنْ مَرَايُ؞

⁷ سُنَ ثٜىٰوَ ‏«‏أَيْ، يَهْوٜىٰهْ بَايَ غَنِنْمُ، اللَّهْ نَ يَعْڧُوبَ بَيْ كُلَبَ؞»‏

⁸ كُكُلَ ڢَا، كُو مَڢِے رَشِنْ تُنَانِ ثِكِنْ مُتَنٜىٰ، وَوَيٜىٰ، يَوْشٜىٰ ذَاكُيِ وَيُواْ؟

⁹ شِے دَ يَيِ كُنّٜىٰ، بَايَجِ نٜىٰ؟ شِ دَ يَيِ عِدُواْ، بَايَ غَنِ نٜىٰ؟

¹⁰ شِ دَ يَكٜىٰيِ وَڧَسَاشٜىٰ حُواْرُواْ، بَذَيْ حُكُنْتَبَ؟ شِے دَيَكٜىٰ كُواْيَوَ مُتُمْ، بَاشِدَ سَنِ نٜىٰ؟

¹¹ يَهْوٜىٰهْ يَا سَنْ تُنَانِنْ مُتُمْ، يَسَنْ ثٜىٰوَ تُنَانِنْ مُتُمْ بَنْظَنٜىٰ؞

¹² يَا يَهْوٜىٰهْ، مَيْ أَلْبَرْكَ نٜىٰ مُتُمِنْدَ كَيِ مَسَ حُواْرُواْ، مُتُمِنْدَ كَكُواْيَ مَسَ دَغَ كُواْيَرْوَرْكَ،

¹³ دُوانْ كَبَاشِ ݣُونْثِيَرْ رَيْ أَ مُوغَيٜىٰنْ ݣُونَكِے، حَرْ سَيْ أَنْهَڧَوَ مُوغَيٜىٰ كَبَرِ؞

¹⁴ غَمَا يَهْوٜىٰهْ بَذَيْ يَاشٜىٰ جَمَعَرْسَبَ، بَذَيْ ڨَلٜىٰ غَادُوانْسَبَ؞

¹⁵ غَمَا يِنْ شَرِيعَ ذَيْسَاكٜىٰ كَڢُوَ عَكَنْ أَدَلْثِے، مَاسُ غَسْكِيَ أَ ظُوثِ ذَاسُ غُواْيِ بَايَنْسَ؞

¹⁶ وَظَيْ مِيڧٜىٰ ڟَيٜىٰ يَكَارٜىٰنِ دَغَ مُوغَيٜىٰ؟ وَ ذَيْ ڟَيَ مِنِ يَڢُسْكَنْثِ مَاسُ عَيْكَتَ مُغُنْتَا؟

¹⁷ دَبَدُوانْ يَهْوٜىٰهْ يَا تَيْمَكٜىٰنِبَ، أَيْ دَ سَوْرَ كَطَنْ رَيْنَ يَكُواْمَ شِضُ وُرِنْ مَتَتُّو؞

¹⁸ يَا يَهْوٜىٰهْ، سَعَدَّ نَيِ ڟَمَّنِ ڧَڢَتَ تَنَ سَنْڟِ، ڧَوْنَرْكَ مَرَرْ ثَنْجَاوَا تَرِڧٜىٰنِ،

¹⁹ سَعَدَّ دَامُوُاْيِ سُكَنْيِ مِنِ يَوَ، تَعَظِيَّرْكَ تَكَنْ ڧَرْڢَڢَ رَيْنَ؞

²⁰ ذَيْ يِوُ كَهَطَكَيْ دَ مُلْكٍ مُوغَيٜىٰ كُوَ؟ كُواْ دَ مُلْكِ مَاسُ كَڢَ دُواْكُواْكِنْ ڧٜىٰتَ؟

²¹ سُكَنْ حَطَ بَاكِ غَابَادَ مَاسُ أَدَلْثِے، سُكَنْ يَنْكٜىٰوَ مَرَرْ لَيْڢِے حُكُنْثِنْ مُتُوَ؞

²² عَمَّا يَهْوٜىٰهْ شِينٜىٰ وُرِنْ ٻُيَنَ، اللَّهْ نَا كُوَ شِينٜىٰ دُوڟٜىٰنْ ٻُيَنَ؞

²³ ذَيْ جُويَا ذُنُبَنْسُ عَكَنْسُ، يَهَلَكَاسُ سَبُواْدَ مُغُنْتَارْسُ، يَهْوٜىٰهْ اللَّهْ نْمُ ذَيْ هَلَكَاسُ كَكَڢْ؞