زَبُورَا 60 - أَتَّوْرَتْ دَ أَنَّبَاوَا

كُوكَنْ أَلْعُمَّ بَايَنْ رَشِنْ نَصَرَا

﴿عُمَرْنِ غَ شُوغَبَنْ مَوَاڧَ:‏ عَيِتَ بِسَغَ مُرْيَرْ ‏«‏ڢُلَوَرْ دَاجِ تَيَرْجٜىٰجٜىٰنِيَ؞»‏ زَبُورَا تَ دَاوُدَ؞ إِرِے تَ ‏«‏مِكْتَمْ»‏؞ دُوانْ كُواْيَرْوَا؞ لُواْكَثِنْ دَ يَيِيَاڧِ دَ نَهَرَيِمْ تَ سُورِيَ دَ ذُوابَ تَ سُورِيَ دَ كُمَ سَعَدَّ يُواْوَبْ يَدَاوُاْ دَغَ كَشٜىٰوَرْ مُتَنٜىٰنْ عٜىٰدُوامْ دُبُو غُواْمَشَا بِيُ أَ ݣُورِنْ غِشِرِ؞﴾

¹ كَيْ كَا يَاشٜىٰمُ، يَا اللَّهْ، كَيْ كَاسَا عَكَثِمُ دَ يَاڧِ؞ كَايِ ڢُشِے دَمُو، تُواْ، يَنْذُ جُويُواْ وُرِنْمُ!‏

² كَيْ كَاسَا ڧَسَرْ تَيِ ضَوَ، كَيْ كَا ڟَٰغَتَ؞ يَنْذُ بَرِ كَوَرْكَرْدَ عِتَ دُواْمِنْ تَنَ رَرَّبُوَ؞

³ كَيْ كَاسَا مُتَنٜىٰنْكَ سُكَشَا وَهَلَ ڨُورَيْ، كَا سَا مُنَ تَڢِيَ عَبُغٜىٰ كَمَرْ كَبَامُ ضُوً إِنَبِے مُنْشَا؞

⁴ بَرِ كَتَادَ تُوتَ تَذَمَ عَلَمَ دُواْمِنْ مَاسُ ڟُواْرُوانْكَ سُتَتَّارُ دُواْمِنْ سُكُٻُتَ وَ هَرْبِنْ بَكَ؞

⁵ أَمْسَ مَنَ، كَثٜىٰثٜىٰمُ دَ حَنُّنْ دَامَنْكَ، دُواْمِنْ وَطَنْدَ كَكٜىٰ ڧَوْنَ سُكُٻُتَ؞

⁶ اللَّهْ يَيِ مَغَنَ دَغَ وُرِنْ ذَمَنْسَ مَيْ ڟَرْكِے، يَثٜىٰ ‏«‏دَ نَصَرَا ذَنْ رَرَّبَ شٜىٰكٜىٰمْ إِنْ رَرَّبَ ݣُورِنْ سُكُّواتْ وَمُتَنٜىٰنَ؞

⁷ يَنْكِنْ غِلٜىٰيَدْ نَوَنٜىٰ، حَكَمَا يَنْكِنْ مَنَسّٜىٰ، يَنْكِنْ إِڢْرَيِمْ شِينٜىٰ هُولَرْ ݣُونُواْنَ، ڧَسَرْ يَهُودَ كُمَ سَنْدَنْ مُلْكِنَ؞

⁸ ڧَسَرْ مُواْوَبْ عِتَثٜىٰ ݣُونُوانْ وَنْكِنَ، عَكَنْ ڧَسَرْ عٜىٰدُوامْ نَجٜىٰڢَ تَاكَلْمِنَ، عَلَمَ ثٜىٰوَ ڧَسَرْ بَكُواْمٜىٰبَثٜىٰ، إِنْكُمَيِ كِرَرِنْ نَصَرَا عَكَنْ ڧَسَرْ ڢِلِسْتِ؞»‏

⁹ وَ ذَيْكَيْنِ بِرْنِ مَيْ كَتَنْ‌غَ؟ وَ ذَيْ يِمِنِ جَغُواْرَ ذُوَا ڧَسَرْ عٜىٰدُوامْ؟

¹⁰ يَا اللَّهْ، بَ كَيْ كَاڧِيمُبَ؟ بَ كَاڧِ كَڢِتَ تَرٜىٰدَ سُواْجُواْجِنْمُبَ، يَا اللَّهْ؟

¹¹ تَيْمَكٜىٰمُ مُيَاڧِ أَبُواْكَنْ غَابَنْمُ، غَمَا تَيْمَكُوانْ مُتُمْ بَنْظَنٜىٰ!‏

¹² دَ تَيْمَكُوانْ اللَّهْ، ذَامُثِ نَصَرَا، شِينٜىٰ ذَيْ تَتَّاكَ أَبُواْكَنْ غَابَنْمُ؞