زَبُورَا 90 - أَتَّوْرَتْ دَ أَنَّبَاوَا

لِتَّڢِ نَهُطُ ﴿زَبُورَا 90‏—106﴾ اللَّهْ مَرَرْ ڧَارٜىٰوَ عَمَّا مُتُمْ مَيْ ڧَارٜىٰوَ

﴿زَبُورَا تَ مُوسَٰى مُتُمِنْ اللَّهْ ؞﴾

¹ يَا عُبَنْ‌غِجِ، وُرِنْ ذَمَنْمُ نٜىٰ كَيْ تُنْدَغَ ڟَارَا ذُوَا ڟَارَا؞

² تُنْ كَاڢِنْ حَيْڢُوَرْ مَنْيَنْ تُدَّيْ، تُنْ كَاڢِنْ ڢِتُواْوَرْ ڧَسَا دَ دُونِيَا، كَيْ اللَّهْ نٜىٰ حَرْ أَبَدَا، مَرَرْ ڢَرْكُواْ مَرَرْ ڧَرْشٜىٰ؞

³ كَكَنْ كُواْمَرْدَ مُتَنٜىٰ ذُوَا ڧُورَا، كَنَ ثٜىٰوَ ‏«‏كُكُواْمَ، یَنْ أَدَمْ؞»‏

⁴ غَمَا أَعِدَنُونْكَ شٜىٰكَرَا دُبُو كَمَرْ جِيَ نٜىٰ دَ تَوُثٜىٰ، كَمَرْ طَنْ لُواْكَثِ نَدَرٜىٰ؞

⁵ كَكَنْ سَا سُٻَثٜىٰ كَمَرْ مَڢَرْكِ، كَمَرْ ثِيَوَرْ دَ عَكَ سَابُنْتَا ڧَرْڢِنْتَ دَ سَڢٜىٰ؞

⁶ دَ سَڢٜىٰ تَكَنْ سَابُنْتَا ڧَرْڢِے حَرْ تَيِ ڢُلَوَ، دَ يَمَّ كُوَ سَيْ تَشَنْيٜىٰ تَبُوشٜىٰ؞

⁷ تَامُ تَا ڧَارٜىٰ سَبُواْدَ ڢُشِنْكَ، مُنْ ڢِرْغِتَ دُواْمِنْ ذَاڢِنْ هَوْشِنْكَ؞

⁸ كَتُواْنَ ذُنُبَنْمُ أَغَبَنْكَ، ذُنُبَنْمُ نَٻُواْيٜىٰ أَغَبَنْ ڢُسْكَرْكَ؞

⁹ مُنْيِ دُكَنْ ݣُونَكِنْمُ عَڧَرْڧَشِنْ ڢُشِنْكَ، شٜىٰكَرُنْمُ سُكَنْ ڧَارٜىٰ كَمَرْ جَنْ نُمْڢَشِ؞

¹⁰ ڟَوُانْ ݣُونَكِنْمُ عَدُونِيَا دَيْ سَبَعِنْ نٜىٰ، كُواْ تَمَٰنِنْ، إِنْ مُنْ سَامِ ڧَرْڢِے؞ دُكْدَهَكَ، ڟَوُانْسُ ڢَامَ نٜىٰ تَرٜىٰدَ وَهَلَ، سُكَنْ وُثٜىٰ دَ سَوْرِ، تَامُ كُوَ تَا ڧَارٜىٰ؞

¹¹ وَيَسَنْ إِيَاكَرْ إِيكُوانْ ڢُشِنْكَ؟ إِيَاكَرْ ڢُشِنْكَ دَيْدَيْنٜىٰ دَ ڟُواْرُوانْدَ يَثَنْثَنْثِ عَيِ مَكَ؞

¹² كَتُنَشٜىٰمُ ثٜىٰوَ ݣُونَكِنْمُ مَاسُ سَوْرِنْ وُثٜىٰوَ نٜىٰ، دُواْمِنْ ذُوثِيَارْمُ تَسَامِ حِكِمَ؞

¹³ جُويُواْ، يَا يَهْوٜىٰهْ!‏ حَرْ يَوْشٜىٰ ذَامُيِ تَجِرَا؟ كَجِ تَوْسَيِنْمُ، مُو بَايِنْكَ!‏

¹⁴ دَغَ سَڢٜىٰ ڧُواْسَرْ دَمُو دَ ڧَوْنَرْكَ مَرَرْ ثَنْجَاوَا، دُواْمِنْ مُيِ ڢَضٍ ثِكِ مُيِ مُرْنَ دُكَنْ ݣُونَكِنْمُ؞

¹⁵ ڢَرَنْتَ مَنَ ذُوثِيَا كَمَرْ يَوَنْ ݣُونَكِنْ دَ مُكَ شَا عَذَابَ، كَمَرْ يَوَنْ شٜىٰكَرُنْ دَ مُكَغَ وَهَلَ؞

¹⁶ سَاكٜىٰسَا مُو بَايِنْكَ مُغَ أَيُّكَنْكَ، یَیَنْمُ كُمَ سُغَ دَرَجَرْكَ؞

¹⁷ بَرِ أَلْحٜىٰرِنْ عُبَنْ‌غِجِ اللَّهْ نْمُ يَكَسَنْثٜىٰ تَرٜىٰدَمُو، يَسَاوَ عَيْكِنْ حَنُّوَنْمُ أَلْبَرْكَ، عِ، يَسَاوَ عَيْكِنْ حَنُّوَنْمُ أَلْبَرْكَ؞