زَبُورَا 86 - أَتَّوْرَتْ دَ أَنَّبَاوَا

كُوكَنْ نٜىٰمَنْ تَيْمَكُواْ

﴿أَدُّعَرْ دَاوُدَ؞﴾

¹ يَا يَهْوٜىٰهْ، كَسَ كُنّٜىٰ، كَأَمْسَ مِنِ، غَمَا نِے دَيْ مَتَلَوْثِنٜىٰ مَيْ بُڧَاتَ؞

² كِيَايٜىٰ رَيْنَ، غَمَا نِے مَيْ حَلِ إِرِنَّاكَنٜىٰ؞ ثٜىٰثٜىٰنِ، غَمَا نِے بَاوَنْكَنٜىٰ؞ نَا كُمَ دُواْغَضَ غَرٜىٰكَ، كَيْ اللَّهْ نَا نٜىٰ؞

³ يَا عُبَنْ‌غِجِ، يِمِنِ جِنْڧَيْ، غَمَا غَرٜىٰكَ نَكٜىٰ كُوكَا دُكْ يِنِ؞

⁴ يَا عُبَنْ‌غِجِ، ڢَرَنْتَ مِنِ رَيْ، غَمَا نِے بَاوَنْكَنٜىٰ، أَغَرٜىٰكَ نَكٜىٰ سَا رَيْنَ؞

⁵ غَمَا كَيْ، يَا عُبَنْ‌غِجِ، مَيْ أَلْحٜىٰرِ نٜىٰ كُمَ مَيْيِنْ غَاڢَرَ، مَيْ يَوَنْ ڧَوْنَ مَرَرْ ثَنْجَاوَا غَ دُكَنْ مَاسُ كِرَا غَرٜىٰكَ؞

⁶ جِ أَدُّعَتَ، يَا يَهْوٜىٰهْ، سَوْرَرِ كُوكَنَ نَنٜىٰمَنْ تَيْمَكُواْ؞

⁷ ذَنْ كِرَا غَرٜىٰكَ أَ لُواْكَثِنْ وَهَلَاتَ، غَمَا ذَاكَ أَمْسَ مِنِ؞

⁸ يَا عُبَنْ‌غِجِ، عَثِكِنْ أَلُّواْلِ بَابُوَنِ كَمَرْكَ، بَابُوَنِ عَيْكِنْ دَ ذَاعَ ڠُودَ دَ نَاكَ؞

⁹ يَا عُبَنْ‌غِجِ، دُكَنْ أَلْعُمَّنْدَ كَحَلِتَّ ذَاسُذُواْ سُرُسُنَ مَكَ، ذَاسُ طَوْكَكَ سُونَنْكَ؞

¹⁰ غَمَا كَيْ مَيْغِرْمَ نٜىٰ كَكُمَيِ أَيُّكَنْ بَنْ مَامَاكِ، كَيْ كَطَيْ نٜىٰ اللَّهْ؞

¹¹ يَا يَهْوٜىٰهْ، كُواْيَ مِنِ حَنْيَرْكَ، دُواْمِنْ إِنْيِ تَڢِيَ ثِكِنْ أَمِنْثِنْكَ؞ بَا نِے ذُوثِيَا طَيَ، دُواْمِنْ إِنْ غِرْمَمَ سُونَنْكَ؞

¹² يَا عُبَنْ‌غِجِ اللَّهْ نَا، ذَنْ يَبٜىٰكَ دَ دُكَنْ ذُوثِيَاتَ، ذَنْ طَوْكَكَ سُونَنْكَ حَرْ أَبَدَا؞

¹³ غَمَا ڧَوْنَرْكَ مَرَرْ ثَنْجَاوَا ذُوَا غَرٜىٰنِ دَ غِرْمَ تَكٜىٰ؞ كَكُٻُتَرْدَ رَيْنَ دَغَ ظُرْڢِنْ وُرِنْ ذَمَنْ مَتَتُّو؞

¹⁴ يَا اللَّهْ، مَاسُ طَغَ كَيْ سُنْ تَاسَرْ مِنِ، ڧُنْ‌غِيَرْ مَرَسَ تَوْسَيِ تَنَ نٜىٰمَنْ رَيْنَ، عَثِكِنْ رَايُوَرْسُ بَاكَ ثِكِنْ لِسَّڢِنْسُ؞

¹⁵ عَمَّا كَيْ يَا عُبَنْ‌غِجِ، كَيْ اللَّهْ نٜىٰ مَيْ جِنْڧَيْ مَيْ أَلْحٜىٰرِ كُمَ، مَرَرْ سَوْرِنْ ڢُشِے، مَيْ يَوَنْ ڧَوْنَ مَرَرْ ثَنْجَاوَا، مَيْ أَمِنْثِنٜىٰ؞

¹⁶ جُويُواْ غَرٜىٰنِ، كَيِ مِنِ أَلْحٜىٰرِ، كَبَا بَاوَنْكَ ڧَرْڢِے، عِ، كَثٜىٰثِ يَرُوانْ بَيْوَرْكَ؞

¹⁷ نُونَ مِنِ عَلَمَرْ أَلْحٜىٰرِنْكَ، دُواْمِنْ مَاسُ ڧِينَ سُغَنِ سُشَا كُنْيَا، غَمَا كَيْ، يَا يَهْوٜىٰهْ، كَتَيْمَكٜىٰنِ، كَيِ مِنِ تَعَظِيَّ؞