زَبُورَا 74 - أَتَّوْرَتْ دَ أَنَّبَاوَاكُوكَنْ نٜىٰمَنْ ثٜىٰتُوانْ جَمَعَرْ اللَّهْ ﴿زَبُورَا تَ أَسَڢْ؞ إِرِے تَ «مَسْكِلْ»؞﴾ 1 يَا اللَّهْ، دُوانْمٜىٰ كَڨَلٜىٰمُ دِنْدِنْدِنْ حَكَ؟ مُو تُمَكِنْ كِيوُانْكَنٜىٰ، دُوانْمٜىٰ ڢُشِنْكَ يَكٜىٰ عَكَنْمُ؟ 2 تُنَ دَ جَمَعَرْكَ وَدَّ كَسَامُواْ وَكَنْكَ تُنْدَا، أَلْعُمَّرْكَ دَ كَڢَنْسَ دَغَ بَوْتَا دُواْمِنْ سُذَمَ غَادُوانْكَ؞ تُنَ دَ بَبَّنْ تُدُنْ سِهِيُواْنَ عِنْدَ كَتَٻَ ذَمَ؞ 3 ذُواْ كَيِ يَٰوُاْ أَوَنَّنْ وُرِے وَنْدَ عَكَ رُشٜىٰ كَكَڢْ، دُوبَ يَدَّ أَبُواْكَنْ غَابَا سُنْ رُرُّشٜىٰ كُواْمٜىٰ عَثِكِنْ غِدَنْكَ مَيْ ڟَرْكِے؞ 4 أَبُواْكَنْ غَابَنْكَ سُنْيِ إِيهٌ نَصَرَا عَثِكِنْ وُرِنْ سَدُوَرْكَ دَمُو؞ أَوُرِنْ، سُكَ طَغَ تُوتَرْسُ دُواْمِنْ سُنُونَ نَصَرَرْسُ؞ 5 سُنْيِ كَمَرْ مَاسُ سَارَنْ عِتَتُوَ عَكُرْمِ دَ غَتُرَنْسُ؞ 6 دَ غَاتَرِ دَ غُدُمَ سُكَ ڢَرْڢَشٜىٰ كَتَكَيْ، كَتَكَنْ أَدُوانْ دَ عَكَ سَسَّڧَ دُوانْ غِدَنْكَ؞ 7 سُكَ ڧُواْنٜىٰ غِدَنْكَ مَيْ ڟَرْكِے دَ وُتَا، سُكَ ڢَرْڢَشٜىٰشِ حَرْ ڧَسَا، سُكَيِ بَنْظَ دَ وُرِنْ ذَمَنْكَ، وُرِنْ دَ عَكَ سَنِ دَ سُونَنْكَ؞ 8 سُكَثٜىٰ وَكَنْسُ، «ذَامُ شَارٜىٰسُ كَكَڢْ!» وُرَرٜىٰنْ سَدُوَ دَ اللَّهْ عَڧَسَرْ مَا، سُكَ ڧُواْڧُّواْنٜىٰسُ دُكَ؞ 9 بَامُ غَنِنْ وَتَ عَلَمَ تَ اللَّهْ، بَابُوَنِ أَنَّبِنْدَ يَرَغُ؞ بَابُوَنِ عَثِكِنْمُ دَ يَسَنِ حَرْ يَوْشٜىٰ نٜىٰ وَنَّنْ ذَيْثِيغَبَ؞ 10 حَرْ يَوْشٜىٰ، يَا اللَّهْ، أَبُواْكَنْ غَابَا ذَاسُيِ تَبَعَ؟ ذَاسُ ثِيغَبَدَ رٜىٰنَ سُونَنْكَ دِنْدِنْدِنْ؟ 11 حَرْ يَوْشٜىٰ، يَا اللَّهْ، ذَاكَ نَطٜىٰ حَنُّوَنْكَ كَنَ كَلُّواْ؟ مٜىٰيَسَا كَا جَنْيٜىٰ حَنُّنْكَ؟ 12 عَمَّا اللَّهْ دَيْ سَرْكِينَ نٜىٰ تُنْدَا، يَنَ عَيْكَتَ عَيْكِنْ ثٜىٰتُواْ عَثِكِنْ دُونِيَا؞ 13 دَ إِيكُوانْكَ مَيْ ڧَرْڢِے كَا رَبَ تٜىٰكُ كَشِ بِيُ، كَا ڢَرْڢَشٜىٰ كَوُنَنْ سُو دُواْدُوانْ ضُوَ؞ 14 كَا ڢَشٜىٰ كَنْ دُواْدُوانْ تٜىٰكُنَّنْ لٜىٰبِيَتَنْ، كَا ثِيَرْدَ دَبُّواْبِنْ دَاجِ دَ نَامَنْسَ؞ 15 كَيْ كَا بُوطٜىٰ مَٻُٻُّغَرْ ضُوَ دَ رَاڢُڢُّكَ، كَا كُمَسَا مَنْيَنْ ضُوَيٜىٰ سُكَ بُوشٜىٰ؞ 16 رَانَ تَاكَثٜىٰ، دَرٜىٰ كُمَ نَاكَنٜىٰ، كَيْ كَا كَڢَ وَتَ دَ رَانَ أَوُرَارٜىٰنْ دَسُكٜىٰ؞ 17 كَيْ كَايِ وَدُونِيَا إِيَاكَرْتَ؞ كَيْ كُمَ كَا شِرْيَ لُواْكَتَيْ، لُواْكَثِنْ رَانِ دَ نَدَمِنَ؞ 18 تُنَ ڢَا، يَا يَهْوٜىٰهْ، يَدَّ أَبُواْكَنْ غَابَا سُكٜىٰيِ مَكَ بَعَ، وَوَيٜىٰ كُمَ سُنَ رٜىٰنَ سُونَنْكَ؞ 19 كَدَ كَبَادَ رَنْ تُنْكِيَرْكَ غَ كُرَايٜىٰ، كَدَ كَمَنْتَ حَرْ أَبَدَا دَ رَايُكَنْ مُتَنٜىٰنْكَ دَ عَكَ دَنّٜىٰ؞ 20 كُلَ دَ يَرْجٜىٰجٜىٰنِيَرْكَ غَمَا تَاشِنْ حَنْكَلِ يَثِكَ كُواْوَنٜىٰ لُنْغُ مَيْ دُهُ عَڧَسَرْ؞ 21 كَدَ كَبَرْ مَرَسَ ڧَرْڢِے سُشَا كُنْيَا، بَرِ مَتَلَوْتَ دَ مَاسُ بُڧَاتَ سُيَبِے سُونَنْكَ؞ 22 تَاشِ، يَا اللَّهْ، كَكَارٜىٰ كَنْكَ! كَتُنَ يَدَّ وَوَيٜىٰ سُكٜىٰيِ مَكَ بَعَ دُكَنْ يِنِ! 23 كَدَ كَمَنْتَادَ سُورُوتَنْ بَنْ هَوْشِ نَعَبُواْكَنْ غَابَنْكَ؞ كَدَ كَمَنْتَادَ إِيهٌ دَ مَاسُ ڧِنْكَ سُكٜىٰ تَيِ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria