زَبُورَا 7 - أَتَّوْرَتْ دَ أَنَّبَاوَا

كُوكَنْ نٜىٰمَنْ شَرِيعَرْ غَسْكِيَ

﴿وَاڧَ تَ دَاوُدَ وَدَّ يَيِ وَ يَهْوٜىٰهْ غَمٜىٰدَ كُشْ، مُتُمِنْ بِلِيَامِنُ؞﴾

¹ يَا يَهْوٜىٰهْ اللَّهْ نَا، أَغَرٜىٰكَ نَكٜىٰ نٜىٰمَنْ وُرِنْ ٻُيَ؞ ثٜىٰثٜىٰنِ دَغَ دُكَنْ مَاسُ نٜىٰمَنْ رَيْنَ، كَكُٻُتَرْ دَنِے؞

² عِدَنْ بَهَكَبَ كُوَ، ذَاسُكَيْنِ عِنْدَ بَابُوَنْدَ ذَيْ كُٻُتَرْ دَنِے؞ عَثَنْ ذَاسُ يَيَّاغٜىٰنِ كَمَرْ يَدَّ ذَاكِ يَكٜىٰيِ؞

³ يَا يَهْوٜىٰهْ اللَّهْ نَا، عِدَنْ نَتَٻَ يِنْ طَيَ دَغَ وَطَنَّنْ، عِدَنْ أَنْتَٻَ سَامُنْ هَنُّونَ دَ وَنِ لَيْڢِے،

⁴ عِدَنْ نَتَٻَ ثِنْ أَمَانَرْ أَبُواْكِينَ، كُواْ نَنُونَ وَمَيْڧِينَ ڧَرْڢِے بَادَلِيلِ،

⁵ تُواْ، بَرِ أَبُواْكَنْ غَابَنَ سُبِينِ سُكَامَنِ، بَرِ سُتَتَّاكٜىٰنِ عَڧَسَا، سُبَرْنِ عَڧَسَا مَتَثّٜىٰ؞

⁶ يَا يَهْوٜىٰهْ، تَاشِ عَثِكِنْ ڢُشِنْكَ، كَيِ غَابَادَ ڢُشِنْ أَبُواْكَنْ غَابَنَ!‏ يَا اللَّهْ نَا، تَاشِ، كَتَيْمَكٜىٰنِ، تَاشِ، كَيِ شَرِيعَرْ أَدَلْثِے؞

⁷ بَرِ عَتَتَّارَ دُكَنْ ڧَبِيلُ أَوُرِنْكَ، كَيِ مُلْكِ عَكَنْسُ دَغَ سَمَ؞

⁸ يَا يَهْوٜىٰهْ، كَيْنٜىٰ مَيْ حُكُنْتَ ڧَبِيلُ؞ يَا يَهْوٜىٰهْ، كَيِ مِنِ شَرِيعَ بِسَغَ أَدَلْثِنَ، غَمَا كَا سَنِ بَانِ دَ لَيْڢِے؞

⁹ بَرِ كَڟَيْ دَ مُغُنْتَارْ مُوغَيٜىٰ، عَمَّا كَكَڢَ مَاسُ أَدَلْثِے، يَا اللَّهْ مَيْ أَدَلْثِے، كَيْ مَيْ عَوْنَ تُنَانِ دَ ظُكَاتَنْ مُتَنٜىٰ؞

¹⁰ اللَّهْ شِينٜىٰ غَرْكُوَتَ، يَكَنْ ثٜىٰثِ مَاسُ غَسْكِيَ أَ ظُوثِ؞

¹¹ اللَّهْ أَلْڧَلِ نٜىٰ مَيْ أَدَلْثِے، اللَّهْ مَيْ حُكُنْتَ مُوغَيٜىٰ نٜىٰ كُلُّمْ؞

¹² عِدَنْ مُتُمْ بَيْ تُوبَ بَ، اللَّهْ ذَيْ وَاسَ تَكُواْبِنْسَ، يَارِغَا يَڠَرَ بَكَنْسَ،

¹³ يَشِرْيَ كَايَنْ يَاڧِنْسَ مَاسُ دَڢِ، يَكُمَ عَوْنَ كِبِيُواْيِنْسَ مَاسُ وُتَا؞

¹⁴ دُوبَ يَدَّ مُوغَيٜىٰ سُكٜىٰ طَوْكٜىٰ دَ ثِكِنْ مُغُنْتَا، سُنَ رِڧٜىٰ دَ جُونَ بِيُ نَڢِتِنَ، سُنَ حَيْڢُوَرْ ڧَضْيَا؞

¹⁵ سُنَ حَڧَ رَامِ، سُنْيِشِ دَ ظُرْڢِ، ذَاسُ كُوَ ڢَاطَ عَتَرْكُوانْ دَ سُكَ شِرْيَ؞

¹⁶ سُنْ شِرْيَ وَ وَطَنْسُ ڢِتِنَ عَمَّا تَكُواْمُواْ عَكَنْسُ؞ سُنْ ڧُلَّ تَاشِنْ حَنْكَلِ، غَاشِ، يَكُواْمُواْ عَكَنْسُ؞

¹⁷ ذَنْ‌غُوادٜىٰ وَ يَهْوٜىٰهْ سَبُواْدَ شَرِيعَرْ أَدَلْثِنْسَ، ذَنْكُمَ رٜىٰرَ يَبُواْ غَ سُونَنْ يَهْوٜىٰهْ مَڢِے طَوْكَكَ؞