زَبُورَا 68 - أَتَّوْرَتْ دَ أَنَّبَاوَاوَاڧَرْ نَصَرَا تَجَمَعَرْ إِسْرَٰٓءِيلَ ﴿عُمَرْنِ غَ شُوغَبَنْ مَوَاڧَ: وَاڧَرْ زَبُورَا تَ دَاوُدَ؞﴾ 1 بَرِ اللَّهْ يَتَاشِ، يَوَاڟَرْدَ أَبُواْكَنْ غَابَنْسَ، بَرِ مَاسُ ڧِنْسَ سُغُدُ دَغَ غَرٜىٰشِ! 2 كَمَرْ يَدَّ إِسْكَ تَكٜىٰ هُورَ هَيَاڧِے، بَرِ يَهُورَسُ حَكَ؞ كَمَرْ يَدَّ كِڟٜىٰ يَكٜىٰ نَرْكٜىٰوَ أَغَبَنْ وُتَا، بَرِ مُوغَيٜىٰ سُهَلَّكَ حَكَ أَغَبَنْ اللَّهْ! 3 عَمَّا بَرِ مَاسُ أَدَلْثِے سُيِ مُرْنَ، سُيِ ڢَضٍ ثِكِ أَغَبَنْ اللَّهْ، بَرِ سُيِ ڟَلّٜىٰ دُوانْ مُرْنَ دَ ڢَضٍ ثِكِ! 4 كُرٜىٰرَ وَاڧَا غَ اللَّهْ، كُرٜىٰرَ يَبُواْ غَ سُونَنْسَ؞ كُشِرْيَ حَنْيَ دُواْمِنْسَ، شِے وَنْدَ يَكٜىٰ هَوَنْ غِرْغِجٜىٰ؞ سُونَنْسَ يَهْوٜىٰهْ نٜىٰ، كُيِ مُرْنَ أَغَبَنْسَ! 5 اللَّهْ وَنْدَ يَكٜىٰ أَ وُرِنْ ذَمَنْسَ مَيْ ڟَرْكِے، شِينٜىٰ بَابَنْ مَرَايُ، كُمَ مَيْ لُورَ دَ مَاتَانْدَ مَذَنْسُ سُكَ مُتُ؞ 6 مَاسُ ذَمَنْ كَطَيْثِ، يَسَا سُذَوْنَ ثِكِنْ عِيَلَيْ، یَنْ كُرْكُكُ، يَڢِتَرْ دَسُو يَسَاسُ ڢَضٍ ثِكِ، عَمَّا یَنْ تَاوَيٜىٰ ذَاسُ ذَوْنَ عَڧَسَرْدَ بَابُ كُواْمٜىٰ؞ 7 يَا اللَّهْ، لُواْكَثِنْدَ كَبِے دَ جَمَعَرْكَ، يَايِنْدَ كَيِ تَڢِيَ أَدَاجِنْ يَشِ، 8 ڧَسَا تَاغِرْغِظَ، ضُوً سَمَ يَظُبَ كَمَرْ دَ بَاكِنْ ڨُورْيَ أَغَبَنْكَ، يَا اللَّهْ، اللَّهْ نَ بَبَّنْ تُدُنْ سِنَيْ، أَغَبَنْكَ، يَا اللَّهْ، اللَّهْ نَ إِسْرَٰٓءِيلَ؞ 9 يَا اللَّهْ، كَبَادَ ضُوً سَمَ عَيَلْوَثٜىٰ، كَرَايَرْ دَ ڧَسَرْكَ دَ تَبُوشٜىٰ، ڧَسَرْكَ دَتَكٜىٰ غَادُوانْكَ؞ 10 عَثِكِنْتَ، يَا اللَّهْ، جَمَعَرْكَ سُكَ سَامِ وُرِنْ ذَمَ، عَثِكِنْ يَوَنْ أَلْحٜىٰرِنْكَ كَبِيَ وَمَاسُ تَلَوْثِ بُڧَاتَ؞ 11 عُبَنْغِجِ يَيِ مَغَنَ، ڧُنْغِيَرْ مَتَ مَاسُ بَظَ لَابَرِنْ بَبَّثٜىٰ، 12 مَاسُ ثٜىٰوَ «سَرَاكُنَ دَ سُواْجُواْجِنْسُ سُنَ غُدُ! مَتَنْ دَسُكٜىٰ أَغِدَا سُكَ رَرَّبَ كَايَنْ دَ عَكَ ݣُوشٜىٰ؞ 13 كُو مَاسُ ذَمَ تَرٜىٰدَ غَرْكٜىٰنْ تُمَكِ، كُنَ عِيَ رُڢٜىٰكَنْكُ دَ كَايَنْ ظِينَارِيَ دَ أَظُرْڢَا، كَمَرْ يَدَّ ڢِكَڢِكَنْ كُرْثِيَ سُكَنْ رُڢٜىٰتَ؞» 14 لُواْكَثِنْ دَ مَيْ إِيكُواْ دُكَ يَوَرْوَاڟَرْدَ سَرَاكُنَ عَبَبَّنْ تُدُنْ ظَلْمُوانْ، سُنْ وَڟٜىٰ كَمَرْ يَدَّ إِسْكَ تَنَ هُورَ أَوْدُغَ؞ 15 يَا كَيْ بَبَّنْ تُدُ، تُدُنْ بَشَنْ، يَا تُدُ مَيْ ڟَيِ، تُدُنْ بَشَنْ، 16 مٜىٰيَسَا، كَيْ تُدُ مَيْ ڟَيِ، كَكٜىٰ ڧِشِنْ تُدُنْ اللَّهْ، تُدُنْ دَ اللَّهْ يَذَاٻَا دُواْمِنْ وُرِنْ ذَمَنْسَ، وُرِنْ دَ يَهْوٜىٰهْ ذَيْ كَسَنْثٜىٰ حَرْ أَبَدَا؟ 17 كٜىٰكُنَنْ دُواْكِنْ يَاڧِنْ اللَّهْ سُنْڢِے غَبَنْ ڧِرْغٜىٰ، عِ، دُبَّيْ بِسَ دُبَّيْ! تَرٜىٰدَسُو عُبَنْغِجِ يَذُواْ دَغَ بَبَّنْ تُدُنْ سِنَيْ، يَشِغَ وُرِنْ ذَمَنْسَ مَيْ ڟَرْكِے؞ 18 سَعَدَّ يَهَوْ سَمَ، يَطَوْكِ وَطَنْدَ عَكَ كَكَّامَ، يَبِيدَسُو أَ جٜىٰرٜىٰ، يَكَرْٻِ ݣَوْتَيْ نَبَنْ غِرْمَ دَغَ یَنْ أَدَمْ، حَرْ مَا دَغَ یَنْ تَاوَيٜىٰ؞ حَڧِيڧَ، يَهْوٜىٰهْ اللَّهْ ذَيْ ذَوْنَ أَوُرِنْ؞ 19 أَلْبَرْكَ تَا تَبَّتَا غَ عُبَنْغِجِ، غَ اللَّهْ مَيْ ثٜىٰتُوانْمُ، وَنْدَ يَكٜىٰ طَوْكَرْ وَهَلَرْمُ تَيَوْ دَ كُلُّمْ؞ 20 اللَّهْ نَّنْ نَامُ، اللَّهْ نَثٜىٰتُواْنٜىٰ، شِينٜىٰ يَهْوٜىٰهْ، عُبَنْغِجِنْمُ، وَنْدَ يَكَنْ ڟِيرَرْ دَمُو دَغَ مُتُوَ؞ 21 حَڧِيڧَ، اللَّهْ ذَيْ ڢَرْڢَشٜىٰ كَوُنَنْ مَاسُ ڧِنْسَ، مَاسُ نَاثٜىٰوَ ثِكِنْ هَنْيُواْيِنْ ذُنُوبِ، ذَيْ ڢَرْڢَشٜىٰ ڧُواْڧُوانْ كَنْسُ؞ 22 عُبَنْغِجِ يَثٜىٰ، «ذَنْ كُواْمُواْ دَ مَاسُ ڧِينَ دَغَ تُدُنْ بَشَنْ، ذَنْ كُواْمُواْ دَسُو دَغَ ظُرْڢَڢَّنْ تٜىٰكُ، 23 دُوانْ كُوَنْكٜىٰ ڧَڢَاڢُنْكُ ثِكِنْ جِنِنْسُ، كَرْنُكَنْكُ كُمَ سُلَّشٜىٰ جِنِنْ؞» 24 تَڢِيَرْكَ تَنَصَرَا، يَا اللَّهْ، أَنَ غَنِنْتَ أَڢِيلِ، جٜىٰرِنْ ڠُونُوانْ مُتَنٜىٰنْ اللَّهْ سَرْكِينَ ذُوَا وُرِنْ ذَمَنْكَ مَيْ ڟَرْكِے؞ 25 مَوَاڧَ سُنَ جَنْ غَبَ، مَاسُ كَطٜىٰ كَطٜىٰ سُنَ بِيٜىٰ، أَڟَكَانِنْسُ أَݣَويْ یَنْ مَاتَا مَاسُ كَطَ تَمْبُرَ؞ 26 «كُيَبِے اللَّهْ عَثِكِنْ تَارُوانْكُ، كُيَبِے يَهْوٜىٰهْ، يَا كُو ظُرِيُواْيِنْ إِسْرَٰٓءِيلَ!» 27 غَا ذُرِيَرْ بِلِيَامِنُ، مَڢِے ڧَنْڧَنْتَ عَثِكِنْسُ تَنَ جَنْ غَبَ، سَيْغَا شُوغَبَنِّنْ ذُرِيَرْ يَهُودَ عَڧُنْغِيَ، غَا كُمَ شُوغَبَنِّنْ ذُرِيَرْ ظٜىٰبُلُنْ دَ نَ نَڢْتَلِ بِيٜىٰ؞ 28 بَيَّنَ إِيكُوانْكَ، يَا اللَّهْ، نُونَ إِيكُوانْكَ كَمَرْ يَدَّ كَيِ أَدَا، يَا اللَّهْ، 29 دَغَ هَيْكَلِنْكَ دَيَكٜىٰ أَ عُرُوشَلِيمَ، وُرِنْ دَ سَرَاكُنَ ذَاسُ كَٰوُاْ مَكَ ݣَوْتَيْ نَبَنْ غِرْمَ؞ 30 ڟَاوَتَا وَ أَلْعُمَّ مَيْ غَابَادَمُو، وَنَّنْ دَبَّ مَيْ ٻُواْيٜىٰوَ عَثِيَوَ تَبَاكِنْ كُواْغِ؞ ڟَاوَتَا وَغَرْكٜىٰنْ بِجِمَنَّنْ مَيْ ذَمَ عَثِكِنْ یَیَنْ شَانُو، حَرْ سَيْ سُنْ ذُواْ غَبَنْكَ دَ ضَوَرْ جِكِے سُنَ مِيڧَ مَكَ كُطِنْ أَظُرْڢَا؞ وَاڟَرْ دَ ڧَبِيلُ مَاسُسُوانْ يِنْ يَاڧِ! 31 وَكِلَيْ ذَاسُذُواْ دَغَ ڧَسَرْ مَصَرْ، مُتَنٜىٰنْ إِتِيُواْڢِيَ ذَاسُ مِيڧَ كَنْسُ غَ اللَّهْ؞ 32 يَا كُو مُلْكُواْكِنْ دُونِيَا، كُرٜىٰرَ يَبُواْ غَ اللَّهْ! كُرٜىٰرَ وَاڧَرْ يَبُواْ غَ عُبَنْغِجِ! 33 كُرٜىٰرَ وَاڧَا غَ وَنَّنْ مَيْ هَوَنْ سَرَرِنْ سَمَ نَتُنْدَا، شِے مَيْ ڟَاوَ دَ بَبَّرْ مُرْيَ؞ 34 كُيِ شٜىٰلَرْ إِيكُوانْ اللَّهْ، وَنْدَ دَرَجَرْسَ تَكٜىٰ بِسَنْ إِسْرَٰٓءِيلَ، إِيكُوانْسَ كُوَ يَنَ ثِكِنْ سَرَرِنْ سَمَ؞ 35 يَا اللَّهْ، كَيْ مَيْ بَنْ مَامَاكِ نٜىٰ أَ وُرِنْ ذَمَنْكَ مَيْ ڟَرْكِے! كَيْ اللَّهْ نَ إِسْرَٰٓءِيلَ، كَكَنْ بَادَ إِيكُواْ دَ ڧَرْڢِے غَ مُتَنٜىٰنْكَ؞ أَلْبَرْكَ تَا تَبَّتَا غَ اللَّهْ! |
Hausa Common Language Ajami Bible © The Bible Society of Nigeria, 2020
Bible Society of Nigeria