زَبُورَا 89 - أَتَّوْرَتْ دَ أَنَّبَاوَاوَاڧَرْ يَرْجٜىٰجٜىٰنِيَرْ اللَّهْ غَ سَرْكِے ﴿ «مَسْكِلْ» نَ عٜىٰتَنْ دَغَ دَنْغِنْ عُزَيْرُ؞﴾ 1 يَا يَهْوٜىٰهْ، حَرْ أَبَدَا ذَنْ رٜىٰرَ وَاڧَرْ ڧَوْنَرْكَ مَرَرْ ثَنْجَاوَا، دَ بَاكِنَ ذَنْيِ شٜىٰلَرْ أَمِنْثِنْكَ دَغَ ڟَارَا ذُوَا ڟَارَا؞ 2 ذَنْيِ شٜىٰلَ ثٜىٰوَ ڧَوْنَرْكَ مَرَرْ ثَنْجَاوَا تَكَڢُ حَرْ أَبَدَا، أَمِنْثِنْكَ كُمَ يأَنَانً دَرَمْ كَمَرْ سَرَرِنْ سَمَ؞ 3 كَيْ كَثٜىٰ، «نَايِ يَرْجٜىٰجٜىٰنِيَ دَ وَنْدَ نَذَاٻَا، نَا ضَنْڟٜىٰ غَ بَاوَنَ دَاوُدَ ثٜىٰوَ 4 ‹ذَنْكَڢَ ذُرِيَرْكَ حَرْ أَبَدَا، ذَنْ كُمَ كِيَايٜىٰ مُلْكِنْكَ دَغَ ڟَارَا ذُوَا ڟَارَا؞› » 5 يَا يَهْوٜىٰهْ، سَمَّيْ سُنَ يَبُوانْ أَيُّكَنْكَ مَاسُ بَنْ مَامَاكِ، يَبُوانْ أَمِنْثِنْكَ كُمَ عَثِكِنْ تَارُوانْ حَلِتُّو مَاسُ ڟَرْكِے؞ 6 دَ وَنٜىٰنٜىٰ أَسَرَرِنْ سَمَ ذَاعَ ݣُوتَنْتَادَ يَهْوٜىٰهْ؟ وَنٜىٰنٜىٰ عَثِكِنْ حَلِتُّو أَ سَمَ كَمَرْ يَهْوٜىٰهْ؟ 7 اللَّهْ بَبَّنْ أَبِنْ ڟُواْرُواْ نٜىٰ عَثِكِنْ ڧُنْغِيَرْ حَلِتُّو مَاسُ ڟَرْكِے، أَبِنْ ڟُواْرُواْنٜىٰ ڢِيٜىٰدَ وَطَنْدَ سُكٜىٰ كٜىٰوَيٜىٰ دَشِ؞ 8 يَا يَهْوٜىٰهْ اللَّهْ مَيْ ضُنْدُنَا، وَ يَكٜىٰدَ ڧَرْڢِے كَمَرْكَ؟ أَمِنْثِ شِينٜىٰ عَيْنِحِنْ حَلِنْكَ، يَا يَهْوٜىٰهْ! 9 كَيْ كَكٜىٰ مُلْكٍ تٜىٰكُ مَيْهَوْكَ، سَعَدَّ رَاڧُمَنْ ضُوَ سُكَتَاشِ، كَكَنْ ݣُونْتَرْدَسُو؞ 10 كَا نِڧَ دُواْدُواْنَّنْ رَاهَڢْ كَاكَشٜىٰشِ؞ كَاوَاڟَرْدَ أَبُواْكَنْ غَابَنْكَ دَ ڧَرْڢِنْ حَنُّنْكَ؞ 11 سَمَّيْ نَاكَنٜىٰ، حَكَكُمَ ڧَسَا، دُونِيَا دَ دُكَنْ أَبِنْدَ يَكٜىٰ ثِكِنْتَ، كَيْ كَا كَڢَتَ؞ 12 أَرٜىٰوَ دَ كُدُ، كَيْ كَاحَلِثّٜىٰسُ، بَبَّنْ تُدُنْ تَبُوارْ دَ نَ هَرْمُوانْ سُنَ يَبُوانْ سُونَنْكَ دُوانْ ڢَضٍ ثِكِ؞ 13 حَنُّنْكَ مَيْ إِيكُواْ نٜىٰ، مَيْ ڧَرْڢِے نٜىٰ كُوَ حَنُّنْكَ، حَنُّنْ دَامَنْكَ يَتَاشِ دَ إِيكُواْ؞ 14 أَنْ كَڢَ تُوشٜىٰنْ مُلْكِنْكَ عَكَنْ أَدَلْثِے دَ شَرِيعَرْ غَسْكِيَ، ڧَوْنَ مَرَرْ ثَنْجَاوَا دَ أَمِنْثِ كُوَ سُنْشَا غَبَنْكَ سُڠَرَ مَكَ حَنْيَ؞ 15 مَاسُ أَلْبَرْكَ نٜىٰ وَطَنْدَ سُكَ سَنْ يِمَكَ كِرَرِ، وَطَنْدَ سُكٜىٰ تَڢِيَ كَنَ دُوبَنْسُ دَ ڢُسْكَرْ أَلْحٜىٰرِ، يَا يَهْوٜىٰهْ! 16 عَثِكِنْ سُونَنْكَ سُنْيِ مُرْنَ دُكَنْ يِنِ، تَوُرِنْ أَدَلْثِنْكَ عَكَ طَوْكَكَسُ؞ 17 غَمَا دَرَجَرْسُ دَ ڧَرْڢِنْسُ دَغَ غَرٜىٰكَ سُكٜىٰ، تَوُرِنْ أَلْحٜىٰرِنْكَ ڧَرْڢِنْسُ يَسَامِ طَوْكَكَ؞ 18 حَڧِيڧَ دَغَ يَهْوٜىٰهْ غَرْكُوَرْمُ تَكٜىٰ، دَغَ مَيْ ڟَرْكِے نَ إِسْرَٰٓءِيلَ سَرْكِنْمُ يَكٜىٰ؞ 19 أَ دَا كَيِ مَغَنَ عَثِكِنْ رُعُيَ غَ مَاسُ حَلِ إِرِنَّاكَ، كَثٜىٰ «نَا بَا بَبَّنْ سُواْجَ ڧَرْڢِے، نَا طَوْكَكَ وَنْدَ نَاذَاٻَا دَغَ ثِكِنْ مُتَنٜىٰ؞ 20 نَا سَامِ دَاوُدَ بَاوَنَ، نَكٜىٰٻٜىٰشِ دَ مَنْ ڟَرْكِے؞ 21 هَنُّونَ ذَيْ كَسَنْثٜىٰ دَشِ، حَڧِيڧَ، إِيكُواْنَ ذَيْ ڧَرْڢَڢَشِ؞ 22 بَا أَبُواْكِنْ غَابَنْدَ ذَيْدَنّٜىٰشِ، بَا مُوغُنْدَ ذَيْشَا ڧَرْڢِنْسَ؞ 23 أَ عِدُوانْسَ ذَنْ نِڧَ أَبُواْكَنْ غَابَنْسَ، ذَنْ كُمَ بُغِ مَاسُ ڧِنْسَ؞ 24 أَمِنْثِنَ دَ ڧَوْنَتَ مَرَرْ ثَنْجَاوَا ذَاسُ كَسَنْثٜىٰ دَشِ، تَوُرِنْ سُونَنَ ڧَرْڢِنْسَ ذَيْسَامِ طَوْكَكَ؞ 25 ذَنْسَا حَنُّنْ مُلْكِنْسَ يَمِيڧٜىٰ دَغَ تٜىٰكُنْ مٜىٰدِتٜىٰرٜىٰنِيَ عَيَمَّ حَرْ ذُوَا كُواْغُنَنْ تَيْغِرِسْ دَ يُڢِرٜىٰتِسْ أَغَبَسْ؞ 26 ذَيْ كِرَا نِے يَثٜىٰ، ‹بَابَنَ نٜىٰ كَيْ، اللَّهْ نَا، كُمَ دُوڟٜىٰنْ ثٜىٰتُواْنَ!› 27 حَڧِيڧَ ذَنْ مَيْدَشِ طَنْ ڢَارِنَ، مَڢِے طَوْكَكَ ثِكِنْ سَرَاكُنَنْ دُونِيَا؞ 28 ڧَوْنَتَ مَرَرْ ثَنْجَاوَا ذُوَا غَرٜىٰشِ ذَاتَ دَوَّمَ، يَرْجٜىٰجٜىٰنِيَتَ دَشِ ذَاتَ كَسَنْثٜىٰ حَرْ أَبَدَا؞ 29 ذَنْ كَڢَ مُلْكٍ ذُرِيَرْسَ حَرْ أَبَدَا، كُجٜىٰرَرْ مُلْكِنْسَ كُوَ حَرْ إِيَاكَرْ ݣُونَكِنْ سَمَّيْ؞ 30 «عِدَنْ یَیَنْسَ سُنْڧِے بِنْ كُواْيَرْوَاتَا، بَسُ كُوَيِ تَڢِيَ بِسَغَ عُمَرْنَيْنَبَ، 31 عِدَنْ سُنْكَرْيَ ڧَٰعِدُواْدِنَ، بَسُ كُمَ كِيَايٜىٰ عُمَرْنَيْنَبَ، 32 ذَنْ حُكُنْتَسُ سَبُواْدَ ذُنُبَنْ غَنْغَنْثِنْسُ، ذَنْ بُلَلٜىٰسُ سَبُواْدَ لَيْڢِنْسُ؞ 33 عَمَّا بَذَنْ جَنْيٜىٰ ڧَوْنَتَ مَرَرْ ثَنْجَاوَا عَكَنْسَبَ، بَذَنْ كَاسَ نُونَ مَسَ أَمِنْثِنَبَ؞ 34 بَذَنْ كَرْيَ يَرْجٜىٰجٜىٰنِيَتَبَ، كُواْ إِنْثَنْجَ مَغَنَرْ بَاكِنَبَ؞ 35 سَوْ طَيَ بَا ڧَارِ نَا ضَنْڟٜىٰ بِسَ ڟَرْكِنَ، بَذَنْيِ وَ دَاوُدَ ڧَضْيَابَ؞ 36 ذُرِيَرْسَ ذَاتَ كَسَنْثٜىٰ حَرْ أَبَدَا، كُجٜىٰرَرْ مُلْكِنْسَ ذَاتَ دَوَّمَ كَمَرْ رَانَ أَغَبَنَ؞ 37 ذَيْكَڢُ حَرْ أَبَدَا كَمَرْ وَتَ، شَيْدَرْ نَنْ مَيْ أَمِنْثِ أَسَرَرِنْ سَمَ؞» كُوكَا سَبُواْدَ أَنْثِ نَصَرَا عَكَنْ سَرْكِے 38 عَمَّا يَنْذُ كَيْ كَايِ ڢُشِے دَ وَنْدَ كَكٜىٰٻٜىٰ، كَاڧِيشِ كُمَ كَيَاشٜىٰشِ؞ 39 كَاكَرْيَ يَرْجٜىٰجٜىٰنِيَرْكَ دَ بَاوَنْكَ، كَا جٜىٰڢَرْ دَ هُولَرْ مُلْكِنْدَ كَكٜىٰٻٜىٰ ڧَسَا؞ 40 كَا رُرُّشٜىٰ بَنْغُوانْ بِرْنِنْسَ، كَا مَيْدَ وُرِنْ ٻُيَنْسَ كُڢَيْ؞ 41 دُكَنْ مَيْ وُثٜىٰوَ يَنَ سَاتَا مَسَ كَايَنْسَ، يَذَمَ أَبِنْ دَارِيَا غَ مَڨُوبْتَنْسَ؞ 42 كَا بَا حَنُّنْ دَامَنْ مَاسُڧِنْسَ إِيكُواْ، كَا سَا دُكَنْ أَبُواْكَنْ غَابَنْسَ سُنَ ڢَضٍ ثِكِ؞ 43 عِ، كَامَيْدَ بَاكِنْ تَكُواْبِنْسَ يَذَمَ بَنْظَ، بَكَغُواْيِ بَايَنْسَ عَيَاڧِبَ؞ 44 كَا طَوْكِ سَنْدَنْ مُلْكِنْسَ، كُجٜىٰرَرْ مُلْكِنْسَ كَطَوْكَ كَبُغَ عَڧَسَا؞ 45 كَا سَا يَڟُوڢَ كَاڢِنْ ݣُونَكِنْسَ، كَكُمَ رُڢٜىٰشِ دَ كُنْيَا؞ 46 يَا يَهْوٜىٰهْ، حَرْ يَوْشٜىٰ وَنَّنْ ذَيْثِيغَبَ؟ ذَاكَٻُواْيٜىٰ كَنْكَ حَرْ أَبَدَا نٜىٰ؟ ڢُشِنْكَ ذَيْ يِتَثِ كَمَرْ وُتَا؟ 47 تُنَ يَدَّ ݣُونَكِنَ كَطَنْ نٜىٰ؞ دُوانْمٜىٰ كَحَلِثِّ یَنْ أَدَمْ بَا أَمْڢَانِ؟ 48 وَنٜىٰ مَيْرَيْ نٜىٰ بَذَيْ غَا مُتُوَبَ؟ وَ ذَيْثٜىٰثِ رَنْسَ دَغَ حَنُّنْ مُتُوَ؟ 49 يَا عُبَنْغِجِ، إِنَا ڧَوْنَرْكَ مَرَرْ ثَنْجَاوَا تَدَا؟ إِنَا ڧَوْنَرْكَ دَ كَرَنْڟٜىٰوَ دَاوُدَ ثِكِنْ أَمِنْثِنْكَ؟ 50 تُنَ، يَا عُبَنْغِجِ، يَدَّ نِے بَاوَنْكَ نَكٜىٰشَنْ وُلَڧَنْثِ، يَدَّ نَكٜىٰجِمْرٜىٰ دَ ذَاغٜىٰ ذَاغٜىٰ وَنْدَ مُتَنٜىٰ سُكٜىٰيِ مِنِ، 51 يَدَّ أَبُواْكَنْ غَابَنْكَ سُنَ ذَاغٜىٰ ذَاغٜىٰ، يَا يَهْوٜىٰهْ، يَدَّ سُكٜىٰ ذَاغٜىٰ ذَاغٜىٰنْ وَنْدَ كَكٜىٰٻٜىٰ دُكْ عِنْدَ يَتَڢِے؞ 52 أَلْبَرْكَ تَا تَبَّتَا غَ يَهْوٜىٰهْ حَرْ أَبَدَا! أَمِينْ! أَمِينْ! |
Hausa Common Language Ajami Bible © The Bible Society of Nigeria, 2020
Bible Society of Nigeria