زَبُورَا 76 - أَتَّوْرَتْ دَ أَنَّبَاوَا

وَاڧَرْ شَيْدَرْ اللَّهْ مَيْ بَنْ ڟُواْرُواْ

﴿عُمَرْنِ غَ شُوغَبَنْ مَوَاڧَ:‏ عَيِتَ دَ كَايَنْ كَطٜىٰ كَطٜىٰ إِرِنَّمُواْلُواْ؞ زَبُورَا تَ أَسَڢْ؞ وَاڧَثٜىٰ؞﴾

¹ اللَّهْ سَنَنّٜىٰ نٜىٰ عَڧَسَرْ يَهُودَ، سُونَنْسَ مَيْغِرْمَ نٜىٰ عَڧَسَرْ إِسْرَٰٓءِيلَ؞

² يَكَڢَ غِدَنْسَ أَ عُرُوشَلِيمَ وُرِنْ ذَمَنْسَ كُمَ عَتُدُنْ سِهِيُواْنَ؞

³ عَثَنْ يَكَكَّرْيَ كِبِيُواْيِنْ وُتَا نَعَبُواْكَنْ غَابَا، تَرٜىٰدَ غَرْكُوُاْيِنْسُ دَ تَكُبَنْسُ؞ عِ، يَڟَيْ دَ دُكَنْ يَاڧٜىٰ يَاڧٜىٰ؞

⁴ كَيْ!‏ دَرَجَرْكَ تَنَ وَلْڧِيَ!‏ إِنَا مِصَالِنْ طَوْكَكَرْكَ!‏ أَيْ، تَڢِے طَوْكَكَرْ مَنْيَنْ تُدَّيْ مَاسُ نُونَ إِيكُوانْكَ!‏

⁵ أَنْ ڨُوثٜىٰ كَايَنْ سُواْجُواْجِ مَاسُ ڧَرْڢِنْ ذُوثِيَا، يَنْذُ سُنَ بَرْثِ، بَرْثِ إِرِنَّمَتَتُّو؞ بَابُوَنِنْسُ دَ يَ عِيَيِنْ أَمْڢَانِ دَ ڧَرْڢِنْ حَنُّنْسَ؞

⁶ يَا اللَّهْ نَ يَعْڧُوبَ، ڟَاوَتَرْوَرْدَ كَيِ مُسُ يَسَا مَيْ هَوَنْ دُواْكِ دَ دُواْكِنْ دُكْ سُكَ ݣُونْتَ كَمَرْ مَتَتُّو؞

⁷ كَيْ ڢَا أَبِنْ ڟُواْرُواْ نٜىٰ!‏ وَ ذَيْ عِيَ ڟَيَاوَا أَغَبَنْكَ يَايِنْ دَ ڢُشِنْكَ يَكُنَّ؟

⁸ دَغَ سَمَ كَيَنْكٜىٰ شَرِيعَ كَسَنَرْ، دُونِيَا تَيِ شِضُ دُوانْ ڟُواْرُواْ،

⁹ سَعَدَّ كَتَاشِ، يَا اللَّهْ، كَيَنْكٜىٰ حُكُنْثِ دُوانْ كَثٜىٰثِ وَطَنْدَ عَكٜىٰ وَ دَنِّيَ، وَطَنْدَ عَكٜىٰ وَ دَنِّيَ عَدُونِيَا؞

¹⁰ حَڧِيڧَ، ڢُشِنْ أَبُواْكَنْ غَابَنْكَ يَنَ ڧَارَ مَكَ سُونَ؞ وَطَنْدَ سُكَ ڟِيرَا دَغَ ڢُشِنْكَ ذَاسُ ذَمَ كَمَرْ ضَوَنِنْ أَدُوانْكَ؞

¹¹ كُيِ وَ يَهْوٜىٰهْ اللَّهْ نْكُ ضَنْڟُوَا كُكُمَ ثِكَسُ؞ بَرِ دُكَنْ ڧَسَاشٜىٰ كٜىٰوَيٜىٰ دَشِ سُكَٰوُاْ ݣَوْتَيْ غَ مَيْ بَنْ ڟُواْرُواْنَّنْ؞

¹² شِ دَيَكٜىٰ ڧَسْڧَنْتَرْدَ مَاسُ مُلْكِ، يَنَ ڟُواْرَتَرْدَ سَرَاكُنَنْ دُونِيَا؞