زَبُورَا 72 - أَتَّوْرَتْ دَ أَنَّبَاوَاسَرْكِنْ دَ يَهْوٜىٰهْ يَكٜىٰٻٜىٰ ﴿زَبُورَا تَ سُلَيْمَٰنُ؞﴾ 1 يَا اللَّهْ، ثِكَ سَرْكِے دَ شَرِيعَرْكَ تَغَسْكِيَ، كَبَا طَنْ سَرْكِے أَدَلْثِنْكَ، 2 دُواْمِنْ يَيِ وَمُتَنٜىٰنْكَ شَرِيعَ ثِكِنْ أَدَلْثِے، مُتَنٜىٰنْكَ مَرَسَ ڧَرْڢِے كُمَ ثِكِنْ غَسْكِيَ؞ 3 بَرِ مَنْيَنْ تُدَّيْ سُحَيْڢَرْ دَ سَلَمَ غَ مُتَنٜىٰ تُدَّيْ كُمَ سُڢِتَرْ مُسُ دَ أَدَلْثِے؞ 4 بَرِ سَرْكِے يَڟَرٜىٰ حَكِّنْ مَتَلَوْتَ، يَكُمَ ثٜىٰثِ یَیَنْ مَاسُ بُڧَاتَ، يَرُشٜىٰ مَاسُ دَنِّيَ؞ 5 بَرِ سَرْكِے يَرَايُ مُدِّنْ رَانَ تأَنَانً، مُدِّنْ أَݣَويْ وَتَ، دَغَ ڟَارَا ذُوَا ڟَارَا! 6 بَرِ سَرْكِے يَذَمَ كَمَرْ ضُوً سَمَ أَغُواْنَكِ، كَمَرْ يَيَّڢِنْ دَيَكٜىٰ ڢَاطُوَ عَڧَسَا؞ 7 بَرِ أَدَلْثِے يَيَلْوَتَ عَݣُونَكِنْسَ، سَلَمَ تَڧَارُ مُدِّنْ وَتَ يأَنَانً؞ 8 بَرِ يَيِ مُلْكِ دَغَ تٜىٰكُ ذُوَا تٜىٰكُ، دَغَ كُواْغِنْ يُڢِرٜىٰتِسْ ذُوَا إِيَاكَرْ دُونِيَا؞ 9 بَرِ ڧَبِيلُنْ هَمَادَ سُدُرْڧُسَ أَغَبَنْسَ، أَبُواْكَنْ غَابَنْسَ كُمَ سُشَا كَشِنْسُ؞ 10 بَرِ سَرَاكُنَنْ سِڢٜىٰنْ دَ نَڟِبِرَيْ سُبَاشِ ݣَوْتَيْ نَبَنْ غِرْمَ، سَرَاكُنَنْ شٜىٰبَ دَ سٜىٰبَ سُكَٰوُاْ مَسَ ݣَوْتَيْ؞ 11 بَرِ دُكَنْ سَرَاكُنَ سُدُرْڧُسَ أَغَبَنْسَ، دُكَنْ أَلْعُمَّيْ كُمَ سُيِ مَسَ حِدِمَ؞ 12 غَمَا يَكَنْ كُٻُتَرْدَ مَاسُ بُڧَاتَ يَايِنْ دَ سُكَيِ كِرَا، دَ مَتَلَوْتَ دَ كُمَ مَرَسَ تَيْمَكُواْ؞ 13 يَكَنْ جِ تَوْسَيِنْ مَرَسَ ڧَرْڢِے دَ مَاسُ بُڧَاتَ، يَكَنْ ثٜىٰثِ رَايُكَنْ مَتَلَوْتَ؞ 14 دَغَ مَاسُ دَنِّيَ دَ مَاسُ تَادَ حَنْكَلِ يَكَنْ ڢَنْشٜىٰسُ، رَايُكَنْسُ سُنَدَ دَرَجَ أَعِدُوانْسَ؞ 15 بَرِ رَنْ سَرْكِے يَدَطٜىٰ! بَرِ عَبَاشِ ظِينَارِيَ دَغَ شٜىٰبَ؞ بَرِ عَيِ أَدُّعَ دُواْمِنْسَ كُواْوَنٜىٰ لُواْكَثِ، عَكُمَ ضُواْڧِ أَلْبَرْكَرْ اللَّهْ عَكَنْسَ كُلُّمْ؞ 16 بَرِ أَ سَامِ حَڟِ عَيَلْوَثٜىٰ عَڧَسَرْ، أَ سَا أَمْڢَانِنْ غُواْنَ يَرُڢٜىٰ كَنْ تُدَّيْ، عِتَتُوَ مَاسُ یَیَ سُيَلْوَتَ كَمَرْ نَ لٜىٰبَنُوانْ، بِرَنٜىٰ سُثِكَ دَ جَمَعَ كَمَرْ ثِيَوَ أَ ڢِيلِ؞ 17 بَرِ سُونَنْ سَرْكِے يَكَسَنْثٜىٰ حَرْ أَبَدَا، أَ سَا سُونَنْسَ يَدَطٜىٰ مُدِّنْ رَانَ تأَنَانً؞ بَرِ دُكَنْ أَلْعُمَّيْ سُسَامِ أَلْبَرْكَ تَوُرِنْسَ، عَكُمَثٜىٰ دَشِ «مَيْ مُرْنَ»؞ 18 أَلْبَرْكَ تَا تَبَّتَا غَ يَهْوٜىٰهْ، اللَّهْ نَ إِسْرَٰٓءِيلَ، وَنْدَ شِ كَطَيْ نٜىٰ يَكٜىٰيِنْ أَيُّكَنْ بَنْ مَامَاكِ! 19 أَلْبَرْكَ تَا تَبَّتَا غَ سُونَنْسَ مَيْ طَوْكَكَ حَرْ أَبَدَا! بَرِ طَوْكَكَرْسَ تَثِكَ دُكَنْ دُونِيَا؞ أَمِينْ! أَمِينْ! 20 ڧَرْشٜىٰنْ أَدُّعُواْعِنْ دَاوُدَ، طَنْ يٜىٰسّٜىٰ كٜىٰنَنْ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria