زَبُورَا 61 - أَتَّوْرَتْ دَ أَنَّبَاوَا

كُوكَنْ مَيْ تَبَّثِنْ كِيَايٜىٰوَرْ اللَّهْ

﴿عُمَرْنِ غَ شُوغَبَنْ مَوَاڧَ:‏ عَيِتَ دَ كَايَنْ كَطٜىٰ كَطٜىٰ إِرِنَّمُواْلُواْ؞ زَبُورَا تَ دَاوُدَ؞﴾

¹ جِ كُوكَنَ، يَا اللَّهْ، كَسَوْرَرِ أَدُّعَتَ!‏

² دَغَ إِيَاكَرْ دُونِيَا نَيِ كِرَا غَرٜىٰكَ، سَعَدَّ نَڢِدَّ ذُوثِيَا؞ بَرِ كَكَيْنِ كَنْ تُدُ مَيْ ڟَيِ؞

³ غَمَا كَيْنٜىٰ وُرِنْ ٻُيَنَ، كَيْنٜىٰ حَصُومِيَا مَيْ ڧَرْڢِے، مَيْ ڟَرٜىٰنِ دَغَ أَبُواْكَنْ غَابَنَ؞

⁴ بَرِ إِنْ كَسَنْثٜىٰ ثِكِنْ تٜىٰنْتِنْكَ مَيْ ڟَرْكِے حَرْ أَبَدَا، بَرِ إِنْ سَامِ ذَمَنْ لَاڢِيَ عَڧَرْڧَشِنْ ڢِكَڢِكَنْكَ؞

⁵ غَمَا كَيْ يَا اللَّهْ، كَارِغَا كَاجِ رَنْڟُوَاتَا، كَكُمَ بَانِ رَبُواْ نَغَادُوانْ مَاسُ غِرْمَمَ سُونَنْكَ؞

⁶ بَرِ كَڧَارَ وَسَرْكِے ڟَوُانْ ݣُونَكِنْسَ، كَسَا يَرَايُ دَغَ ڟَارَا ذُوَا ڟَارَا!‏

⁷ يَا اللَّهْ، بَرِ كَسَا يَيِ مُلْكِ أَغَبَنْكَ حَرْ أَبَدَا، كَسَا ڧَوْنَرْكَ دَ أَمِنْثِنْكَ سُكِيَايٜىٰشِ؞

⁸ دُواْمِنْ حَكَ ذَنْ رٜىٰرَ يَبُوانْ سُونَنْكَ حَرْ أَبَدَا، يَايِنْ دَ نَكٜىٰ ثِكَ رَنْڟُوَاتَا كُواْوَثٜىٰ رَانَ؞