زَبُورَا 9 - أَتَّوْرَتْ دَ أَنَّبَاوَا

غُواْدِيَ غَ اللَّهْ سَبُواْدَ شَرِيعَرْسَ تَغَسْكِيَ

﴿عُمَرْنِ غَ شُوغَبَنْ مَوَاڧَ:‏ عَيِتَ بِسَغَ مُرْيَرْ ‏«‏مُتْ لَبّٜىٰنْ»‏؞ زَبُورَا تَ دَاوُدَ؞﴾

¹ يَا يَهْوٜىٰهْ، ذَنْ غُواْدٜىٰ مَكَ دَ دُكَنْ ذُوثِيَاتَ، ذَنْ سَنَرْدَ دُكَنْ أَبِنْدَ كَيِ، دُكَنْ أَيُّكَنْكَ نَبَنْ مَامَاكِ؞

² يَا مَڢِے طَوْكَكَ، ذَنْيِ مُرْنَ دَ ڢَضٍ ثِكِ سَبُواْدَكَيْ، ذَنْ رٜىٰرَ يَبُواْ غَ سُونَنْكَ؞

³ دَ غَنِنْكَ أَبُواْكَنْ غَابَنَ سُنْ جَا دَ بَايَ، سُكَ ڢِرْغِتَ سُكَ ڢَاطِ سُكَ مُتُ؞

⁴ غَمَا شَرِيعَرْدَ كَيَنْكٜىٰ مِنِ تَا تَبَّتَرْ دَ غَسْكِيَتَ، دَغَ كُجٜىٰرَرْ مُلْكِنْكَ، كَيِ حُكُنْثِنْ أَدَلْثِے؞

⁵ كَيْ كَا ڟَاوَتَا وَ أَلْعُمَّيْ، كَيْ كَا هَلَّكَ مُوغَيٜىٰ؞ كَيْ كَا شَارٜىٰ سُونَيٜىٰنْسُ تَسْ!‏

⁶ أَنْ هَلَّكَ أَبُواْكَنْ غَابَا حَرْ أَبَدَا كَا تُمْٻُكٜىٰ بِرَنٜىٰنْسُ؞ كُواْ تُنَاوَا دَ سُونَيٜىٰنْسُ، بَعَيِ؞

⁷ عَمَّا يَهْوٜىٰهْ سَرْكِے نٜىٰ حَرْ أَبَدَا، يَكَڢَ كُجٜىٰرَرْ مُلْكِنْسَ دُواْمِنْ شَرِيعَ؞

⁸ شِينٜىٰ مَيْيِنْ شَرِيعَرْ دُونِيَا دَ أَدَلْثِے، يَنَ يَنْكَ وَ ڧَبِيلُ شَرِيعَ دَيْدَيْ؞

⁹ يَهْوٜىٰهْ شِينٜىٰ وُرِنْ ٻُيَ، وُرِنْ ٻُيَنْ وَطَنْدَ عَكَ دَنّٜىٰ، وُرِنْ ٻُيَ نٜىٰ شِ أَ لُواْكَثِنْ وَهَلَ؞

¹⁰ وَطَنْدَ سُكَ سَنْ سُونَنْكَ سُنَ دُواْغَضَ غَرٜىٰكَ، غَمَا بَكَ ڨَلٜىٰ مَاسُ نٜىٰمَنْ سَنِنْكَ، يَا يَهْوٜىٰهْ؞

¹¹ كُرٜىٰرَ يَبُواْ غَ يَهْوٜىٰهْ، مَيْ مُلْكِ أَ سِهِيُواْنَ!‏ كُيِ شٜىٰلَرْ أَيُّكَنْسَ غَ كُواْوَثٜىٰ ڧَبِيلَ!‏

¹² غَمَا شِے وَنْدَ يَكٜىٰ سَاكَ وَمَاسُ كِسَنْ كَيْ، ذَيْ تُنَ دَ مَاسُ شَنْ وَهَلَ، بَايَ ڨَلٜىٰ كُوكَنْ وَطَنْدَ عَكَ دَنّٜىٰ؞

¹³ يَا يَهْوٜىٰهْ، يِمِنِ جِنْڧَيْ!‏ دُوبِے وُلَڧَنْثِ وَنْدَ مَاسُ ڧِينَ سُكٜىٰيِ مِنِ، يَا كَيْ مَيْ ثٜىٰتُواْنَ دَغَ بَاكِنْ مُتُوَ،

¹⁴ دُواْمِنْ إِنْ عِيَ شٜىٰلَرْ يَبُوانْكَ أَغَبَنْ مُتَنٜىٰنْ ذُوثِيَارْكَ سِهِيُواْنَ، إِنْ كُوَيِ ڢَضٍ ثِكِ سَبُواْدَ ثٜىٰتُوانْكَ؞

¹⁵ أَلْعُمَّيْ سُنْحَڧَ رَامِ، سُكَ كُوَ ڢَاطِ عَثِكِ؞ سُنْتَاكَ تَرْكُوانْسُ، يَكُوَ كَامَ ڧَڢَاڢُنْسُ؞

¹⁶ يَهْوٜىٰهْ يَا سَا أَنْسَنْشِ تَوُرِنْ شَرِيعَرْسَ تَغَسْكِيَ؞ دَ أَيُّكَنْ حَنُّوَنْسُ، مُوغَيٜىٰ سُنْكَامَ كَنْسُ؞

¹⁷ مُوغَيٜىٰ ذَاسُ غَنْ‌غَرَ وُرِنْ ذَمَنْ مَتَتُّو، حَكَمَا أَلْعُمَّيْ وَطَنْدَ سُكَ مَنْتَادَ اللَّهْ؞

¹⁸ غَمَا بَكُلُّمْ ذَاعَ مَنْتَادَ مَاسُ بُڧَاتَ بَ، بَذَاعَ دَنّٜىٰ سَا ذُوثِيَارْ مَتَلَوْتَبَ حَرْ أَبَدَا؞

¹⁹ تَاشِ، يَا يَهْوٜىٰهْ!‏ كَدَ یَنْ أَدَمْ سُيِ نَصَرَا عَكَنْكَ، بَرِ أَ حُكُنْتَ أَلْعُمَّيْ أَغَبَنْكَ؞

²⁰ يَا يَهْوٜىٰهْ، كَسَا سُيِ ضَوَرْ جِكِے دُوانْ ڟُواْرُواْ؞ كَسَا أَلْعُمَّيْ سُسَنْ ثٜىٰوَ سُو مُتَنٜىٰنٜىٰ كَوَيْ؞