زَبُورَا 75 - أَتَّوْرَتْ دَ أَنَّبَاوَا

وَاڧَرْ غُواْدِيَ غَ اللَّهْ سَبُواْدَ شَرِيعَرْ غَسْكِيَ

﴿عُمَرْنِ غَ شُوغَبَنْ مَوَاڧَ:‏ عَيِتَ بِسَغَ مُرْيَرْ ‏«‏كَدَ أَ هَلَّكَرْ»‏؞ زَبُورَا تَ أَسَڢْ؞ وَاڧَثٜىٰ؞﴾

¹ مُنَ مَكَ غُواْدِيَ، يَا اللَّهْ!‏ مُنَ مَكَ غُواْدِيَ!‏ شٜىٰلَرْ أَيُّكَنْكَ نَبَنْ مَامَاكِ، أَبُبُوَنْدَ كَعَيْكَتَ، تَتَبَّتَرْ مَنَ كَسَنْثٜىٰوَرْ سُونَنْكَ تَرٜىٰدَمُو؞

² اللَّهْ يَثٜىٰ، ‏«‏أَ لُواْكَثِنْدَ نَسَا، ذَنْيِ شَرِيعَ دَيْدَيْ؞

³ دَ دُونِيَا تَغِرْغِظَ تَرٜىٰدَ دُكَنْ مَذَوْنَنْتَ، نِنٜىٰ نَا رِڧٜىٰ غِنْشِڧَنْ تُوشٜىٰنْتَ دَ ڧَرْڢِے؞

⁴ غَ مَاسُ طَغَ كَيْ نَثٜىٰ، ‏‹‏كَدَ كُيِ طَغَ كَنْكُ؞›‏ غَ مُوغَيٜىٰ كُوَ نَثٜىٰ، ‏‹‏كَدَ كُطَوْكَكَ ڧَرْڢِنْكُ؞›‏

⁵ كُدَيْنَ طَوْكَكَ ڧَرْڢِنْكُ كَدَ كُيِ مَغَنَ دَ طَغَ كَيْ؞»‏

⁶ بَدَغَ غَبَسْ كُواْ يَمَّ طَوْكَكَ تَكَنْ ذُوابَ، كُواْ تَذُواْ دَغَ أَرٜىٰوَ كُواْ كُدُوبَ؞

⁷ عَمَّا اللَّهْ نٜىٰ يَكَنْيِ شَرِيعَ، يَكَنْ ڧَسْڧَنْتَرْدَ وَنِ، يَكُمَ طَوْكَكَ وَنِ؞

⁸ غَمَا أَ حَنُّنْ يَهْوٜىٰهْ أَݣَويْ ݣُوڢْ ثِكٜىٰ دَ ضُوً إِنَبِے نَڢُشِنْسَ؞ دَغَ وَنَّنْ ݣُوڢْ يَنَ ظُبَشِ، دُكَنْ مُوغَيٜىٰنْ دُونِيَا سُنَ تَشَا، سُكَ شَنْيٜىٰشِ كَكَڢْ؞

⁹ عَمَّا نِے، حَرْ أَبَدَا ذَنْيِ شٜىٰلَرْ أَبُبُوَنَّنْ، ذَنْ رٜىٰرَ وَاڧُواْڧِنْ يَبُواْ غَ اللَّهْ نَ يَعْڧُوبَ؞

¹⁰ ذَيْ كَرْيَ دُكَنْ ڧَرْڢِنْ مُوغَيٜىٰ، عَمَّا ذَيْ ڧَارَ ڧَرْڢِنْ مَاسُ أَدَلْثِے؞