زَبُورَا 93 - أَتَّوْرَتْ دَ أَنَّبَاوَا

وَاڧَرْ دَرَجَرْ مُلْكٍ اللَّهْ

¹ يَهْوٜىٰهْ سَرْكِے نٜىٰ!‏ سَنْيٜىٰ يَكٜىٰدَ دَرَجَ!‏ عِ، يَهْوٜىٰهْ سَنْيٜىٰ يَكٜىٰدَ ڧَرْڢِے؞ حَڧِيڧَ، يَكَڢَ دُونِيَا دَرَمْ، بَذَاتَ جِجِّغُبَ؞

² يَا يَهْوٜىٰهْ، كُجٜىٰرَرْ مُلْكِنْكَ يَكَڢُ تُنْدَا، تُنْ كَاڢِنْ ڢَارَوَرْ كُواْمٜىٰ كَنَنَنْ؞

³ يَا يَهْوٜىٰهْ، رَاڧُمَنْ ضُوَ سُنَ تَاسُواْوَ، رَاڧُمَنْ ضُوَ سُنَ تَادَ مُرْيَ، رَاڧُمَنْ ضُوَ سُنَ تَادَ مُرْيَرْسُ مَيْ ڟَاوَ؞

⁴ ڢِيٜىٰ دَ دَرَجَرْ رُورِنْ مَنْيَنْ ضُوَيٜىٰ، ڢِيٜىٰدَ دَرَجَرْ رَاڧُمَنْ ضُوً تٜىٰكُ، مَيْ دَرَجَ نٜىٰ يَهْوٜىٰهْ أَ سَمَ!‏

⁵ ڧَٰعِدُواْدِنْكَ تَبَّتَاتُّ نٜىٰ، ڟَرْكِے يَدَاثٜىٰ دَ غِدَنْكَ، يَا يَهْوٜىٰهْ، حَرْ إِيَاكَرْ ݣُونَكِے؞