زَبُورَا 92 - أَتَّوْرَتْ دَ أَنَّبَاوَا

وَاڧَرْ غُواْدِيَ

﴿ظَبُرَثٜىٰ؞ وَاڧَ دُواْمِنْ رَانَرْ هُوتُ تَمَكُواْ؞﴾

¹ يَا يَهْوٜىٰهْ، يَنَدَ ݣَوْ عَيِمَكَ غُواْدِيَ، يَا مَڢِے طَوْكَكَ، أَ رٜىٰرَ يَبُواْ غَ سُونَنْكَ،

² عَيِ شٜىٰلَرْ ڧَوْنَرْكَ مَرَرْ ثَنْجَاوَا كُواْوَثٜىٰ سَاڢِيَ، أَمِنْثِنْكَ كُوَ كُواْوَنٜىٰ دَرٜىٰ،

³ دَ كَطٜىٰ كَطٜىٰنْ غَرَايَ دَ مُواْلُواْ، دَ مُرْيَرْ غَرَايَ مَيْ دَاطِے؞

⁴ غَمَا يَا يَهْوٜىٰهْ، كَا ڢَرَنْتَ مِنِ رَيْ دَ عَيْكِنْكَ، نَا يِوَاڧَرْ ڢَضٍ ثِكِ دُوانْ أَيُّكَنْ حَنُّوَنْكَ؞

⁵ يَا يَهْوٜىٰهْ، إِنَا مِصَالِنْ غِرْمَنْ أَيُّكَنْكَ؟ تُنَانِنْكَ دَ ظُرْڢِ سُكٜىٰ ڨُورَيْ!‏

⁶ مَرَرْ تُنَانِ بَذَيْ عِيَ سَنِ بَ، وَاوَا كُمَ بَذَيْ غَانٜىٰ وَنَّنْبَ،

⁷ كُواْدَيَكٜىٰ مُوغَيٜىٰ سُنَ يَلْوَتَ كَمَرْ ثِيَوَ، مَاسُ يِنْ مُغُنْتَا كُمَ سُنَ أَرْزِڧِ، دُكْدَهَكَ ذَاعَ هَلَكَاسُ ڧُرْمُسْ؞

⁸ عَمَّا كَيْ، يَا يَهْوٜىٰهْ، مَطَوْكَكِ نٜىٰ حَرْ أَبَدَا؞

⁹ حَڧِيڧَ، يَا يَهْوٜىٰهْ، غَاشِ، أَبُواْكَنْ غَابَنْكَ، غَاشِ، أَبُواْكَنْ غَابَنْكَ ذَاسُ هَلَّكَ، ذَاعَ وَاڟَرْدَ دُكَنْ مَاسُ عَيْكَتَ مُغُنْتَا؞

¹⁰ عَمَّا كَبَانِ ڧَرْڢِے كَمَرْ نَٻَوْنَ، كَظُبَ مِنِ سَابُوانْ مَيْ نَڧَرْڢِے؞

¹¹ عِدَنُونَ سُنْ حَنْ‌غِ ڢَاطُوَرْ مَاسُ ڧِينَ، دَ مُوغَيٜىٰ سُكَ تَاسُواْ مِنِ، كُنّٜىٰنَ سُنْ جِڧَارَرْ رُشٜىٰوَرْسُ؞

¹² مَاسُ أَدَلْثِے سُنَ يَلْوَتَ كَمَرْ إِتَاثٜىٰنْ دَبِينُواْ سُنَ غِرْمَ كَمَرْ إِتَاثٜىٰنْ سٜىٰدَ نَ لٜىٰبَنُوانْ؞

¹³ أَ شُوكٜىٰ سُكٜىٰ أَ غِدَنْ يَهْوٜىٰهْ، سُنَ يَلْوَتَ أَ ڢِيلَيٜىٰ ثِكِنْ غِدَنْ اللَّهْ نْمُ؞

¹⁴ عَڟُوڢَرْسُ ذَاسُيِ تَبَادَ یَیَ، كُلُّمْ طَنْيٜىٰ سُكٜىٰ، ثِكٜىٰ دَ ضُوَ،

¹⁵ سُنَ تَبَّتَرْ ثٜىٰوَ يَهْوٜىٰهْ مَيْ غَسْكِيَ نٜىٰ، دُوڟٜىٰنْ ٻُيَنَ نٜىٰ شِے، بَابُ مُغُنْتَا عَثِكِنْسَ؞