زَبُورَا 65 - أَتَّوْرَتْ دَ أَنَّبَاوَا

وَاڧَرْ غُواْدِيَ

﴿عُمَرْنِ غَ شُوغَبَنْ مَوَاڧَ:‏ زَبُورَا تَ دَاوُدَ؞ وَاڧَثٜىٰ؞﴾

¹ يَبُواْ يَدَاثٜىٰ دَكَيْ عَثِكِنْ بِرْنِنْ سِهِيُواْنَ يَا اللَّهْ!‏ أَغَرٜىٰكَ ذَامُ ثِكَ ضَنْڟُوَارْمُ،

² يَا كَيْ مَيْ جِنْ أَدُّعُواْعِ!‏ أَغَرٜىٰكَ نٜىٰ دُكَنْ حَلِتَّ ذَاسُذُواْ؞

³ دَ لَيْڢُواْڢِنْمُ سُنْ شَا ڧَرْڢِنْمُ، كَغَاڢَرْتَا مَنَ ذُنُبَنْ غَنْ‌غَنْثِنْمُ؞

⁴ مَاسُ أَلْبَرْكَ نٜىٰ وَطَنْدَ كَذَاٻَا، وَطَنْدَ كَجَٰوُاْسُ كُسَ سُكَسَنْثٜىٰ أَ ڢِيلِنْ غِدَنْكَ؞ ذَامُ ڧُواْشِ دَ أَلْحٜىٰرِنْ غِدَنْكَ، دَ أَلْبَرْكُنْ هَيْكَلِنْكَ مَيْ ڟَرْكِے؞

⁵ كَكَنْ أَمْسَ مَنَ دَ أَيُّكَنْ بَنْ مَامَاكِ نَأَدَلْثِے، يَا اللَّهْ مَيْ ثٜىٰتُوانْمُ؞ كَيْ نٜىٰ سَا ذُوثِيَا نَدُكَنْ دُونِيَا، حَرْ مَا نَوَطَنْدَ سُكٜىٰ ثَنْ إِيَاكَرْ تٜىٰكُ؞

⁶ كَا كَكَّڢَ مَنْيَنْ تُدَّيْ تَوُرِنْ إِيكُوانْكَ، غَمَا كَنَدَ ڧَرْڢِے ڨُورَيْ؞

⁷ كَيْ كَا ڟَيْ دَ رُورِنْ تٜىٰكُنَ، دَ هَوْكَنْ رَاڧُمَنْ ضُوَ، دَ هَيَانِيَرْ ڧَبِيلُنْ؞

⁸ وَطَنْدَ سُكٜىٰ ذَمَ عَ إِيَاكَرْ دُونِيَا ذَاسُ جِڟُواْرُواْ سَبُواْدَ مَنْيَنْ أَيُّكَنْكَ؞ دَغَ غَبَسْ ذُوَا يَمَّ كَنَسَا عَتَادَ مُرْيَرْ ڢَضٍ ثِكِ؞

⁹ كَنَ كُلَ دَ ڧَسَا تَوُرِنْ بَاتَ ضُوً سَمَ، كَسَا تَبَادَ أَمْڢَانِ مَيْ يَوَ، كُواْغُنَنْ اللَّهْ سُنْثِكَ دَ ضُوَ، دُواْمِنْ سُبَا مُتَنٜىٰ حَڟِ؞ غَمَا حَكَ كَشِرْيَ؞

¹⁰ كَكَنْيِ وَغُواْنَكِ بَنْ ضُوَ، كَنَ جِڧَ كُنْيُواْيِنْ، ڧَسَا تَيِ لَوْشِ دَ ضُوً سَمَ، كَنَ أَلْبَرْكَثِ ڟِرٜىٰ ڟِرٜىٰنْتَ؞

¹¹ كَكَنْ نَطَ وَشٜىٰكَرَا غِرْبِے مَيْ يَوَ، يَايِنْ دَ كَكٜىٰ وُثٜىٰوَ أَلْبَرْكُنْكَ سُنَ ظُبُواْوَ عَيَلْوَثٜىٰ؞

¹² أَلْحٜىٰرِنْ وُثٜىٰوَرْكَ يَسَا ثِيَوَرْ كِيوُاْ سُيَلْوَتَ أَدَاجِ، ڢَضٍ ثِكِ كُوَ يَرُڢٜىٰ تُدَّيْ؞

¹³ غَرْكٜىٰنْ تُمَكِ سُنْ رُڢٜىٰ ڢِيلَيٜىٰنْ كِيوُاْ أَ ڢَدَمَ، حَڟِ يَرُڢٜىٰ ݣُورِ ڢَلْ!‏ دُكَ سُنَ تَادَ مُرْيَ سُنَ رٜىٰرَ وَاڧَرْ ڢَضٍ ثِكِ؞