زَبُورَا 71 - أَتَّوْرَتْ دَ أَنَّبَاوَاكُوكَنْ نٜىٰمَنْ كِيَايٜىٰوَا عَثِكِنْ رَايُوَا 1 يَا يَهْوٜىٰهْ، أَغَرٜىٰكَ نَكٜىٰ نٜىٰمَنْ وُرِنْ ٻُيَ، كَدَ إِنْشَا كُنْيَا كُواْ كَطَنْ! 2 دَيَكٜىٰ كَيْ مَيْيِنْ دَيْدَيْنٜىٰ، كُٻُتَرْ دَنِے كَكُمَ ثٜىٰثٜىٰنِ؞ كَسَ كُنّٜىٰ أَغَرٜىٰنِ كَكُمَ ثٜىٰثٜىٰنِ! 3 بَرِ كَذَمَ مِنِ دُوڟٜىٰنْ ٻُيَ عِنْدَ كُلُّمْ ذَنْ شِغَ؞ عُمَرْتَ عَثٜىٰثٜىٰنِ، غَمَا كَيْنٜىٰ دُوڟٜىٰنْ ٻُيَنَ دَ كَتَنْغَرْ ڟَرٜىٰنِ؞ 4 يَا اللَّهْ نَا، ثٜىٰثٜىٰنِ دَغَ حَنُّنْ مُوغَيٜىٰ، دَغَ إِيكُوانْ مَاسُ مُغُنْتَا دَ مَرَسَ تَوْسَيِ؞ 5 يَا عُبَنْغِجِ، أَغَرٜىٰكَ نٜىٰ نَكٜىٰ سَا رَيْ؞ يَا يَهْوٜىٰهْ، أَغَرٜىٰكَ نَكٜىٰ دُواْغَضَ تُنْ إِنَ سَوْرَيِ؞ 6 تُنْدَغَ ثِكِنْ ثِكِنْ مَامَاتَ نَدُواْغَرَ غَرٜىٰكَ، تُنْ ڢِتُواْوَتَ دَغَ ثِكِنْ مَامَاتَ كَنَ كُلَ دَنِے؞ كُلُّمْ كَيْنٜىٰ نَكٜىٰ يَبُواْ! 7 رَايُوَتَا تَذَمَ أَبِنْ كُواْيَرْوَا غَ مُتَنٜىٰ دَيَوَ، دَيَكٜىٰ كَيْنٜىٰ وُرِنْ ٻُيَنَ مَيْ ڧَرْڢِے؞ 8 بَاكِنَ يَثِكَ دَ يَبُوانْكَ، إِنَ شٜىٰلَرْ طَوْكَكَرْكَ دُكَنْ يِنِ؞ 9 كُواْ عَڟُوڢَتَ، كَدَ كَيَاشٜىٰنِ، دَ ڧَرْڢِينَ يَڧَارٜىٰ، كَدَ كَمَنْتَادَنِے؞ 10 غَمَا أَبُواْكَنْ غَابَنَ سُنَ حَطَ بَاكِ غَمٜىٰدَنِ، مَاسُ نٜىٰمَ سُكَشٜىٰنِ سُنَ ڧُلّٜىٰ ڧُلّٜىٰ عَكَيْنَ؞ 11 سُنَ ثٜىٰوَ «اللَّهْ يَمَنْتَادَشِ، بَرِ مُبِيشِ أَغُجٜىٰ مُكَامَ شِ، غَمَا بَابُ مَيْ كُٻُتَرْ دَشِ؞» 12 كَدَ كَيِ نٜىٰسَ دَنِے، يَا اللَّهْ، يَا اللَّهْ نَا، يِمَظَا كَتَيْمَكٜىٰنِ! 13 بَرِ مَاسُ زَرْغِنَ سُشَا كُنْيَا سُكُمَ هَلَّكَ، مَاسُ نٜىٰمَنْ رَيْنَ كُوَ، عَكُنْيَتَرْدَسُو، عَثِ مُتُنْثِنْسُ؞ 14 عَمَّا نِے دَيْ، ذَنْ دِنْغَسَا ذُوثِيَا أَغَرٜىٰكَ، ذَنْ يَبٜىٰكَ عَكَيْ عَكَيْ؞ 15 بَاكِنَ ذَيْ يِشٜىٰلَرْ أَدَلْثِنْكَ، ذَنْيِ شٜىٰلَرْ ثٜىٰتُوانْكَ دُكَنْ يِنِ، كُواْدَيَكٜىٰ سَنِنْسُ دُكَ يَوُثٜىٰ مِصَالِ؞ 16 يَا عُبَنْغِجِ يَهْوٜىٰهْ، ذَنْذُواْ إِنَ شٜىٰلَرْ أَيُّكَنْكَ نَبَنْ مَامَاكِ، ذَنْيِ شٜىٰلَرْ أَدَلْثِنْكَ، نَاكَ كَطَيْ؞ 17 يَا اللَّهْ، تُنْ إِنَ ڧَرَمِ، كَا كُواْيَ مِنِ أَيُّكَنْكَ نَبَنْ مَامَاكِ، هَرْوَيَوْ كُمَ إِنَ شٜىٰلَرْسُ؞ 18 كُواْ عَڟُوڢَتَ دَ ڢُرْڢُرَتَ، كَدَ كَرَبُ دَنِے، يَا اللَّهْ، حَرْ سَيْ نَيِ شٜىٰلَرْ إِيكُوانْكَ غَ ڟَارَا مَاسُ ذُوَا، 19 غِرْمَنْكَ دَ أَدَلْثِنْكَ وَنْدَ يَكَيْ سَرَرِنْ سَمَ؞ لَلَّيْ، كَيِ مَنْيَنْ أَبُبُوَ، بَابُوَنِ كَمَرْكَ، يَا اللَّهْ! 20 كَيْ دَ كَا عَيْكُواْ مِنِ وَهَلَ دَ عَذَابَ، كَيْنٜىٰ ذَاكَسَابُنْتَ رَايُوَتَا، دَغَ رَامِنْ عَذَابَتَ ذَاكَ جَا مِنِ حَنُّ؞ 21 ذَاكَ سَاكٜىٰ غِرْمَمَنِ، كَكُمَ يِمِنِ تَعَظِيَّ؞ 22 ذَنْ كُوَ يَبٜىٰكَ دَ غَرَايَ سَبُواْدَ أَمِنْثِنْكَ، يَا اللَّهْ نَا؞ ذَنْ رٜىٰرَ يَبُوانْكَ دَ مُواْلُواْ، يَا كَيْ مَيْ ڟَرْكِے نَ إِسْرَٰٓءِيلَ؞ 23 دَ بَاكِنَ ذَنْ رٜىٰرَ مَكَ يَبُواْ دُوانْ ڢَضٍ ثِكِ، دَ دُكَنْ رَيْنَ ذَنْ يَبٜىٰكَ دُوانْ كَڢَنْشٜىٰنِ؞ 24 دُكَنْ يِنِ هَرْشٜىٰنَ ذَيْ يِتَمَيْمَيْتَ أَيُّكَنْكَ نَأَدَلْثِے، غَمَا مَاسُ نٜىٰمَنْ رَيْنَ سُنْ شَا كُنْيَا دَ وُلَڧَنْثِ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria