زَبُورَا 59 - أَتَّوْرَتْ دَ أَنَّبَاوَا

كُوكَنْ نٜىٰمَنْ كُٻُتَ

﴿عُمَرْنِ غَ شُوغَبَنْ مَوَاڧَ:‏ عَيِتَ بِسَغَ مُرْيَرْ ‏«‏كَدَ أَ هَلَّكَرْ؞»‏ زَبُورَا تَ دَاوُدَ؞ إِرِے تَ ‏«‏مِكْتَمْ»‏؞ لُواْكَثِنْ دَ سَرْكِے طَالُوتَ يَعَيْكِ مُتَنٜىٰ سُٻُيَ سُجِرَا أَغِدَنْ دَاوُدَ دُواْمِنْ سُكَشٜىٰشِ؞﴾

¹ يَا اللَّهْ نَا، كُٻُتَرْ دَنِے دَغَ أَبُواْكَنْ غَابَنَ، كَڟَرٜىٰنِ دَغَ مَاسُ تَاسَرْ مِنِ!‏

² كُٻُتَرْ دَنِے دَغَ مَاسُ عَيْكَتَ مُغُنْتَا، كَثٜىٰثٜىٰنِ دَغَ مَاسُ ظُبْدَ جِنِ!‏

³ دُوبَ!‏ سُنَ جِرَا سُكَشٜىٰنِ، مُوغَيٜىٰ سُنَ ڧُلّٜىٰ ڧُلّٜىٰنْ غَابَادَنِے؞ وَنَّنْ بَسَبُواْدَ ذُنُوبِنْ غَنْ‌غَنْثِ كُواْ ذُنُوبِنْدَ نَيِبَ؞

⁴ يَا يَهْوٜىٰهْ، بَدُواْمِنْ نَيِ وَنِ لَيْڢِے بَ، دَسُكٜىٰ سَوْرِنْ شِرِنْ ڢَاطُواْ مِنِ؞ تَاشِ، كَتَيْمَكٜىٰنِ!‏ دُوبِے حَلِنْ دَ نَكٜىٰثِكِ!‏

⁵ كَيْ، يَا يَهْوٜىٰهْ اللَّهْ مَيْ ضُنْدُنَا، كَيْنٜىٰ اللَّهْ نَ إِسْرَٰٓءِيلَ؞ تَاشِ كَحُكُنْتَ دُكَنْ أَلْعُمَّيْ، كَدَ كَنُونَ جِنْڧَيْ غَ مَاسُثِنْ أَمَانَ؞

⁶ كُواْوَثٜىٰ يَمَّ سُكَنْ دَاوُاْ سُنَ تَيَٰوُاْ كُواْعِنَ عَبِرْنِ، سُنَ تَهَوْشِ كَمَرْ كَرْنُكَ؞

⁷ جِ ذَاغِنْ دَيَكٜىٰ ڢِتُواْوَ دَغَ بَاكِنْسُ، هَرْشٜىٰنْسُ يَنَ كَمَ دَ تَكُواْبِے عَبَاكِنْسُ، سُكَنْ كُوَيِ تُنَانِ ثٜىٰوَ ‏«‏وَ ذَيْجِيمُ؟»‏

⁸ عَمَّا يَا يَهْوٜىٰهْ، كَكَنْيِ مُسُ دَارِيَا، كَكَنْيِ وَدُكَنْ أَلْعُمَّيْ بَعَ؞

⁹ يَا كَيْ دَ كَكٜىٰ ڧَرْڢِينَ، إِنَ دُواْغَضَ غَرٜىٰكَ، غَمَا كَيْنٜىٰ وُرِنْ ٻُيَنَ، يَا اللَّهْ؞

¹⁰ اللَّهْ نَمَيْ ڧَوْنَ مَرَرْ ثَنْجَاوَا، ذَيْ كُوَ ذُواْ وُرِينَ، اللَّهْ نَا ذَيْسَا إِنْ‌غَا ڢَاطُوَرْ مَاسُ ڧِينَ؞

¹¹ كَدَ كَكَشٜىٰسُ، يَا اللَّهْ، دُواْمِنْ كَدَ مُتَنٜىٰنَ سُمَنْتَا يَدَّ كَحُكُنْتَ مَاسُ مُغُنْتَا؞ كَوَاڟَرْ دَسُو دَ إِيكُوانْكَ، كَكَوَرْدَسُو، يَا عُبَنْ‌غِجِ، كَيْ دَ كَكٜىٰ غَرْكُوَتَ؞

¹² سَبُواْدَ ذُنُوبِنْ بَاكِنْسُ، تَدَلِيلِنْ كَلْمُواْمِنْ هَرْشٜىٰنْسُ، بَرِ غِرْمَنْ كَنْسُ يَذَمَ مُسُ تَرْكُواْ؞ سَبُواْدَ ذَاغِ دَ ڧَضْيَارْ دَسُكٜىٰيِ،

¹³ بَرِ كَهَلَكَاسُ ثِكِنْ ڢُشِنْكَ، كَهَلَكَاسُ ڧُرْمُسْ؞ تَهَكَ مُتَنٜىٰ ذَاسُ سَنْ ثٜىٰوَ اللَّهْ يَنَ مُلْكِ عَكَنْ ذُرِيَرْ يَعْڧُوبَ، مُلْكِنْسَ كُوَ يَكَيْ حَرْ إِيَاكَرْ دُونِيَا؞

¹⁴ كُواْوَثٜىٰ يَمَّ سُكَنْ دَاوُاْ سُنَ تَيَٰوُاْ كُواْعِنَ عَبِرْنِ، سُنَ تَهَوْشِ كَمَرْ كَرْنُكَ؞

¹⁵ سُنَ تَيَٰوُانْ نٜىٰمَنْ عَبِنْثِ، سُنَ كُوكَا عِدَنْ بَسُ ڧُواْشِبَ؞

¹⁶ عَمَّا نِے دَيْ، ذَنْ رٜىٰرَ وَاڧَا غَمٜىٰدَ إِيكُوانْكَ، كُواْوَثٜىٰ سَاڢِيَ دَ دُكَنْ ڧَرْڢِينَ، ذَنْ رٜىٰرَ وَاڧَرْ ڧَوْنَرْكَ مَرَرْ ثَنْجَاوَا، غَمَا كَيْنٜىٰ كَتَنْ‌غَتَا، كَيْنٜىٰ وُرِنْ ٻُيَنَ أَ لُواْكَثِنْ وَهَلَ؞

¹⁷ يَا كَيْ دَ كَكٜىٰ ڧَرْڢِينَ، ذَنْ رٜىٰرَ مَكَ وَاڧُواْڧِنْ يَبُواْ، غَمَا كَيْنٜىٰ وُرِنْ ٻُيَنَ، يَا اللَّهْ، كَيْنٜىٰ اللَّهْ نَا وَنْدَ يَكٜىٰ نُونَ مِنِ ڧَوْنَ مَرَرْ ثَنْجَاوَا؞