زَبُورَا 62 - أَتَّوْرَتْ دَ أَنَّبَاوَا

وَاڧَرْ دُواْغَضَ غَ اللَّهْ

﴿عُمَرْنِ غَ شُوغَبَنْ مَوَاڧَ:‏ عَيِتَ بِسَغَ وَاڧَرْ يٜىٰدُتُنْ؞ زَبُورَا تَ دَاوُدَ؞﴾

¹ حَڧِيڧَ دَغَ وُرِنْ اللَّهْ كَطَيْ نَكٜىٰ سَامُنْ ݣُونْثِيَرْ رَيْ، دَغَ غَرٜىٰشِنٜىٰ ثٜىٰتُواْنَ يَكٜىٰ ڢِتُواْوَ؞

² حَڧِيڧَ، شِ كَطَيْ نٜىٰ دُوڟٜىٰنْ ٻُيَنَ دَ مَيْ ثٜىٰتُواْنَ، شِينٜىٰ كَتَنْ‌غَتَا، بَذَنْ تَٻَ جِجِّغُوَبَ؞

³ حَرْ يَوْشٜىٰ ذَاكُ تَاسَرْوَ مُتُمْ طَيَ؟ دُكَنْكُ كُنَ سُواْ كُكَشٜىٰشِ، شِ دَيَكٜىٰ كَمَرْ بَنْ‌غُواْ مَرَرْ ڧَرْڢِے كُواْ كُمَ كَتَنْ‌غَرْ دَ تَكُسَنْ ڢَاطُوَ؞

⁴ شِرِنْسُ كَطَيْ شِينٜىٰ سُتُمْٻُكٜىٰ شِ دَغَ مَڟَيِنْسَ نَغِرْمَ، سُنَ جِنْ دَاطِنْ يِنْ ڧَضْيَا؞ سُكَنْ سَا وَمُتُمْ أَلْبَرْكَ دَ بَاكِنْسُ، عَمَّا عَثِكِنْ ذُوثِيَارْسُ لَعَنْتَوَ سُكٜىٰيِ؞

⁵ يَرَيْنَ، نٜىٰمِ ݣُونْثِيَرْ رَيْ دَغَ وُرِنْ اللَّهْ كَطَيْ، حَڧِيڧَ، أَغَرٜىٰشِنٜىٰ سَا ذُوثِيَارْكَ تَكٜىٰ؞

⁶ حَڧِيڧَ، شِ كَطَيْ نٜىٰ دُوڟٜىٰنْ ٻُيَنَ دَ مَيْ ثٜىٰتُواْنَ، شِينٜىٰ كَتَنْ‌غَتَا، بَذَنْ جِجِّغُبَ؞

⁷ ثٜىٰتُواْنَ دَ طَوْكَكَتَ دَغَ وُرِنْ اللَّهْ نٜىٰ كَطَيْ، اللَّهْ شِينٜىٰ بَبَّنْ دُوڟٜىٰنْ ٻُيَنَ دَ كُمَ وُرِنْ ٻُيَنَ؞

⁸ يَا جَمَعَ، كُدُواْغَرَ غَ اللَّهْ كُلُّمْ، كُڢَطَا مَسَ دُكَنْ ذُوثِيَارْكُ، غَمَا اللَّهْ شِينٜىٰ وُرِنْ ٻُيَنْمُ؞

⁹ حَڧِيڧَ، یَنْ أَدَمْ بَسُ دَ وَنِ أَمْڢَانِ، دَ تَلَكَاوَا دَ مَاسُ أَرْزِڧِ دُكْ كَمَرْ إِسْكَرْ نُمْڢَشِ سُكٜىٰ؞ عِدَنْ أَنْعَوْنَسُ، نَوْيِنْ دُكَنْسُ بَيْ كَيْ إِسْكَرْ نُمْڢَشِبَ؞

¹⁰ كَدَ كُدُواْغَرَ غَ عَيْكِنْ ثُوتَا، كُواْ كُسَا رَيْ غَ ثِنْ رِيبَ دَغَ عَيْكِنْ ڢَشِ؞ كُواْ دَ أَرْزِڧِنْكُ يَڧَارُ، كَدَ كُدُواْغَرَ غَرٜىٰشِ؞

¹¹ سَوْ طَيَا اللَّهْ يَيِ مَغَنَ، سَوْ بِيُ كُوَ نَجِ ثٜىٰوَ إِيكُواْ نَ اللَّهْ نٜىٰ،

¹² ڧَوْنَ مَرَرْ ثَنْجَاوَا تَ عُبَنْ‌غِجِ ثٜىٰ؞ غَمَا كَيْ كَكَنْ سَاكَ وَمُتُمْ بِسَغَ عَيْكِنْسَ؞