زَبُورَا 88 - أَتَّوْرَتْ دَ أَنَّبَاوَا

كُوكَنْ نٜىٰمَنْ تَيْمَكُواْ أَ لُواْكَثِنْ ڟَنَنِنْ بَڧِنْ ثِكِ

﴿عُمَرْنِ غَ شُوغَبَنْ مَوَاڧَ:‏ عَيِتَ بِسَغَ ‏«‏مُرْيَرْ وَهَلَ؞»‏ زَبُورَا تَیَیَ مَذَنْ ڧَارُونَ؞ ‏«‏مَسْكِلْ»‏ نَ هٜىٰمَنْ دَغَ دَنْ‌غِنْ عُزَيْرُ؞ وَاڧَثٜىٰ؞﴾

¹ يَا يَهْوٜىٰهْ، اللَّهْ مَيْ ثٜىٰتُواْنَ، دُكْ يِنِ عِدَنْ نَكَٰوُاْ كُوكَنَ، دَ دَرٜىٰ كُمَ إِنْ نَذُواْ غَبَنْكَ،

² بَرِ أَدُّعَتَ تَكَيْ غَبَنْكَ، كَكَسَ كُنّٜىٰ غَ كُوكَنَ!‏

³ غَمَا رَيْنَ يَنَ ثِكٜىٰ دَ دَامُوَ، حَرْ إِنَ غَبْ دَ مُتُوَ؞

⁴ أَنْ لِسَّڢْتَانِ ثِكِنْ مَاسُ غَنْ‌غَرَ ذُوَا رَامِنْ مَتَتُّو، نَاذَمَ كَمَرْ مُتُمْ مَرَرْ ڧَرْڢِے؞

⁵ أَنْ وَارٜىٰنِ تَرٜىٰدَ مَتَتُّو، كَمَرْ وَطَنْدَ عَكَ كَشٜىٰ سُنَ ݣُونْثٜىٰ عَكَبَرِ، وَطَنْدَ بَذَاعَ ڧَارَ تُنَ دَسُوبَ، وَطَنْدَ أَنْيَنْكٜىٰسُ دَغَ تَيْمَكُوانْ حَنُّنْكَ؞

⁶ كَا سَانِ ثِكِنْ ظُرْڢَڢَّنْ رَامِنْ مَتَتُّو، ثِكِنْ وُرِے مَڢِے ظُرْڢِ، مَڢِے دُهُ؞

⁷ ڢُشِنْكَ يَنَدَ نَوْيِ عَكَيْنَ، حَرْ يَشَا كَيْنَ كَمَرْ رَاڧُمَنْ ضُوَ؞

⁸ كَا سَا أَبُواْكَيْنَ سُكَ غُجٜىٰنِ، كَا مَيْدَنِ أَبِنْ ڨَمَ أَغَرٜىٰسُ؞ أَنْ رُڢٜىٰنِ، بَايَدَّ ذَنْڢِتَ؞

⁹ عِدَنُونَ بَاسَ كَلُّواْ سُواْسَيْ سَبُواْدَ وَهَلَ؞ يَا يَهْوٜىٰهْ، كُواْوَثٜىٰ رَانَ نَيِ كِرَا غَرٜىٰكَ، نَكَنْ مِيڧَ مَكَ حَنُّوَنَ ثِكِنْ أَدُّعَ؞

¹⁰ كُواْ كَكَنْيِ وَمَتَتُّو أَيُّكَنْ بَنْ مَامَاكِ؟ كُواْ رُوحُواْحِنْ مَتَتُّو سُكَنْ تَاشِ سُيَبٜىٰكَ؟

¹¹ أَنَ ذَنْثٜىٰنْ ڧَوْنَرْكَ عَكَبَرِ نٜىٰ؟ كُواْ كُوَ أَمِنْثِنْكَ أَوُرِنْ هَلَّكَ؟

¹² أَنَ غَنِنْ أَيُّكَنْكَ نَبَنْ مَامَاكِ أَوُرِنَّنْ مَيْ دُهُ؟ كُواْ كُوَ أَيُّكَنْكَ مَاسُ أَدَلْثِے عَڧَسَرْ مَنْتُوَ؟

¹³ يَا يَهْوٜىٰهْ، نِے أَغَرٜىٰكَ نَكٜىٰ كُوكَنْ تَيْمَكُواْ، كُواْوَثٜىٰ سَاڢِيَ أَدُّعَتَ تَنَ ذُوَا غَرٜىٰكَ؞

¹⁴ يَا يَهْوٜىٰهْ، مٜىٰيَسَا كَيَاشٜىٰنِ؟ مٜىٰيَسَا كَٻُواْيٜىٰ مِنِ ڢُسْكَرْكَ؟

¹⁵ نِے مَيْ وَهَلَ نٜىٰ تُنْ إِنَ سَوْرَيِ، حَرْ إِنَ بَاكِنْ مُتُوَ؞ كَسَا رَظَنَ تَنَ مَاڟَ مِنِ دُكْ عِنْدَ نَجُويَ؞

¹⁶ ڢُشِنْكَ يَبِے تَكَيْنَ، تَاسَرْ مِنِ دَ كَكٜىٰ تَيِ تَهَلَّكَنِ؞

¹⁷ تَا كٜىٰوَيٜىٰنِ كَمَرْ غُوغُوَرْ ضُوَ دُكَنْ يِنِ، تَكٜىٰوَيٜىٰنِ غَبَاطَيَ؞

¹⁸ كَا سَا مَاسُ ڧَوْنَتَ دَ أَبُواْكَيْنَ سُكَ غُجٜىٰنِ، دُهُ نٜىٰ كَطَيْ مَڨُوبْثِنَ؞