زَبُورَا 73 - أَتَّوْرَتْ دَ أَنَّبَاوَا

لِتَّڢِ نَعُكُ ﴿زَبُورَا 73‏—89﴾ ڧُواْڧَرِنْ غَانٜىٰوَرْ نَصَرَرْ شَرِيعَرْ غَسْكِيَ

﴿زَبُورَا تَ أَسَڢْ؞﴾

¹ حَڧِيڧَ، اللَّهْ مَيْ أَلْحٜىٰرِ نٜىٰ غَ إِسْرَٰٓءِيلَ، غَ كُمَ مَاسُ ڟَبْتَرْ ذُوثِيَا؞

² عَمَّا نِے دَيْ، ڧَڢَاڢُنَ سُنْيِ سَنْڟِ، حَرْ تَڢِنْ ڧَڢَتَ يَنَ غَبْ دَ ڢَاطُوَ،

³ غَمَا نَا يِكِيشِنْ مَاسُ طَغَ كَيْ، نَغَ ڧَارُوَرْ أَرْزِڧِنْ مُوغَيٜىٰ؞

⁴ غَمَا بَاسَجِنْ ذَاڢِنْ رَايُوَا، جِكُنَنْسُ لَاڢِيَ ڧَلَوْ سُكٜىٰ؞

⁵ بَاسَ وَهَلَ كَمَرْ سَوْرَنْ مُتَنٜىٰ، بَسُ دَ دَامُوَ إِرِنْ تَسَوْرَنْ یَنْ أَدَمْ؞

⁶ سَبُواْدَ حَكَ سُنْ طَوْكِ غِرْمَنْ كَيْ، سُنْ رَاتَيَ كَمَرْ سَرْڧَرْ وُيَ؞ سُكَسَا تَادَ حَنْكَلِ كَمَرْ رِغَا؞

⁷ يَوَنْ ڧُواْشِنْسُ يَنَ تَحَيْڢُوَرْ مُغُنْتَا، تُنَانِنْسُ كُمَ ثِكٜىٰ سُكٜىٰ دَ شِرْيٜىٰ شِرْيٜىٰنْ مُغُنْتَا؞

⁸ دَ بَعَ دَ ڧِيَيَّرْ ذُوثِيَا، سُنَ ڢَطِنْ مُوغَيٜىٰنْ أَبُبُوَ، تَرٜىٰدَ غِرْمَنْ كَيْ سُنَ شِرْيٜىٰ شِرْيٜىٰنْ دَنِّيَ؞

⁹ دَ بَاكِنْسُ سُنَ غَابَادَ سَمَ، عَدُونِيَا سُنَ يَٰوُاْ دَ مَغَنَرْ بَنْظَ أَ هَرْشٜىٰنْسُ؞

¹⁰ سَبُواْدَ حَكَ مُتَنٜىٰ سُكَنْ ضِكِثِے، سُكَنْ كُمَ غَسْكَتَسُ؞

¹¹ مُوغَيٜىٰ سُكَنْثٜىٰ، ‏«‏يَيَ اللَّهْ ذَيْ سَنِ؟ مَڢِے طَوْكَكَ ذَيْ سَنِ كُوَ؟»‏

¹² غَا يَدَّ مُوغَيٜىٰ سُكٜىٰ، كُلُّمْ عَݣُونْثِيَرْ رَيْ سُكٜىٰ، أَرْزِڧِنْسُ يَنَ تَڧَارُوَ؞

¹³ حَڧِيڧَ، عَبَنْظَنٜىٰ نَڟَبْتَثٜىٰ ذُوثِيَاتَ، نَوَنْكٜىٰ هَنُّونَ إِنْ نُونَ رَشِنْ لَيْڢِينَ؞

¹⁴ غَمَا دُكْ يِنِ أَنَ بِنَ دَ مَسِيڢَ، كُواْوَثٜىٰ سَاڢِيَ أَنَ ڟَاوَتَا مِنِ؞

¹⁵ دَنَثٜىٰ ‏«‏ذَنْيِ مَغَنَ كَمَرْسُ،»‏ دَ نَثِ أَمَانَرْ یَیَنْكَ؞

¹⁶ عَمَّا دَ نَيِ ڧُواْڧَرِنْ غَانٜىٰ وَنَّنْ، يَذَمَ مِنِ دَ وُيَ سُواْسَيْ،

¹⁷ سَيْ دَ نَشِغَ وُرِے مَيْ ڟَرْكِے نَ اللَّهْ، سَعَنً نَغَانٜىٰ يَدَّ ڧَرْشٜىٰنْ مُوغَيٜىٰ يَكٜىٰ؞

¹⁸ حَڧِيڧَ، كَكَنْ سَاسُ أَ عِنْدَ أَݣَويْ سَنْڟِ، كَكَنْ سَا سُڢَاطِ سُهَلَّكَ كَكَڢْ!‏

¹⁹ دُوبَ!‏ ثِكِنْ ڨِڢْتَوَرْ عِدُواْ عَكَ هَلَكَاسُ!‏ مُومُّنَنْ ڟُواْرُواْ يَشَرٜىٰسُ غَبَاطَيَ!‏

²⁰ كَمَرْ يَدَّ مَڢَرْكِ يَكَنْ وُثٜىٰ سَعَدَّ أَنْتَاشِ، حَكَ، يَا عُبَنْ‌غِجِ، ذَاكَ شَارٜىٰسُ سَعَدَّ كَتَاشِ؞

²¹ سَعَدَّ ذُوثِيَاتَ تَٻَثِ، إِنَ كُمَ ثِكِنْ طَاثِنْ رَيْ،

²² نَذَمَ وَاوَا مَرَرْ غَانٜىٰوَ، نَذَمَ كَمَرْ دَبَّ أَغَبَنْكَ؞

²³ دُكْدَهَكَ إِنَ تَكَسَنْثٜىٰوَ كُسَدَكَيْ، كَكُمَ رِڧٜىٰنِ أَ حَنُّنْ دَامَنَ؞

²⁴ شَوَرَرْكَثٜىٰ تَكٜىٰبِدَنِ، عَڧَرْشٜىٰ كُمَ ذَاكَ كَرْٻٜىٰنِ دَ دَرَجَ؞

²⁵ أَ سَمَ، وَ نَكٜىٰ دَشِ إِنْ بَكَيْبَ؟ عَدُونِيَا مَا، بَا أَبِنْدَ نَكٜىٰسُواْ إِنْ بَنْدَكَيْ؞

²⁶ كُواْ جِكِينَ دَ ذُوثِيَاتَ سُنَ كُسَنْ مُتُوَ، اللَّهْ شِينٜىٰ ڧَرْڢِنْ ذُوثِيَاتَ، أَبِنْدَ نَكٜىٰ دَشِ حَرْ أَبَدَا؞

²⁷ غَاشِ، وَطَنْدَ سُكَيِ نٜىٰسَ دَكَيْ ذَاسُ هَلَّكَ، ذَاكَ رُشٜىٰ وَطَنْدَ سُكَڧِ أَمِنْثٜىٰوَ دَكَيْ؞

²⁸ عَمَّا أَغَرٜىٰنِ، يَنَدَ ݣَوْ عَيِ كُسَدَ اللَّهْ؞ نَامَيْدَ عُبَنْ‌غِجِ يَهْوٜىٰهْ وُرِنْ ٻُيَنَ دُواْمِنْ إِنْيِ شٜىٰلَرْ دُكَنْ أَيُّكَنْسَ وَطَنْدَ يَعَيْكَتَ؞