زَبُورَا 80 - أَتَّوْرَتْ دَ أَنَّبَاوَا

كُوكَنْ نٜىٰمَنْ سَابُنْتَاوَرْ إِسْرَٰٓءِيلَ

﴿عُمَرْنِ غَ شُوغَبَنْ مَوَاڧَ:‏ عَيِتَ بِسَغَ مُرْيَرْ ‏«‏ڢُلَوَرْ دَاجِ تَيَرْجٜىٰجٜىٰنِيَ؞»‏ زَبُورَا تَ أَسَڢْ؞﴾

¹ يَا مَكِيَايِنْ إِسْرَٰٓءِيلَ، كَسَ كُنّٜىٰ غَرٜىٰمُ، كَيْ دَ كَكٜىٰبِدَ ذُرِيَرْ يُوسُڢَ كَمَرْ غَرْكٜىٰ!‏ كَيْ دَ كَكٜىٰ ظَوْنٜىٰ عَكُجٜىٰرَرْ مُلْكِنْكَ عَبِسَ حَلِتُّو مَاسُ ڢِكَڢِكَيْ، كَحَصْكَكَ!‏

² حَصْكَكَ كَنْكَ غَ ذُرِيَرْ إِڢْرَيِمْ دَ تَ بِلِيَامِنُ دَ تَ مَنَسّٜىٰ!‏ تَادَ إِيكُوانْكَ، كَكُمَ ذُواْ كَثٜىٰثٜىٰمُ!‏

³ يَا اللَّهْ، جُويُواْ وُرِنْمُ!‏ بَرِ كَدُوبٜىٰمُ دَڢُسْكَرْ أَلْحٜىٰرِ، مُو كُوَ مُسَامِ ثٜىٰتُواْ!‏

⁴ يَا يَهْوٜىٰهْ اللَّهْ مَيْ ضُنْدُنَا، حَرْ يَوْشٜىٰ ذَاكَيِ تَڢُشِے دَ أَدُّعَرْ جَمَعَرْكَ؟

⁵ دَ هَوَيٜىٰ كَاثِيَرْ دَمُو، بَبَّنْ ݣُوڢْ نَهَوَيٜىٰ كَسَا مُكَشَا؞

⁶ كَاسَا مَڨُوبْتَنْمُ سُنَ ڢَطَ دَ جُونَ عَكَنْ ڧَسَرْمُ، مُنْ ذَمَ أَبِنْ غُواْرِ غَ أَبُواْكَنْ غَابَنْمُ؞

⁷ يَا اللَّهْ مَيْ ضُنْدُنَا، جُويُواْ وُرِنْمُ!‏ بَرِ كَدُوبٜىٰمُ دَڢُسْكَرْ أَلْحٜىٰرِ، مُو كُوَ مُسَامِ ثٜىٰتُواْ!‏

⁸ كَيْ كَاڢِتَرْ دَمُو، مُو إِتَاثٜىٰنْ إِنَبِے دَغَ مَصَرْ؞ كَيْ كَاكُواْرِ أَلْعُمَّيْ، كَدَسَامُ عَڧَسَرْسُ؞

⁹ كَاڠَرَ مَنَ وُرِے، سَيْوُاْيِنْمُ سُكَ شِغَ ڧَسَا سُواْسَيْ، مُنْ ثِكَ دُكَنْ ڧَسَرْ؞

¹⁰ مُنْ رُڢٜىٰ تُدَّيْ دَ إِنُوَرْمُ، مَنْيَنْ عِتَتُوَنْ سٜىٰدَ دَ رَسَّنْمُ؞

¹¹ رَسَّنْمُ سُنْ مِيڧٜىٰ ذُوَا تٜىٰكُنْ مٜىٰدِتٜىٰرٜىٰنِيَ سُكَ كَيْ حَرْ ذُوَا كُواْغِنْ يُڢِرٜىٰتِسْ؞

¹² مٜىٰيَسَا كَا رُرُّشٜىٰ كَتَنْ‌غَرْمُ، حَرْ دُكَنْ مَاسُ وُثٜىٰوَ سُنَ عِيَ ڟِنْكٜىٰ یَیَنْمُ؟

¹³ أَلَدُنْ دَاجِ سُنَ ٻَاتَمُ، نَمُواْمِنْ دَاجِ كُمَ سُنَ ثِنْيٜىٰمُ؞

¹⁴ يَا اللَّهْ مَيْ ضُنْدُنَا، جُويُواْ وُرِنْمُ!‏ دَغَ سَمَ دُوبٜىٰمُ كَغَنِ، كَكُلَ دَ إِتَاثٜىٰنْ إِنَبِنَّنْ،

¹⁵ ڟِرُوانْ دَ حَنُّنْكَ يَشُوكَ، طَنْدَ كَيِ رٜىٰنُوانْسَ دُوانْ كَنْكَ؞

¹⁶ أَنْ سَارٜىٰشِ أَنْكُمَ ڧُواْنٜىٰ دَ وُتَا؞ أَنْ هَلَكَاشِ تَوُرِنْ ڢُشِنْكَ؞

¹⁷ بَرِ حَنُّنْكَ يَكِيَايٜىٰ مُتُمِنْدَ كَذَاٻَا، طَنْ أَدَمْ دَ كَيِ رٜىٰنُوانْسَ دُوانْ كَنْكَ؞

¹⁸ سَعَنً بَذَامُ ڧَارَ جُويَا مَكَ بَايَبَ، رَايَرْ دَمُو، ذَامُ كُوَ كِرَا غَ سُونَنْكَ؞

¹⁹ يَا يَهْوٜىٰهْ اللَّهْ مَيْ ضُنْدُنَا، جُويُواْ وُرِنْمُ!‏ بَرِ كَدُوبٜىٰمُ دَڢُسْكَرْ أَلْحٜىٰرِ، مُو كُوَ مُسَامِ ثٜىٰتُواْ!‏