زَبُورَا 66 - أَتَّوْرَتْ دَ أَنَّبَاوَا

وَاڧَرْ يَبُواْ سَبُواْدَ أَلْحٜىٰرِنْ اللَّهْ

﴿عُمَرْنِ غَ شُوغَبَنْ مَوَاڧَ:‏ وَاڧَرْ زَبُورَا؞﴾

¹ يَا كُو دُونِيَا دُكَ، يِكِرَرِ دَ ڢَضٍ ثِكِ غَ اللَّهْ!‏

² كُرٜىٰرَ يَبُوانْ طَوْكَكَرْ سُونَنْسَ، كُيِ يَبُوانْ طَوْكَكَرْسَ!‏

³ كُثٜىٰ وَ اللَّهْ، ‏«‏إِنَا مِصَالِنْ أَيُّكَنْكَ نَبَنْ مَامَاكِ!‏ إِيكُوانْكَ يَنَدَ غِرْمَ ڨُورَيْ، حَرْ مَاسُ ڧِنْكَ سُكَنْ دُرْڧُسَ أَغَبَنْكَ دَ ڟُواْرُواْ!‏

⁴ دُكَنْ مُتَنٜىٰنْ دُونِيَا سُنْ رُسُنَ سُنَ مَكَ سُجَّدَ، سُنَ رٜىٰرَ مَكَ يَبُواْ، سُنَ رٜىٰرَ يَبُواْ غَ سُونَنْكَ؞»‏

⁵ ذُواْ كُغَ أَبِنْدَ اللَّهْ يَيِ، أَيُّكَنْسَ نَبَنْ مَامَاكِ وَطَنْدَ يَعَيْكَتَ دُواْمِنْ یَنْ أَدَمْ؞

⁶ يَمَيْدَ تٜىٰكُ بُوسَشِّيَرْ ڧَسَا، مُتَنٜىٰ سُكَ حَيٜىٰ كُواْغِنْ دَ ڧَڢَا؞ أَوُرِنْ مُكَيِ ڢَضٍ ثِكِ غَ يَهْوٜىٰهْ؞

⁷ دَ إِيكُوانْسَ يَنَ مُلْكِ حَرْ أَبَدَا، دَ عِدَنُونْسَ يَنَ دُوبَنْ أَلْعُمَّيْ، دُواْمِنْ كَدَ یَنْ تَاوَيٜىٰ سُتَيَرْ مَسَ؞

⁸ يَبِے اللَّهْ نْمُ، يَا كُو ڧَبِيلُ دُكَ!‏ بَرِ كُواْوَ يَجِ مُرْيَرْ يَبُوانْسَ؞

⁹ شِينٜىٰ مَيْ كِيَايٜىٰ رَنْمُ، يَنَ ڟَرٜىٰ ڧَڢَاڢُنْمُ دَغَ يِنْ سَنْڟِ؞

¹⁰ غَمَا كَيْ كَا ڠُودَمُ، يَا اللَّهْ، كَاتَثٜىٰمُ كَمَرْ أَظُرْڢَا أَوُتَا؞

¹¹ كَا كَيْمُ ثِكِنْ بَوْتَا، كَا جِبْغَ كَايَ مَاسُ نَوْيِ عَكَنْمُ؞

¹² كَا بَرْ أَبُواْكَنْ غَابَنْمُ سُكَ تَتَّاكَمُ، مُنْبِے تَثِكِنْ وُتَادَ ضُوَ، عَمَّا يَنْذُ كَكَٰوُاْمُ أَوُرِے مَيْ أَلْبَرْكَ عَيَلْوَثٜىٰ؞

¹³ ذَنْ شِغَ غِدَنْكَ إِنْمِيڧَ هَدَايَ تَڧُواْنَاوَا، ذَنْ ثِكَ مَكَ رَنْڟُوَاتَا،

¹⁴ ضَنْڟُوَارْ دَ هَرْشٜىٰنَ يَيِ، وَدَّ بَاكِنَ يَڢَطَا سَعَدَّ نَكٜىٰ ثِكِنْ وَهَلَ؞

¹⁵ ذَنْ مِيڧَ مَكَ هَدَايَ، هَدَايَرْ ڧُواْنَاوَا تَدَبُّواْبِے مَاسُ ڧِبَ، حَطٜىٰ دَ ڧَنْشِنْ ڧُواْنَاوَرْ رَغُنَ ذَنْ مِيڧَ بِجِمَيْ دَ أَوَكِ؞

¹⁶ كُذُواْ كُسَوْرَرَ، دُكَنْكُ دَ كُكٜىٰ ڟُواْرُوانْ اللَّهْ، ذَنْ غَيَ مُكُ أَبِنْدَ يَيِ مِنِ؞

¹⁷ نَيِ كِرَا غَرٜىٰشِ دَ بَبَّرْ مُرْيَ، نَاكُوَ يَبٜىٰشِ دَ هَرْشٜىٰنَ؞

¹⁸ دَ نَرِڧٜىٰ لَيْڢِے أَ ذُوثِيَاتَ، دَ عُبَنْ‌غِجِ بَيْ سَوْرَرَتَبَ؞

¹⁹ بَا شَكَّ اللَّهْ يَسَوْرَرَتَ، يَكُمَجِ أَدُّعَتَ؞

²⁰ أَلْبَرْكَ تَا تَبَّتَا غَ اللَّهْ، وَنْدَ بَيْڧِ جِنْ أَدُّعَتَ، كُواْ يَحَنَ مِنِ ڧَوْنَرْسَبَ!‏