زَبُورَا 81 - أَتَّوْرَتْ دَ أَنَّبَاوَا

وَاڧَرْ بِكٍ بُكُّواْكِ

﴿عُمَرْنِ غَ شُوغَبَنْ مَوَاڧَ:‏ عَيِتَ بِسَغَ ‏«‏غِتِّتْ»‏؞ زَبُورَا تَ أَسَڢْ؞﴾

¹ كُتَادَ مُرْيَ مَيْ ڧَرْڢِے غَ اللَّهْ وَنْدَ شِينٜىٰ ڧَرْڢِنْمُ، كُيِ كِرَرِنْ ڢَضٍ ثِكِ غَ اللَّهْ نَ يَعْڧُوبَ!‏

² كُتَادَ وَاڧَا، كُكَطَ تَمْبُرَ، كُيِ كِطِ مَيْ دَاطِے دَ غَرَايَ دَ مُواْلُواْ؞

³ كُبُوسَ ڧَهُواْ عَبِكٍ سَابُوانْ وَتَ، كُبُوسَ ڧَهُواْ عَبِكٍ ثِكَرْ ڢَضٍ وَتَ؞

⁴ غَمَا وَنَّنْ ڧَٰعِدَ ثٜىٰ دُواْمِنْ إِسْرَٰٓءِيلَ، عُمَرْنِ نَ اللَّهْ نَ يَعْڧُوبَ؞

⁵ يَكَڢَ شِ شَيْدَ غَ ذُرِيَرْ يُوسُڢَ، سَعَدَّ يَڢِتَ غَابَادَ ڧَسَرْ مَصَرْ؞ نَجِ وَتَ مُرْيَرْ دَ بَنْ سَنْتَبَ تَثٜىٰ،

⁶ ‏«‏نَسَوْكٜىٰ مُكُ كَايَ دَغَ كَڢَطَرْكُ، نَسَوْكٜىٰ مُكُ ݣُونْدُنَنْ عَذَابَ دَغَ حَنُّوَنْكُ؞

⁷ عَثِكِنْ وَهَلَ كُنْيِ كِرَا، نَاكُوَ ثٜىٰثٜىٰكُ، نَأَمْسَ مُكُ دَغَ عِنْدَ نَكٜىٰ عَٻُواْيٜىٰ ثِكِنْ غِرْغِجٜىٰ، نَڠُودَكُ أَ ضُوَيٜىٰنْ مٜىٰرِبَ؞

⁸ كُجِ غَرْغَطِينَ، يَا كُو جَمَعَتَ، دَمَا كُسَوْرَرَتَ، يَا إِسْرَٰٓءِيلَ!‏

⁹ سَمْ، كَدَ وَنِ اللَّهْ دَبَمْ يَكَسَنْثٜىٰ عَثِكِنْكُ، كَدَ كُوَ كُبَوْتَا وَ اللَّهْ نَعَلْعُمَّيْ؞

¹⁰ نِنٜىٰ يَهْوٜىٰهْ اللَّهْ نْكُ، وَنْدَ يَڢِتَرْ دَكُو دَغَ ڧَسَرْ مَصَرْ؞ كُبُوطٜىٰ بَاكِنْكُ، نِے كُوَ ذَنْ ثِيَرْدَكُ؞

¹¹ ‏«‏عَمَّا مُتَنٜىٰنَ سُكَڧِيجِ مُرْيَتَ، إِسْرَٰٓءِيلَ بَسُ مِيڧَ كَنْسُ غَرٜىٰنِبَ؞

¹² سَيْ نَمِيڧَسُ غَ تَوْرِنْ كَنْسُ، سُيِ دُكْ أَبِنْدَ سُنْ غَ دَامَ؞

¹³ كَيْ!‏ دَمَا مُتَنٜىٰنَ سُسَوْرَرَتَ، دَا عَثٜىٰ إِسْرَٰٓءِيلَ تَبِے حَنْيَتَ!‏

¹⁴ دَا نَنْ دَنَنْ ذَنْ كُواْرِ أَبُواْكَنْ غَابَنْسُ، إِنْجُويَا عَكَنْ مَاسُ ڧِنْسُ؞

¹⁵ مَاسُ ڧِنْ يَهْوٜىٰهْ ذَاسُ دُرْڧُسَ أَغَبَنْسَ دُوانْ ڟُواْرُواْ، حُكُنْثِنْسُ ذَيْثِيغَبَ حَرْ أَبَدَا؞

¹⁶ ذَنْ ثِيَرْ دَكُو دَ حَڟِ مَڢِے ݣَوْ، إِنْكُمَ سَا كُڧُواْشِ دَ ظُمَ دَغَ جِكِنْ دُوڟٜىٰ؞»‏