زَبُورَا 8 - أَتَّوْرَتْ دَ أَنَّبَاوَا

وَاڧَرْ طَوْكَكَرْ اللَّهْ دَ دَرَجَرْ یَنْ ءَادَمُ

﴿عُمَرْنِ غَ شُوغَبَنْ مَوَاڧَ:‏ عَيِتَ بِسَغَ ‏«‏غِتِّتْ»‏؞ زَبُورَا تَ دَاوُدَ؞﴾

¹ يَا يَهْوٜىٰهْ، عُبَنْ‌غِجِنْمُ، إِنَا مِصَالِنْ طَوْكَكَرْ سُونَنْكَ أَدُكَنْ دُونِيَا!‏ كَيْ دَ عَكٜىٰ رٜىٰرَ يَبُوانْكَ أَسَرَرِنْ سَمَ!‏

² دَغَ بَاكِنْ يَارَا دَ جَرِرَيْ كَسَا يَبُوانْكَ يَڢِتَ؞ يَبُوانْكَ يَذَمَ وَ أَبُواْكَنْ غَابَنْكَ كَتَنْ‌غَ دُواْمِنْ أَڟَيْ دَ مَاسُ ڧِنْكَ دَ مَاسُسُواْ سُرَامَ؞

³ سَعَدَّ نَدُوبَ سَرَرِنْ سَمَ، عَيْكِنْ يَڟُنْكَ، دَ وَتَ دَ تَوْرَرِنْ دَ كَكَڢَ أَوُرَارٜىٰنْسُ،

⁴ سَيْ نَثٜىٰ، ‏«‏مٜىٰنٜىٰنٜىٰ مُتُمْ دَ كَدَامُ دَشِ، طَنْ أَدَمْ، حَرْ دَ كَكُلَ دَشِ؟»‏

⁵ دُكْدَهَكَ إِنْ بَنْدَكَيْ، بَابُ أَبِنْدَ يَڢِ مُتُمْ، حَرْ كَغِرْمَمَ شِ دَ طَوْكَكَ دَ دَرَجَ؞

⁶ كَنَطَشِ يَيِ مُلْكِ عَكَنْ دُكَنْ أَبِنْدَ كَحَلِتَّ؞ كَسَا كُواْمٜىٰ عَڧَرْڧَشِنْ ڧَڢَاڢُنْسَ،

⁷ دَ تُمَكِ دَ شَانُو دُكَ، حَرْ مَا دَ نَمُواْمِنْ دَاجِ،

⁸ دَ ڟُنْڟَيٜىٰنْ سَمَ دَ كِيڢَيٜىٰنْ تٜىٰكُ، دَ كُواْوَثٜىٰ حَلِتَّرْ دَتَكٜىٰ ثِكِنْ تٜىٰكُ؞

⁹ يَا يَهْوٜىٰهْ، عُبَنْ‌غِجِنْمُ، إِنَا مِصَالِنْ طَوْكَكَرْ سُونَنْكَ أَدُكَنْ دُونِيَا!‏