زَبُورَا 57 - أَتَّوْرَتْ دَ أَنَّبَاوَا

كُوكَنْ نٜىٰمَنْ تَيْمَكُواْ

﴿عُمَرْنِ غَ شُوغَبَنْ مَوَاڧَ:‏ عَيِتَ بِسَغَ مُرْيَرْ ‏«‏كَدَ أَ هَلَّكَرْ؞»‏ زَبُورَا تَ دَاوُدَ؞ إِرِے تَ ‏«‏مِكْتَمْ»‏؞ لُواْكَثِنْدَ يَغُدُ دَغَ سَرْكِے طَالُوتَ دَغَ كُواْغُوانْ دُوڟٜىٰ؞﴾

¹ يِمِنِ جِنْڧَيْ، يَا اللَّهْ، يِمِنِ جِنْڧَيْ!‏ غَمَا أَغَرٜىٰكَ ذُوثِيَاتَ تَسَامِ وُرِنْ ٻُيَ؞ عَ إِنُوَرْ ڢِكَڢِكَنْكَ ذَنْ سَامِ وُرِنْ ٻُيَ حَرْ سَيْ مُوغُوَرْ مَسِيڢَرْ نَنْ تَوُثٜىٰ؞

² نَيِ كِرَا غَ اللَّهْ مَڢِے طَوْكَكَ، نَيِ كِرَا غَ اللَّهْ وَنْدَ يَثِكَ نُڢِنْسَ عَكَيْنَ؞

³ ذَيْ عَيْكَ دَ تَيْمَكُواْ دَغَ سَمَ يَثٜىٰثٜىٰنِ، ذَيْ ڟَاوَتَا وَمَاسُ تَاسَرْ مِنِ؞ اللَّهْ ذَيْ نُونَ مِنِ ڧَوْنَرْسَ دَ أَمِنْثِنْسَ؞

⁴ إِنَ كَمَرْ وَنْدَ يَكٜىٰ أَڟَكِيَرْ ذَاكُواْكِ، نَݣُونْتَ ڟَكِيَرْ دَبُّواْبِے مَاسُثِنْيٜىٰ مُتَنٜىٰ، هَڧُواْرَنْسُ كِبِيُواْيِنٜىٰ دَ مَاسُ، هَرْشٜىٰنْسُ تَكُواْبِنٜىٰ مَيْثِ سُواْسَيْ؞

⁵ بَرِ أَغَ طَوْكَكَرْكَ أَسَرَرِنْ سَمَ، يَا اللَّهْ، بَرِ دَرَجَرْكَ تَحَصْكَكَ أَدُكَنْ دُونِيَا!‏

⁶ مَاسُ ڧِينَ سُنْسَا مِنِ تَرْكُواْ، دَامُوَ تَشَا ڧَرْڢِنْ رَيْنَ؞ سُنْ حَڧَ رَامِ عَكَنْ حَنْيَتَ عَمَّا سُو دَكَنْسُ سُكَ ڢَاطَ ثِكِ؞

⁷ ذُوثِيَاتَ تَكَڢُ دَرَمْ، يَا اللَّهْ، لَلَّيْ ذُوثِيَاتَ تَكَڢُ؞ ذَنْ رٜىٰرَ يَبُواْ، إِنْكُمَيِ وَاڧَرْ يَبُواْ؞

⁸ ڢَرْكَ، يَا رَيْنَ!‏ ڢَرْكَ، يَا غَرَايَتَ دَ مُواْلُواْنَ!‏ دَ وَاڧَتَ ذَنْسَا رَانَ تَڢَرْكَ!‏

⁹ يَا عُبَنْ‌غِجِ، ذَنْ غُواْدٜىٰ مَكَ عَثِكِنْ ڧَبِيلُ، ذَنْ رٜىٰرَ يَبُوانْكَ عَثِكِنْ أَلْعُمَّيْ؞

¹⁰ غَمَا يَوَنْ ڧَوْنَرْكَ تَكَيْ سَمَّيْ، أَمِنْثِنْكَ كُوَ حَرْ سَرَرِنْ سَمَ؞

¹¹ بَرِ أَغَ طَوْكَكَرْكَ أَسَرَرِنْ سَمَ، يَا اللَّهْ، بَرِ دَرَجَرْكَ تَحَصْكَكَ أَدُكَنْ دُونِيَا!‏