زَبُورَا 85 - أَتَّوْرَتْ دَ أَنَّبَاوَا

كُوكَنْ نٜىٰمَنْ أَلْحٜىٰرِ دُواْمِنْ إِسْرَٰٓءِيلَ

﴿عُمَرْنِ غَ شُوغَبَنْ مَوَاڧَ:‏ زَبُورَا تَ یَیَ مَظَا نَ ڧَارُونَ؞﴾

¹ يَا يَهْوٜىٰهْ، كَيِ وَڧَسَرْكَ أَلْحٜىٰرِ، كَمَيَرْ وَجَمَعَرْ يَعْڧُوبَ دَ أَلْبَرْكُنْتَ؞

² كَغَاڢَرْتَا وَمُتَنٜىٰنْكَ لَيْڢُواْڢِنْسُ، كَكُمَ يَاڢٜىٰ مُسُ ذُنُبَنْسُ؞

³ كَجَنْيٜىٰ دُكَنْ هَوْشِنْكَ، كَكُمَ كَوَرْدَ ذَاڢِنْ ڢُشِنْكَ؞

⁴ يَا اللَّهْ مَيْ ثٜىٰتُوانْمُ، دَاوُاْ دَمُو، كَدَيْنَ جِنْ ڢُشِے دَمُو!‏

⁵ حَرْ أَبَدَا ذَاكَيِ ڢُشِے دَمُو نٜىٰ؟ دَغَ ڟَارَا ذُوَا ڟَارَا ڢُشِنْكَ ذَيْثِيغَبَنٜىٰ؟

⁶ بَذَاكَ كُواْمُواْ كَرَايَرْ دَمُوبَ؟ أَيْ، تَهَكَ مُتَنٜىٰنْكَ ذَاسُيِ ڢَضٍ ثِكِ عَثِكِنْكَ؞

⁷ يَا يَهْوٜىٰهْ، نُونَ مَنَ ڧَوْنَرْكَ مَرَرْ ثَنْجَاوَا، كَكُمَ بَامُ ثٜىٰتُوانْكَ؞

⁸ بَرِ إِنْجِ اللَّهْ يَهْوٜىٰهْ، أَبِنْدَ اللَّهْ ذَيْ ڢَطَا، غَمَا ذَيْ يِ أَلْڧَوَرِنْ سَلَمَ غَ مُتَنٜىٰنْسَ مَاسُ ڧَوْنَرْسَ، عَمَّا كَدَ سُسَاكٜىٰ دَاوُاْوَ كَنْ وَوَنْثِنْسُ؞

⁹ حَڧِيڧَ، أَشِرْيٜىٰ يَكٜىٰ يَثٜىٰثِ مَاسُ ڟُواْرُوانْسَ، دُواْمِنْ طَوْكَكَرْسَ تَكَسَنْثٜىٰ عَڧَسَرْمُ؞

¹⁰ ڧَوْنَ مَرَرْ ثَنْجَاوَا دَ أَمِنْثِ ذَاسُ سَدُ، أَدَلْثِے دَ سَلَمَ ذَاسُ ضُنْ‌غُمٜىٰ جُونَ؞

¹¹ أَمِنْثِ ذَيْ ڟِيرَا دَغَ ڧَسَا، أَدَلْثِے كُمَ يَسَوْكُواْ دَغَ سَمَ؞

¹² عِ، يَهْوٜىٰهْ ذَيْبَادَ أَبِنْدَ يَكٜىٰدَ ݣَوْ، ڧَسَرْمُ كُمَ ذَاتَ بَادَ أَمْڢَانِنْ غُواْنَرْتَ؞

¹³ أَدَلْثِے ذَيْشَا غَبَنْسَ، يَڠَرَ مَسَ حَنْيَ؞