زَبُورَا 77 - أَتَّوْرَتْ دَ أَنَّبَاوَا

كُوكَا غَ اللَّهْ مَيْ بَادَ تَيْمَكُواْ

﴿عُمَرْنِ غَ شُوغَبَنْ مَوَاڧَ:‏ عَيِتَ بِسَغَ وَاڧَرْ يٜىٰدُتُنْ؞ زَبُورَا تَ أَسَڢْ؞﴾

¹ دَ مُرْيَ مَيْ ڧَرْڢِے نَيِ كُوكَا غَ اللَّهْ؞ نَيِ كُوكَا دَ ڧَرْڢِے دُواْمِنْ يَجِنِ؞

² أَ رَانَرْ وَهَلَاتَ، نَنٜىٰمِ عُبَنْ‌غِجِ دَ دَرٜىٰ نَمِيڧَ هَنُّونَ غَرٜىٰكَ بَا هُوتَوَا، عَمَّا رَيْنَ بَيْ كَرْٻِ تَعَظِيَّبَ؞

³ نَتُنَ دَ اللَّهْ، سَيْ نَكَطَ كَيْ، نَيِ تَتُنَانِ، سَيْ نَڢِدَّ ذُوثِيَا؞

⁴ كَا حَنَ عِدَنُونَ بَرْثِ، نَدَامُ ڨُورَيْ حَرْ بَانَ عِيَ مَغَنَ؞

⁵ نَيِ تُنَانِنْ ݣُونَكِنْ دَ سُكَ وُثٜىٰ، نَتُنَ دَ شٜىٰكَرُنْ بَايَ شٜىٰكَرُنْ دَ سُكَ وُثٜىٰ دَ دَطٜىٰوَ؞

⁶ دُكَنْ دَرٜىٰ نَيِ تَرِڧٜىٰ كَيْنَ، نَيِ تَتُنَانِ، نَكُمَ بِنْثِكٜىٰ كَيْنَ،

⁷ نَثٜىٰ، ‏«‏كُواْ عُبَنْ‌غِجِ ذَيْ يَاشٜىٰمُ حَرْ أَبَدَا؟ بَذَيْ ڧَارَ نُونَ أَلْحٜىٰرِبَ؟

⁸ ڧَوْنَرْسَ تَبَرْمُ حَرْ أَبَدَا كٜىٰنَنْ؟ أَلْڧَوَرِنْسَ بَذَيْثِكَبَ دَغَ ڟَارَا ذُوَا ڟَارَا؟

⁹ اللَّهْ يَمَنْتَادَ يِنْ جِنْڧَيْ نٜىٰ؟ كُواْ عَثِكِنْ ڢُشِنْسَ يَجَنْيٜىٰ تَوْسَيِنْسَ؟»‏

¹⁰ سَيْ نَثٜىٰ، ‏«‏أَبِنْدَ يَظَڢٜىٰنِ سُواْسَيْ شِينٜىٰ حَنُّنْ دَامَ نَ مَڢِے طَوْكَكَ يَدَيْنَ تَيْمَكُوانْمُ؞»‏

¹¹ يَا يَهْوٜىٰهْ، ذَنْ تُنَ دَ مَنْيَنْ أَيُّكَنْكَ؞ عِ، نَا تُنَ دَ أَيُّكَنْ بَنْ مَامَاكِ أَبُبُوَنْدَ كَعَيْكَتَ أَدَا؞

¹² ذَنْيِ تَتُنَانِ عَكَنْ دُكَنْ أَبُبُوَنْدَ كَيِ، ذَنْ دِنْ‌غَ تُنَانِ عَكَنْ دُكَنْ أَيُّكَنْكَ؞

¹³ حَنْيَرْكَ دَ ڟَرْكِے تَكٜىٰ، يَا اللَّهْ، وَنٜىٰ اللَّهْ نٜىٰ مَيْغِرْمَ كَمَرْكَ؟

¹⁴ كَيْ نٜىٰ اللَّهْ وَنْدَ يَكٜىٰ عَيْكَتَ أَيُّكَنْ بَنْ مَامَاكِ؞ كَيْ نٜىٰ كَا بَيَّنَ إِيكُوانْكَ عَثِكِنْ ڧَبِيلُ؞

¹⁵ تَوُرِنْ إِيكُوانْ حَنُّنْكَ كَڢَنْشِ جَمَعَرْكَ، یَیَنْ يَعْڧُوبَ دَ نَطَنْسَ يُوسُڢَ؞

¹⁶ يَا اللَّهْ، دَ ضُوَيٜىٰ سُكَغَ كَنَ ذُوَا، دَ ضُوَيٜىٰ سُكَ غَنْكَ سَيْ سُكَجِڟُواْرُواْ؞ ظُرْڢَڢَّنْ تٜىٰكُ كُمَ سُكَيِ ضَوَرْ جِكِے؞

¹⁷ غِرْغِجٜىٰ سُكَ سَكِ ضُوً سَمَ، سَرَرِنْ سَمَ سُنْ بُغَ ڟَاوَ، كِبِيُواْيِنْ وَلْڧِيَرْكَ سُكَ حَصْكَكَ كُواْعِنَ؞

¹⁸ ڧَارَرْ ڟَاوَرْكَ تَيِ تَبُغَاوَ كُواْعِنَ، وَلْڧِيَ كُمَ تَحَصْكَكَ دُونِيَا دُكَ، ڧَسَا تَيِ ضَوَ تَكُمَ غِرْغِظَ؞

¹⁹ حَنْيَرْكَ تَبِے تَثِكِنْ تٜىٰكُ، وُرِنْ تَڢِيَرْكَ يَرَڟَا ظُرْڢَڢَّنْ ضُوَيٜىٰ، عَمَّا عَلَمَرْ تَڢِنْ ڧَڢَرْكَ بَعَغَنْ تَبَ؞

²⁰ كَا بِيدَ جَمَعَرْكَ كَمَرْ مَكِيَايِ تَهَنُّنْ مُوسَٰى دَ هَٰرُونَ؞