زَبُورَا 82 - أَتَّوْرَتْ دَ أَنَّبَاوَا

كُوكَا غَ اللَّهْ بَبَّنْ مَيْ شَرِيعَ

﴿زَبُورَا تَ أَسَڢْ؞﴾

¹ اللَّهْ يَطَوْكِ مَڟَيِنْسَ عَبَبَّنْ تَارُوانْسَ، عَثِكِنْ حَلِتُّو أَ سَمَ يَنَ يَنْكٜىٰ شَرِيعَ؞

² ‏«‏حَرْ يَوْشٜىٰ ذَاكُيِ شَرِيعَ ثِكِنْ رَشِنْ غَسْكِيَ، كُغُواْيِ بَايَنْ مُوغَيٜىٰ؟

³ يَا كَمَاتَ كُڟَرٜىٰ مُتُنْثِ نَتَلَكَوَ دَ نَمَرَايُ، كُيِ أَدَلْثِے غَ مَتَلَوْتَ دَ مَرَسَ ڧَرْڢِے؞

⁴ كُثٜىٰثِ مَرَسَ ڧَرْڢِے دَ مَاسُ بُڧَاتَ، كُكُٻُتَرْ دَسُو دَغَ حَنُّنْ مُوغَيٜىٰ؞»‏

⁵ مُوغَيٜىٰ بَاسُ دَ وَنِ سَنِ بَلّٜىٰ غَانٜىٰوَ، سُنَيِنْ تَڢِيَ ثِكِنْ دُهُ، أَنْ‌غِرْغِظَ دُكَنْ تُوشٜىٰنْ غَسْكِيَ عَدُونِيَا؞

⁶ نَثٜىٰ ‏«‏كُو أَلُّواْلِ نٜىٰ، دُكَنْكُ یَیَنْ مَڢِے طَوْكَكَ نٜىٰ؞

⁷ دُكْدَهَكَ ذَاكُ مُتُ كَمَرْ یَنْ أَدَمْ، ذَاكُ ذُواْ غَ ڧَرْشٜىٰ كَمَرْ دُكَنْ یَنْ سَرْكِے؞»‏

⁸ يَا اللَّهْ، تَاشِ، كَشَرْعَنْتَ دُونِيَا، غَمَا دُكَنْ أَلْعُمَّيْ نَاكَنٜىٰ!‏