زَبُورَا 69 - أَتَّوْرَتْ دَ أَنَّبَاوَاكُوكَنْ نٜىٰمَنْ تَيْمَكُواْ ﴿عُمَرْنِ غَ شُوغَبَنْ مَوَاڧَ: عَيِتَ بِسَغَ مُرْيَرْ «ڢُلَوَرْ دَاجِ»؞ زَبُورَا تَ دَاوُدَ؞﴾ 1 ثٜىٰثٜىٰنِ، يَا اللَّهْ، سَوْرَ كَطَنْ ضُوَ يَشَا كَيْنَ؞ 2 إِنَ تَنُڟٜىٰوَ ثِكِنْ تَٻُواْ مَيْ ظُرْڢِ، عِنْدَ بَابُوُرِنْ ڟَيَاوَا؞ نَڢَاطَ ثِكِنْ ضُوَ مَيْ ظُرْڢِ، رَاڧُمَنْ ضُوَ كُوَ سُنْ شَا كَيْنَ؞ 3 نَغَاجِ دَ يِنْ كُوكَنْ نٜىٰمَنْ تَيْمَكُواْ، حَرْ مَڧُواْڠُورُواْنَ يَبُوشٜىٰ، عِدَنُونَ سُنْ كُمْبُرَ، يَايِنْ دَ نَكٜىٰ جِضَانْ تَيْمَكُوانْكَ، يَا اللَّهْ نَا؞ 4 وَطَنْدَ سُكٜىٰ ڧِينَ بَابُ دَلِيلِ، سُنْڢِے غَاشِنْ كَيْنَ يَوَ؞ وَطَنْدَ سُكٜىٰ نٜىٰمَ سُكَشٜىٰنِ، مَاسُ ڧِينَ بَادَلِيلِ سُنَدَ ڧَرْڢِے؞ سُكَ تِلَسْتَنِ إِنْ مَيَرْدَ أَبِنْدَ بَ سَاتَرْسَ نَيِبَ؞ 5 يَا اللَّهْ، كَا سَنْ وَوَنْثِنَ، ذُنُبَيْنَ بَعَٻُواْيٜىٰ سُكٜىٰ أَغَرٜىٰكَبَ؞ 6 كَدَ وَطَنْدَ سُكٜىٰ سَا ذُوثِيَا غَرٜىٰكَ سُشَا كُنْيَا سَبُواْدَنِ، يَا عُبَنْغِجِ يَهْوٜىٰهْ مَيْ ضُنْدُنَا؞ كَدَ وَطَنْدَ سُكٜىٰ نٜىٰمَنْكَ عَثِ مُتُنْثِنْسُ سَبُواْدَنِ، يَا اللَّهْ نَ إِسْرَٰٓءِيلَ؞ 7 غَمَا سَبُواْدَكَيْ نٜىٰ نَشَا ذَاغِ، كُنْيَا تَرُڢٜىٰ ڢُسْكَتَ؞ 8 نَذَمَ كَمَرْ بَڧُواْ غَ یَنْعُوَنَ، كَمَرْ مُتُمِنْ وَنِ يَرٜىٰنٜىٰ غَ یَیَنْ مَامَاتَ؞ 9 ڧَوْنَرْ دَ نَكٜىٰيِ وَ غِدَنْكَ تَنَ ڧُونَنِ كَمَرْ وُتَا، ذَاغٜىٰ ذَاغٜىٰنْ مَاسُ يِمَكَ ذَاغِ سُنْ ڢَاطُواْ عَكَيْنَ؞ 10 لُواْكَثِنْدَ نَيِ كُوكَا إِنَ أَظُمِ، سَيْ يَذَمَ أَبِنْ ذَاغِ عَكَيْنَ؞ 11 سَعَدَّ نَسَا رِيغُنَنْ نُونَ بَڧِنْ ثِكِ، سَيْ إِنْ ذَمَ أَبِنْ مِصَالِ؞ 12 نَذَمَ أَبِنْ تَطِ عَ إِنُوَرْ إِتَاثٜىٰ، مَشَيَ كُمَ سُنَ رٜىٰرَ وَاڧَا عَكَيْنَ؞ 13 عَمَّا نِے دَيْ، يَا يَهْوٜىٰهْ، ذَنْيِ تَ أَدُّعَ غَرٜىٰكَ، دَ سَا ذُوثِيَا وَنَّنْ نٜىٰ لُواْكَثِنْ أَلْحٜىٰرِنْكَ؞ سَبُواْدَ ڧَوْنَرْكَ مَرَرْ ثَنْجَاوَا، يَا اللَّهْ، أَمْسَ مِنِ دَ تَبَّتَاثّٜىٰنْ ثٜىٰتُوانْكَ؞ 14 كُٻُتَرْ دَنِے دَغَ تَٻُواْ، كَدَ إِنُّڟٜىٰ، كُٻُتَرْ دَنِے دَغَ حَنُّنْ مَاسُ ڧِينَ، ثِرٜىٰنِ دَغَ ضُوَ مَيْ ظُرْڢِ؞ 15 كَدَ كَبَرْ رَاڧُمَنْ ضُوَ سُرُڢٜىٰنِ، كُواْ إِنْمُتُ عَثِكِنْ ظُرْڢِنْ ضُوَ، كُواْ أَ رُڢٜىٰنِ عَثِكِنْ كَبَرِ؞ 16 أَمْسَ مِنِ، يَا يَهْوٜىٰهْ، غَمَا ڧَوْنَرْكَ مَرَرْ ثَنْجَاوَا أَلْحٜىٰرِثٜىٰ، جُويُواْ وُرِينَ غَمَا كَيْ مَيْ يَوَنْ جِنْڧَيْ نٜىٰ؞ 17 كَدَ كَٻُواْيٜىٰ ڢُسْكَرْكَ دَغَ وُرِينَ، نِے بَاوَنْكَ، يِمَظَا كَأَمْسَ مِنِ غَمَا إِنَ ثِكِنْ وَهَلَ؞ 18 يِكُسَدَنِے، كَڢَنْشٜىٰنِ، كَڢَنْشٜىٰنِ دَغَ حَنُّنْ مَاسُ ڧِينَ؞ 19 كَيْ كَا سَنْ يَدَّ عَكٜىٰ ذَاغِنَ، يَدَّ عَكٜىٰ بَانِ كُنْيَا عَكٜىٰ كُمَ ثِنْ مُتُنْثِنَ؞ كَنَ سَنٜىٰ دَ دُكَنْ أَبُواْكَنْ غَابَنَ؞ 20 يَوَنْ ذَاغِ يَڧُواْنٜىٰ مِنِ ذُوثِيَا، حَرْ نَڢِدَّ ذُوثِيَا؞ نَسَا ذُوثِيَا أَجِ تَوْسَيِنَ، عَمَّا بَنْسَامُبَ، نَنٜىٰمِ مَاسُ تَعَظِيَّ، عَمَّا بَابُ؞ 21 أَ مَيْمَكُوانْ عَبِنْثِ، سُكَ بَانِ دَڢِ، أَمَيْمَكُوانْ ضُوً شَا، سُكَ بَانِ ضُوً ڟَامِ؞ 22 بَرِ بِكِنْسُ يَذَمَ مُسُ تَرْكُواْ، يَذَمَ تَرْكُواْ غَ أَبُواْكَنْسُ؞ 23 بَرِ عِدَنُونْسُ سُيِ دُهُ حَرْ سُكَاسَ غَنِ، بَايَنْسُ سُرَسَ ڧَرْڢِے غَبَاطَيَ؞ 24 ظُبَ ڢُشِنْكَ عَكَنْسُ، بَرِ ذَاڢِنْ ڢُشِنْكَ يَشَا ڧَرْڢِنْسُ؞ 25 بَرِ وُرِنْ ذَمَنْسُ يَذَمَ كُڢَيْ، كَدَ أَ ضَغٜىٰ وَنِ عَثِكِنْ تٜىٰنْتُنَنْسُ؞ 26 غَمَا وَطَنْدَ كَارِغَا كَا حُكُنْتَ، سُنَ ڟَنَنْتَ مُسُ، وَطَنْدَ كَيِ مُسُ رَوْنِ، سُنَ مَغَنَ عَكَنْ ذَاڢِنْ رَوْنِنْ؞ 27 ڧَارَ لَيْڢِے عَكَنْ لَيْڢُواْڢِنْسُ، كَوَارٜىٰسُ دَغَ أَلْحٜىٰرِنْكَ؞ 28 بَرِ كَسَا أَغُواْغٜىٰ سُونَيٜىٰنْسُ دَغَ لِتَّڢِنْ مَاسُ رَيْ، كَدَ مَا أَسَاسُ ثِكِنْ لِسَّڢِ نَمَاسُ أَدَلْثِے؞ 29 عَمَّا إِنَ ثِكِنْ وَهَلَ دَ عَذَابَ، بَرِ تَيْمَكُوانْكَ، يَا اللَّهْ، يَثٜىٰثٜىٰنِ! 30 دَ وَاڧَا ذَنْ يَبِے سُونَنْ اللَّهْ، دَ غُواْدِيَ ذَنْ غِرْمَمَ شِ؞ 31 وَنَّنْ ذَيْ غَمْشِ يَهْوٜىٰهْ ڢِيٜىٰدَ هَدَايَرْ شَانُو، ڢِيٜىٰدَ بِجِمِنْ دَ يَيِ غِرْمَ سُواْسَيْ؞ 32 مَرَسَ ڧَرْڢِے ذَاسُ غَ ثٜىٰتُوانْ اللَّهْ ذَاسُيِ مُرْنَ؞ كُو دَ كُكٜىٰ نٜىٰمَنْ اللَّهْ ذُوثِيَارْكُ ذَاتَ سَامِ ڧَرْڢَڢَاوَا؞ 33 غَمَا يَهْوٜىٰهْ يَنَ جِنْ مَاسُ بُڧَاتَ، بَايَ ڨَلٜىٰ مُتَنٜىٰنْسَ دَ عَكَ دَنّٜىٰ ثِكِنْ بَوْتَا؞ 34 بَرِ سَمَ دَ دُونِيَا سُيَبٜىٰشِ، تٜىٰكُنَ دَ كُواْوَنٜىٰ أَبِنْدَ يَكٜىٰ عَثِكِنْسُ؞ 35 غَمَا اللَّهْ ذَيْثٜىٰثِ بِرْنِنْ سِهِيُواْنَ، يَسَاكٜىٰ غِنَا غَرُضُوً يَهُودَ؞ مُتَنٜىٰنْسَ كُوَ ذَاسُ ذَوْنَ أَوُرِنْ سُغَاجِ ڧَسَرْ، 36 ذُرِيَرْ بَايِنْسَ ذَاسُ غَاجٜىٰتَ، وَطَنْدَ سُكٜىٰ ڧَوْنَرْ سُونَنْسَ ذَاسُ ذَوْنَ عَثِكِ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria