زَبُورَا 84 - أَتَّوْرَتْ دَ أَنَّبَاوَا

وَاڧَرْ هَوْرَاوَا ذُوَا غِدَنْ يَهْوٜىٰهْ

﴿عُمَرْنِ غَ شُوغَبَنْ مَوَاڧَ:‏ عَيِتَ بِسَغَ ‏«‏غِتِّتْ»‏؞ زَبُورَا تَ یَیَ مَظَا نَ ڧَارُونَ؞﴾

¹ إِنَا مِصَالِنْ ݣَنْ وُرِنْ ذَمَنْكَ، يَا يَهْوٜىٰهْ مَيْ ضُنْدُنَا!‏

² رَيْنَ يَنَ مَرْمَرِ، عِ، يَنَ نِيشِ يَكَسَنْثٜىٰ ثِكِنْ غِدَنْكَ، يَا يَهْوٜىٰهْ؞ ذُوثِيَاتَ دَ رَيْنَ سُنَ تَادَ مُرْيَرْ ڢَضٍ ثِكِ غَ اللَّهْ مَيْ رَيْ؞

³ كُواْ ڟُنْڟُ مَا يَسَامِ غِدَا عَثَنْ، تَتَّبَرَ تَسَامِ وَكَنْتَ غِدَا دُوانْ تَأَجِيٜىٰ یَیَنْتَ كُرْكُسَدَ بَغَدٜىٰنْكَ، يَا يَهْوٜىٰهْ مَيْ ضُنْدُنَا، سَرْكِينَ دَ كُمَ اللَّهْ نَا؞

⁴ مَاسُ أَلْبَرْكَ نٜىٰ وَطَنْدَ سُكٜىٰ ذَمَ أَغِدَنْكَ، كُلُّمْ سُنَ رٜىٰرَ يَبُوانْكَ!‏

⁵ مَاسُ أَلْبَرْكَ نٜىٰ مَاسُ سَامُنْ ڧَرْڢِے دَغَ غَرٜىٰكَ، وَطَنْدَ تُنَانِنْ هَوْرَاوَا ذُوَا غِدَنْ يَهْوٜىٰهْ يَنَ أَ ذُوثِيَارْسُ؞

⁶ سَعَدَّ سُكَبِے تَݣُورِ مَرَرْ ضُوَ، سُنْ مَيْدَشِ وُرِنْ مَٻُٻُّغَرْ ضُوَ، كَمَرْ يَدَّ ضُوً ڢَرِ يَكَنْ رُڢٜىٰ وُرِے دَ أَلْبَرْكَ؞

⁷ سَيْ ڧَارَ ڧَرْڢِے سُكٜىٰ تَيِ سَيْ دَ كُواْوَنّٜىٰنْسُ يَبَيَّنَ أَ سِهِيُواْنَ أَغَبَنْ اللَّهْ نَأَلُّواْلِ؞

⁸ يَا يَهْوٜىٰهْ اللَّهْ مَيْ ضُنْدُنَا، جِ أَدُّعَتَ، يَا اللَّهْ نَ يَعْڧُوبَ، بَرِ كَكَسَ كُنّٜىٰ!‏

⁹ يَا اللَّهْ، دُوبِے غَرْكُوَرْمُ سَرْكِے، دُوبِے ڢُسْكَرْ سَرْكِنْدَ كَكٜىٰٻٜىٰ؞

¹⁰ ݣُونَ طَيَ أَ غِدَنْكَ يَڢِ ݣُونَ دُبُو أَوَنِ وُرِے دَبَمْ؞ نَڠُومَّثٜىٰ إِنْ ذَمَ مَيْكُلَ دَ ڧُواْڢَرْ غِدَنْ اللَّهْ نَا دَ إِنْ كَسَنْثٜىٰ أَغِدَاجٜىٰنْ مُوغَيٜىٰ؞

¹¹ غَمَا يَهْوٜىٰهْ اللَّهْ شِينٜىٰ حَصْكٜىٰنْمُ دَ غَرْكُوَرْمُ، يَكَنْ أَلْبَرْكَثٜىٰمُ دَ أَلْحٜىٰرِ دَ دَرَجَ؞ بَابُ أَبُ مَيْݣَوْ وَنْدَ يَهْوٜىٰهْ يَكٜىٰ حَنَ وَ وَطَنْدَ سُكٜىٰ تَڢِيَ دَ غَسْكِيَ أَ ظُوثِ؞

¹² يَا يَهْوٜىٰهْ مَيْ ضُنْدُنَا، مَيْ أَلْبَرْكَنٜىٰ وَنْدَ يَكٜىٰ دُواْغَضَ غَرٜىٰكَ!‏