زَبُورَا 64 - أَتَّوْرَتْ دَ أَنَّبَاوَا

كُوكَنْ نٜىٰمَنْ كِيَايٜىٰوَا

﴿عُمَرْنِ غَ شُوغَبَنْ مَوَاڧَ:‏ زَبُورَا تَ دَاوُدَ؞﴾

¹ جِنِ، يَا اللَّهْ، يَايِنْ دَ نَكٜىٰ كُوكَا، كَكِيَايٜىٰ رَيْنَ دُواْمِنْ كَدَ ڟُواْرُوانْ مَاسُ ڧِينَ يَشَا ڧَرْڢِينَ؞

² كَكِيَايٜىٰنِ دَغَ ڧُلّٜىٰ ڧُلّٜىٰنْ مُوغَيٜىٰ، دَغَ تَارُوانْ مَاسُ عَيْكَتَ مُغُنْتَا،

³ وَطَنْدَ سُكٜىٰ وَاسَ هَرْسُنَنْسُ كَمَرْ بَاكِنْ تَكُواْبِے، مَاسُ هَرْبَ مُوغَيٜىٰنْ مَغَنْ‌غَنُ كَمَرْ كِبِيُواْيِ؞

⁴ سُكَنْ ٻُيَ سُهَرْبِے مَرَرْ لَيْڢِے، بَا لَابَرِ سُكَنْيِ هَرْبِے بَابُ ڟُواْرُواْ؞

⁵ سُكَنْ ڧَرْڢَڢَ جُونَنْسُ عَثِكِنْ ڧُلّٜىٰ ڧُلّٜىٰنْسُ نَمُغُنْتَا؞ عَٻُواْيٜىٰ سُكَنْ شِرْيَ تَرْكُوانْسُ، سُنَ ڟَمَّنِ ‏«‏وَ ذَيْ غَنْمُ؟»‏

⁶ سُكَنْيِ مُوغَيٜىٰنْ ڧُلّٜىٰ ڧُلّٜىٰنْسُ سُثٜىٰ ‏«‏مُنْ غَمَ شِرِ مَيْݣَوْ سَرَيْ!‏»‏ لَلَّيْ ذُوثِيَارْ مُتُمْ دَ تُنَانِنْسَ، سُنَدَ وُيَرْ غَانٜىٰوَ!‏

⁷ عَمَّا اللَّهْ ذَيْ هَرْبٜىٰسُ دَ كِبِيَرْسَ، بَا لَابَرِ كِبِيَرْسَ ذَاتَ يِمُسُ ثِيوُاْ؞

⁸ مَغَنَرْ هَرْشٜىٰنْسُ ذَاتَ جُويُواْ كَنْسُ تَهَلَكَاسُ؞ دُكْ وَطَنْدَ سُكَغَ وَنَّنْ ذَاسُيِ مُسُ بَعَ سُنَ كَطَ كَنْسُ؞

⁹ دُكَنْ مُتَنٜىٰ كُوَ ذَاسُ جِڟُواْرُواْ، ذَاسُيِ شٜىٰلَرْ أَبِنْدَ اللَّهْ يَيِ، سُكُمَيِ تُنَانِ عَكَنْ أَبِنْدَ يَعَيْكَتَ؞

¹⁰ عَثِكِنْ يَهْوٜىٰهْ مَاسُ أَدَلْثِے ذَاسُيِ ڢَضٍ ثِكِ، سُكُمَ سَامِ وُرِنْ ٻُيَ أَوُرِنْسَ؞ دُكَنْ مَاسُ غَسْكِيَ أَ ظُوثِ سُيَبٜىٰشِ؞